ما الحل؟؟؟

[مشكلتي]

السلام عليكم

اخواني انا فتاة عمري 19 سنة بنت على خلق و دين...تعرفت منذ فترة على شاب ولد حلال في الانترنت يعني يريدني كزوجة له والحمد لله الشاب لاباس بيه و ولد فاميليا
المشكل انه يرد التقدم لخطبتي ولكني اخشى ان افتح الموضوع مع والدتي لانها ترفض هذه الفكرة اطلاقا بحجة دراستي وخصوصا اني مقبلة على الجامعة هذه السنة...وعندما قلت له هذا احبط وبدأ كلامه يقل معي وقال لي مادام المشكل في انك ما عندي ماندير...
قال بانه سيدعني اتمم دراستي ولا بأس بذلك والمشكل الاخر انه اذا تقدم لخطبتي وسألوني اين تعرفت عليه فماذا سيكون ردي؟؟؟ لانه يسكن في منطقة ليس لنا اي معارف فيها + نحن عائلة محافظة جدا فإذا تبين مثلا اني تواعدت معه ساقتل مباشرة...
انه بروجلته يزيدني تعلقا يوما بعد يوم لا افيكم هذا فهو خلوق جدا ولا يتحدث الا عن المستقبل و الزواج وهو يود بشدة ان يرسل اهله بعد رمضان وانا كذلك ارغب بذلك لكي نكون على بينة...فماذا افعل لكي اقنع امي وماردي حين يسألونني كيف تعرفت عليه؟؟

[صالح القسنطيني]

السلام عليكم

لا تزكي نفسك فربك اعلم بك فإن كنت كما تقولين على خلق و دين فلماذا تكلمين أجنبي أم ذلك عندك من الدين ؟؟؟؟؟

اتركيه و ليأتي البيوت من أبوابها ثم إذا جاء هان بعد ذلك ما تسالين عنه

[lola-lola]

شوفي تاحدي براي تاعي خليه يجي وهو يدبر راسو ياك راكي تقولي ناويك للحلال مالا يتحمل هو المسؤولية ياختي ماتباصيش روحك على جالوا ودعي رب يكملك ان شاء الله وراكي غير 19 زعما ما تندميش؟؟؟؟؟ خمي ملييييح الزواج حياة ومسؤولية كبيييرة بزاااف ماشي نهار وفايت ياك ان شاء الله رب يهنيك ويفرحك وكملي قرايتك لخاطر قرايتك سلاحك

[ام ايمان16]

صلي وادعي ربي واستخيري واذا كان في هذا الموضوع خير ان شاء الله تلقاي حل لمشكلتك
كان الله في عونك ويسرلك امورك

[نور اليقين جيداء]

علاه خايفة راه حاب الحلال خليه يتقدملك رسمي و الا كان مكتوبك ربي يهنيك و يلا لا ربي يعوضك خير ان شاء الله

[*أمنيآت لآمتنآهية*]

شوفي حبيبتي خليه يتقدم لك،انت ماتقولي لماماك ما والو خليه يجي لمنطقتكم ويهدر مع باباك ويشوف واش رايو ومن بعد اذا وافق لكل حادث حديث،أما على وين تعرف عليك فاذا سألاتك ماماك من بعد ثم خبريها،علابالي حاجة صعيبة باش تقوليلها لكن هي أكيد تآمن بالمكتوب ورايحة تعرف بلي النت ماهي الا سبب جمعكم،ربي يوفقك ويجعلو من نصيبك اذا كان كيب ووليد حلال وتأكدي اذا كان هو مكتوبك صح والديك رايحين يوافقو بلا حتى ما يسألو عليه
نتمنى ان نسمع أخبارا سارة عنك
تحياتي أختي

[faty05]

ياك ولد حلال و وليد اصل و حاب يجي يخطبك
امالا ما طلعي حسابات ما تهبطي
خليه يجي بعد رمضان و يدبر راسو مع والديك
ما تخافيش اذا راه مكتوبك تم تم يفروها
سلام

[شخصية نرجسية]

أولا ما عندكش حق تحكي معاها؟؟؟؟؟؟؟؟ اقطعي علاقتك به و اطلبي منه يطرق بابكم و امبعد ربي يدير فيها خير هدا طبعا لكان طرقها و ديجا قادر يطرق بابكم يقول شفتها سقسيت عليها و ملاحظة مدام راه عارف بلي راكي ساكنة بعيد عليه بزاف تسما قلتلو كلش عليك؟؟؟ظظ غلطة كبيرة أختي توبي و ماتمنيش خلاص و حلي عينك تدمديلو معلومة خلاف عليك و لا صورة برسكو يستغلها ضدك

[Crazy lazy Girl]

يجي يخطبك و قولي ليماك راكي موافقة ........خليها خطبة اومبعد كي تتفاهمو مليح و تكملي قرايتك اتزوجي .....و على مين عرفتيه قوليلهم يسقسيوه هو .هو الي جا خطبك.....بالتوفيق

[koupkoup]

مادام عرفك عن طريق النت ديري مليح في بالك بلي بعرف 1000 وحدة مشي غير انت وراكي تقولي بلي نتوما عائلة محافظة . الا تعلمي انكي تخوني ثقت اهلك فيك ومادام تعرفت عليه في النت فاكيد تعرفت على شباب لقد خنت ثقة اوليائك عجلى بالتوبة علا الله يغفر للك
ملاحظة هااااااااامة
العالم الافتراضي يختلف غن الواااقع بكثيير فاحذري

[وسام المؤمنة]

قوليلهم المكتوب لاقاني بيه ربي يوفقك

[قابضة على الجمر]

مادمت تقولين انك ذات خلق و دين فلماذا تحدثين اجنبيا اما ان كنت تظنين ان هذا جائز فاخبري به والديك عادي
ما عجزت ان تواجهي به والديك ماذا ستقولين عندما يسالك عنه الله
استغفري الله و توبي اليه

[هبةاسارة16]

صح اهتي والله عالم النت ثعيب بزااااااااا ف وديري في بالك بلي الشباب كامل كيف كيف يوهمك بكلمة نجي نخطبك وكي تقولي ايه يدير الف سبة ري يهديهم برك