لي شو من مطبخي Les choux

walido2011 · 2015-04-15, 20:32

[B]السلام عليكم

اليوم جبتلكم وصفة لي شو الي يتعملو بعجينة الشو و ممكن نعملو بيها الإكلير أيضا ونشالله تعجبكم.

بالنسبة لمقادير عجينة الشو:
140 غ فرينة
100غ زبدة
250مل ماء
نصف ملعقة شاي ملح
3 إلى 4 بيضات

الطريقة نضع الزبدة و الماء فوق النار

نخليها حتى تذوب الزبدة ويبدا الماء يغلي نضيف الفرينة و نخلط حتى تنشف و تولي une boule

نبدا نضيف فالبيض حبة حبة

حتى تولي العجينة طرية يعني ما جارية ما يابسة

نفرش ورق الطبخ فوق الصينية و نكون سخنت الفرن 200° ربع ساعة من قبل نبدا فتشكيلهم أنتم و كيفاه تحبو إكلير أو شو أنا حبيت نديرهم شو ندير ب كيس الحلواني ونشكل لي شو الحجم لي تحبوه و ندخلهم الفرن كل واحد و الفرن تاعو بين 25د حتى 40د حتى تشوفوهم تنفخو و حمارو و حذاري تحلو الفرن كي يكونو يطيبو لأنو راح يهبطو.

بالنسبة للكريم باتيسيير أنا كنت درتها في وصفة تارتولات بالفريز من هذا الرابط https://www.djelfa.info/vb/showthread.php?t=1787046

وبالنسبة لشكولاطة التزيين أنا استعملت غاناش كنت درتو أيضا في باتيسري الشوكولا هنا https://www.djelfa.info/vb/showthread.php?t=1779594
ولا تحبو تستعملو شوكولا ذائبة لكن منبعد راح تجمد عكس الغاناش راح يقعد طري و لامع.

نخليهم يبردو هنا بعد ما بردو

نثقبهم من التحت بسكين ثقب صغير و بكيس الحلواني نكون درتلو الكريم باتيسيير و نحشيهم و من بعد نغطسلهم الرأس فالشوكولا و نحطهم ف طبق للتقديم، أنا زدت درت هاديك البطة مشكلة أيضا بعجينة الشو و محشية بالكريم أيضا

نشالله يعجبوكم و تجربوهم لأنهم بنان بزاف.

/B]