أمثال شعبية جزائرية تستعملها الكنات و العجايز حتى يغيضو بعضهم

[أبو مجيد]

السلام عليكم و رحمة اللهوبركاته اتيت لكم اليوم ببعض الأمثال الشعبيةالجزائريةالتي تعتبر اسلحة دمار شامل تستعملها الكنات و العجايز في الحرب العالميةالمشتعلة منذ دخول الكنة إلى البيت
العجوز و هي تستفز الكنة بينما تقوم الأخيرة بشغل البيت
( الله لا يخليني لليدين الله يخليني غابة و الناس حطابة ) طبعا ما فهمتوشيء سأشرح العجوز تقول أدعو الله ان أبقى بصحتي و اقوم انا بشغل بيتي وأساعد الناس مع ان الكنة هي التي تقوم بالشغل

نجحت العجوز في استفزاز الكنة و سترد
( باينة الشقة على حواشيها ) الكنة تقول واضح جدا
العجوز ترد
( أضحك يا فمي على همي ) ههههه العجوز تشكي همها من كنتها
الكنة صح معاك حق (هم يبكي و هم يضحك) وتضحك و تقهقههههههههههههههههههههههههه
العجوز
( يعزيك في راسك الضحك يضحك على الضحك و الضحك يضحك عليهم رحنا لدارالمهابل حرنا شكون يدبر عليهم ) تتهمها بالجنون
بعد ماتخلص الكنة شغل البيت تتزين و تخرج لتغيض العجوز
العجوز ( خصك السواك يا معوجة الحناك) تقصد تقوللها انتي أصلا لا تصلحيللتزين
و تقابل العجوز مرآتها و تحاول تحسن مظهرها
الكنة ( سيدي مليح خصو الهوى و الريح ) يعني نفس معنى المثل السابق ( الليفاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الزوج هلكان من الشغل ويلاقي المشاكل كل واحد تحكي روايتها و يقولجملة واحدة ( كي سيدي كي لالا) يعني وجهان لعملة واحدة وهيالإزعاج طبعا
و انا راح أعلق على الي حصل بين الكنة و العجوز بهذا المثل ( المسلوخة تضحكعلى المذبوحة و المقطعة شبعت عليهم ضحك ) يعني ... ماراح اقول المعنىاخليها فزورة واللي يلقى المعنى ماراح ياخذ و لا فلس

[narmine nor]

هههههههه و الله كاينة منها صح

[noor.miley]

هههههههههههههههههه واه صح دايما الكتة و العجوز ما يتفاهموش
الف شكر على الطرح المميز

[head black]

هههههههههههههههههههه

جميل جدا

[saidtadjer]

...




------------------------------------

[بنت الحاج]

يعطيك الصحة موضوع طريف وأول مرة نسمع بأغلب هاذ الأمثال، بارك الله فيك

[ღصمتـﮯ~ لغتـﮯღ]

أمثَال جمِيلة وطرِيفة

مشكور أخي؛؛
أمّا بالنّسبة للكنّة والعجووز فَ ~كيمَا يقولوُ عندْنا ‘‘اذا تصالحُو العَجوز والكنّة ،الشّيطان ويدخَل الجنّة’’

تقبّل مروري المتَواضِع

[حقائب فرح]

السلام عليكم ماشي لهده الدرجة لكن احيانا هناك نار

[العاصفة الهوجاء]

كي شاب علقولوا كتاب

[AMINA ORANAIS]

ههههههههههههه
شكرا لك

[toutaynabouba]

يققققققتلو
ربي يبارك وكاين مثل عندنا يقول"الا تفاهمت لعجوز و الكنة يدخل ابليس للجنة"
ههههههههههههههه

[صفاء الندى]

هههههههههههههههههه
والله صح

[Jenifer xxx]

looool

so funny

[أبو مجيد]

المشاركة الأصلية كتبت بواسطة Jenifer xxx

looool

so funny

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عاشقة الرياضيـــات]

السلام عليكم ورحمة الله وبركاته

شكرا على الترفيه،، شعرت بتسلية كبيرة وأنا أتابع الحرب بين الكنة والعجوز

أتمنى ألا يحصل هدا بيني وبين أم زوجي في المستقبل ههه

وعن مثلك الخير: "المسلوخة تضحك على المذبوحة و المقطعة شبعت عليهم ضحك"
أفهم منه بأن المسلوخة والمدبوحة هما الكنة والعجوز والمقطعة هو الزوج كما أعتقد،، هل هدا صحيح؟؟