أروع وصفة les beignets من مطبخي زاكية و ساهلة و أكيد تعجبكم

[oum anas 69]

اليوم عندي ليكم وصفة لذيذة إقتصادية ساهلة ماهلة و زاكية ماشاء الله للعائلة و متأكدة بلي تعجبكم و تعجب أطفالكم أو حتى أحبابكم
هذه المقادير تعملك 34 حبة ماشاء الله

وصفة les beignets
500 فرينة
4 ملاعق أكل سكر عادي
2 ملاعق أكل حليب مجفف بودرة
1 ملعقة أكل خميرة خبز فورية
1 ملعقة قهوة خميرة حلويات
1 بيضة ..
فانيليا أنا درت ملعقة أكل فانيليا بودرة
50 غ زبدة أو مارغارين ذائبة
1/4 ل ماء دافئ
1 ملعقة قهوة و نصف ملح
للتزيين سكر قلاصي و للحشو مربى لي تحبيه أو نوتيلا أو أي شيئ آخر مثل كريمة باتسيير
طريقة التحضير
ضعي كل المكونات بالتدريج في العجانة و أخلطي جيدا حتى الحصول على عجينة طرية ماهي جارية بزاف ماهي يابسة
كوريها خليها تخمر مليح حتى يتضاعف حجمها ثم حليها على سطح مرشوش بالفرينة بالحلال على سمك 1 سم و قطعي دوائر متوسطة الحجم أنا إستعملت كأس ثم حطيهم فوق طرشونة مرشوشة بشوية فرينة غطيهم يزيدو يخمرو حتى يتضاعفو ثم سخني زيت على نار هادئة في وعاء غامق .. إستعملت كسرول ... و أقلي بثلاث حبات أو أربعة حتى ينتفخو و أقلبيهم و هكذا حتى تكملي ثم أحشيهم من الجنب ثم رشي عليهم سكر قلاصي
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

طبسي بعثتو لجارتي في طبسيها رجعتهولها

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

و الباقي فرقتو على الأولاد أولاد الحومة يلعبو برة هذا واش قعد بصحتهم طارو بالفرحة

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

ذوقهم روووووووووووووعة و قد ماتاكلي ماتشبعيش مممممممممم
دعوة خير تكفيني حبيباتي لي و لزوجي و لأولادي و أدعولي ربي يسهلي ولادتي و يقويني لأني نولد بعملية و وحدي في الغربة بعد ربي سبحانه

ملاحظة لبنات ;
لي ماعندهاش حليب بودرة .. تنزع الماء و اللحظة و تعوضو بحليب سائل دافئ
و لي ماعندهاش عجانة تعجن بيدها عادي فقط لازم تخلي العجينة طرية مليح

[jojo dj]

واووو ام انوس يعطيك صحة روعة ربي يسهلك ولادتك ويحفضلك عايلتك انشاءالله

[هجيرة1]

يعطيك الصحة هايل

[malek firdaouss]

بصحتكم ربي يسلكك بخير

[sarra5]

rabii yahafdek w yahfadlek wladek w zawjek lkarim

matkhafich inchlh kima lyom twerilna wech jahezti gateau lmawloud ljdid

[salima14]

مممممممم يشهو شكلهم رااااائع ووصفاتك كلها هايلة الله يعطيك ماتتمناي
إن شاء الله

كنت رايحة نسقسي عليك حتى لقيت موضوعك فرحت الله لا يغيبك علينا

[أم ياسين الزهراء]

بارك الله فيك على الوصفة راهي تسخف كيفرغان من الداخل ان شاء الله نجربها وتشوفيها

رووووووووووووووووووووووووووووعة

[oum anas 69]

شكرا أخواتي بارك الله فيكن على الكلام الطيب

[idron0]

هايلة يعطيك الصحة

[أم تقي الدين]

ربي يحفظلك زوجك وأولادك ويجازيك الجنة وربي يسلك وحلك وحلي ان شاء الله:d

[fati13]

ماشاء الله ختي ربي يحفظك وربي يسهلك ولادتك

[tong2]

الله يــــبارك مــــاشــــاء الله


يــعــطيـــك الصـحــة حـــــــبيـبة

ربي يســــــهل أمورك

[ام نافع]

روعة يبانوحفاف وربي اسلكك على حير

[شاوية حرة 05]

ما شاء الله اختي ام انس ربي يسهلك ولادتك يااااااااااااااااااااااااااارب ويكون من الذرية الصالحة

[ادرارية]

شكرا لك اختى العزيزة على تلبية الطلب الله يشافيك ويعافيك ويعطيك وقفة ساهلة ويحط الثقلة بالخير