|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
يايماااااا على طاجين لحلو .......مع تزدام الاغا .....هبااااااال
 |
|
|
أدوات الموضوع | انواع عرض الموضوع |
|
|
2015-04-23, 14:43
|
رقم المشاركة : 1 | ||||
|
يايماااااا على طاجين لحلو .......مع تزدام الاغا .....هبااااااال
السلام عليكم ورحمة الله وبركاته
شكون مايعرفش طاجين الحلو .....شكون ما يحبوووووووش صراااااحة هو سيد المائدةفي رمضان انا وعائلتي نحبوه الكل طبعا باستثناء سي السيد يشوفو يستغم      ما نطولش عليكم ونروحو لتحضيرو في قدرة نحط قطع لحم غنمي 1 م ك سكر طرف زبدة نصف ملعقة ص قرفة مرحية نصف ملعقة ص زعفران شوية ملح وشوية فلفل ابيض عود قرفة  نقلي اللحم مع هاذوك التوابل مع التحريك ما تغفليش عليهباه ما يتحرقلكش السكر راح تقوليلي واش فائدة السكر هنا راح نقولك انو السكر في البداية راح يشكل عليه طبقة مارايحش يخليه ييبس في الطياب نتاعو نلوح حبيبات لوز مقشر ونحمرو مع السكر والتوابل  نمرق ونخلي اللحم يطيب من جهة نكون حطينا عين البقرة او كيما يسموها بعض الناس البرقوق نحطوها في ماء دافيئ مع حبيبات مشماش مصبر وشوية زبيب نقشر التفاح ونقطعو هلالات ونحكو بالليمون نخلي حبة تفاح كاملة ما نقسمهاش لزووووووم التزيين   بعد ما يطيب اللحم نرمي العين والمشماش والزبيب نخليه يطيب مدة ربع ساعة ثم التفاح ونضيفلو 2 كيسان سكر ما نحركش رايح السكر وحدو يذوب خليه يكمل طيابو حتى يعقد  زيديلو شوية نتاع ماء الزهر وساشي فاني نوارة  تكوني موجدة شباح الصفرة نتاعك اللي مكوناتها 3 كيلات صغار لوز مرحي بلا قشور 1 كيلة سكر و فاني ولمي بصفار البيض اعجني مليح بيدك ثم ديري الشكل اللي تحبي  وخليه حتى للمساء واقليهم لوحيهم في بياض البيض واقليهم اول مرة لما يبردو زيدي لوحيهم في بياض البيض مرة اخرى وعاودي اقليهم حاولي يكون اللون نتاعهم اصفر برك لما يبردو امسحيهم بورق المطبخ تتحصلي على شكل نضيف وباهي  و حضري حبيبات تمر طري نحيلو العلفة نتاعو واحشيه بنفس اللوز اللي عملتي بيه شباح الصفرة وديري خطوط مايلين بالموس  الدقلة والشباح تقدري طيبيهم وحدهم في الماء والسكر اذا كانت الكمية كبيرة انا هنا لحتهم فوق الطاجين من فوق على خاطر الكمية صغيرة لحتهم 5 د وطفيت قدمتو مع تزدام الاغا اللي هو نحي من الطاجين نتاعنا حبيبات عين ومشماش وتفاح نقطعهم مكعبات صغار ونزيد معاهم 3 4 حبات دقلة يعني تمر طري مقطع ايضا صغيرو شوية من اللحم نخلطهم  ونعملهم في ورق الديول نحط الحشو شوية على الجوانب من فوق ومن تحت ثم نلمورقة البوراك على الجنب بالطول  نزيد نطوي الجوانب الصغار وندهن بالبياض  واخيرا نلم شكل برية بهاذ الطريقة شكل برية  نقليهم في الزيت نحطهم على ورق ماص للزيت ونقدمهم معاه وايضا ممكن تقدمي الحلو بطريقة اخرى تفرغي شوية من طاجين الحلو في ليغامكا وتفرغي عليهم خليط من 3 كيلات لوز تقدري تكيلي حتى بالمغرفة كيلة سكر قرفة مرحية بيضة خلطي مليح  وفرغي على ليغامكا اللي فيهم الحلو وطيبيهم في الفور حتى يحمار اللوز من فوق هاذ الطريقة تنفع للضياف راهي اممممم روعةةةةةةة  سربي وزيني كيما تحبي نتمنى يعجبكم في امان الله حبيباتي
|
||||
|
|
2015-04-23, 14:45
|
رقم المشاركة : 2 | |||
|
يسعدني اني اول من ردت امممممممم ماشاء الله عليك وربي يبارك فيك يا الغالية والله نحبك ونحب وصفاتك ربي يجازيك ويقدملك الخير |
|||
|
|
|
2015-04-24, 08:53
|
رقم المشاركة : 3 | ||||
|
اقتباس:
نورتي بردك حبيبتي وان احبكي في الله نورتي |
||||
|
|
|
2015-04-23, 15:07
|
رقم المشاركة : 6 | |||
|
اللهم بلغنا رمضان أمين جبتيلنا ريحة فطور رمضان يعطيك الصحة |
|||
|
|
|
2015-04-23, 15:30
|
رقم المشاركة : 9 | |||
|
يعطيك الصحة روعة الشكل يشهي |
|||
|
|
|
2015-04-23, 15:39
|
رقم المشاركة : 10 | |||
|
 |
|||
|
|
|
| الكلمات الدلالية (Tags) |
| .......مع, .....هبااااااال, لحلو, الاغا, بصيام, يايماااااا, طاجين |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
