كي تسهروا مع نت تصرالكم ولالا

[*سندوسة*]

عندما دخلت التكنولوجيا في حياتنا خاصة نحن الجزائريين خربطت كل امورنا واصبحنا احيانا مهملين نوعا ما

حنا فدار كل واحد وعنده لميكرو نتاعة
الوالدة تتصفح النت بحاسوب البيت وانا بالميكرو بورطابل والاخ بالايباد والوالد يشاهد التلفاز ههه ويسقسي الوالدة كانش اخبار فالنت

ويسقسي خويا كانش جديد فالفايس بوك ههه بصح انا مايسقسينيش يعرفني راني لاصقة في منتدى الجلفة هه مرات كي ماما ماتبغيش تقراله يقولي ماماك قراتلي غير العنوان كمليلي ههه اسلوب التشويق

على فكرة الوالدة عندها عضوية هنا فالمنتى بصح ماتشاركش

المهم قوانين البيت تناول وجبة العشاء مابين 8 او9

وكي تكمل سندوسة غسيل لماعين وتطلع للغرفة نتاعها وكل واحد يكون مبرونشي فالميكرو نتاعه حتى كي تلحق 11,30 ولا 12 نتاع ليل حتى نسمع كل مرة واحد يتسلل للمطبخ ههه

مرة ياكلو فالمطبخ ومرة يطلعو للاوووول

مرات الوالد كي نخرج فيه يقولي ران سهران وجعت هههه

ومرات الوالدة تنزل هي تاني الوالد كي ينزل للمطبخ يبغي مرافقة هه نظن يخاف مظلمة

ومرات اخي وهو لي يردلي المطبخ كيما مسرح الجريمة
نلقى شكارة نتاع لحليب حالها فوق البوطاجي هه وقشور الموز فوق الطابلة ومرات غطاء قارورة العصير تحت الطابة والقرعة فارغة ههه

ومرات يجي لعندي للغرفة نروحو للمطبخ نقليله البيض ونديرو لومبيونص فالكوزينة ههه نقوله نتا وجد الفرماج والكاشير والكاس نتاع العصير

وكي يكمل نقوله قعد معايا حتى نظف المطبخ مسكين يقولي نشلل معاك لماعن نقوله غير لاهيني بالهدرة

ومرات صباح نلحق على كارثة نجي ندير لقهوة نلقى جريمة واثار نتاعها وحتى سلاح الجريمة ولكن بعد التحقيق وتتبع الاثار نعرف الجاني

ونبدا في عمليةالتمشيط هه

نتوما ضرك قولولي يصرالكم هكذا انت اخي او اختي كي تسهرو مع نت تجوعو فليل وتروحو تاكلو ولالا

انتظر مغامراتكم

[إكليل]

السلام عليك اختي يسامين أضحك الله سنك

حقيقة الوالد فارض علينا نظام ماكنش السهرة حتى للصيف فقط في الأيام العادية النوم على الساعة 10 أو العاشرة و النصف ممنوع التجوال بعدها هههههههههه

أما في الصيف نسهورا حتى 11 أو ربما قد نزيد حتى 12 أما عن حكاية الأكل فلا نجوع إلا في رمضان اللي نعاودوا وجبة خفيفة قبل النوم

[*سندوسة*]

المشاركة الأصلية كتبت بواسطة إكليل

السلام عليك اختي يسامين أضحك الله سنك

حقيقة الوالد فارض علينا نظام ماكنش السهرة حتى للصيف فقط في الأيام العادية النوم على الساعة 10 أو العاشرة و النصف ممنوع التجوال بعدها هههههههههه

أما في الصيف نسهورا حتى 11 أو ربما قد نزيد حتى 12 أما عن حكاية الأكل فلا نجوع إلا في رمضان اللي نعاودوا وجبة خفيفة قبل النوم

وعليكم السلام ورحمة الله وبركاته
ههه عندكم نظام نتاع العسكر هههه
حنا والله كل واحد وخاطره

بابا مرات يرقد 11 ومرات 12 وماما تاني

والاخ تلقايه مرات 4 مزال نايض غير هو للوالد يقوله رقد على خاطرش يصبح خدام بصح خويا يدير رايه هههه

وانا لوكان نقعد حتى لصباح مايقولوليش بصح المهم يلقاو القهوة واجدة قبل 8
وفي رمضان مانرقدوش حتى للفجر حتى كي نصلو لفجر وعاد نرقو ونوضو مع 11 ولا 12

اسعدني مرورك حبيبتي

[ibtihal18]

هههه ضحكتيني راني قعدت نتخيل فيكم .نتوما 4 برك درتو هكذا مالا كون جيتو كيما حنا 11 ؟؟..... في دارنا اصلا الكوزينة النهار كامل ما تفرغش جامي ما تلقايش واحد فيها مي فاليل فالشتا نرقدو بكري و واحد ما يحوس على الماكلة مي فالصيف كيما قلتي حتى ل 12 تاع اليل و الكوزينة خدامة حنا ما نخدموش بالكونطرا هههه ...................اما انا يا اختي منين نكون قاعدة نروح ناكل مي حاجة خفيفة .......ديجا راني رايحة ناكل كش حاجة راني جعت ههههه.........سلام ربي يقدرك على محاربة الجرائم

[*سندوسة*]

المشاركة الأصلية كتبت بواسطة ibtihal18

هههه ضحكتيني راني قعدت نتخيل فيكم .نتوما 4 برك درتو هكذا مالا كون جيتو كيما حنا 11 ؟؟..... في دارنا اصلا الكوزينة النهار كامل ما تفرغش جامي ما تلقايش واحد فيها مي فاليل فالشتا نرقدو بكري و واحد ما يحوس على الماكلة مي فالصيف كيما قلتي حتى ل 12 تاع اليل و الكوزينة خدامة حنا ما نخدموش بالكونطرا هههه ...................اما انا يا اختي منين نكون قاعدة نروح ناكل مي حاجة خفيفة .......ديجا راني رايحة ناكل كش حاجة راني جعت ههههه.........سلام ربي يقدرك على محاربة الجرائم

شفتي حنا غير ربعة وواش دايرين هههه
حنا تاني دارنا فنهار سورتو من 12 حتى 15 ديجا راكم قريتو موضوعي نتاع سندوسة يسمين سارفاس هههه
حنا حتى فالشتا ويقلوبلي الاوووول يطلعولي تشين لفوق وفي كل بلاصة نلقى سلة نتاع تشين سلة متنقلة هههه
انا والله حتى للبارح عاد جربت بصح غير حاجة خفيفة

منا وجاي القهوة نتاع لعشية على 7 ولعشا على 10,30


بصحتك واللهم امين

[سميرة10]

السلام عليكم
نحن في البيت 9الكل في مكانه الى الننننننننوم نبقى انا حتى العشرة ونصف والزوج نتاعي يبقى جالس عند الميكرو كي يتعب ينام
ولا اكل في الليل لانني انا لي نحصل في غسل الاواني

[*سندوسة*]

المشاركة الأصلية كتبت بواسطة سميرة10

السلام عليكم
نحن في البيت 9الكل في مكانه الى الننننننننوم نبقى انا حتى العشرة ونصف والزوج نتاعي يبقى جالس عند الميكرو كي يتعب ينام
ولا اكل في الليل لانني انا لي نحصل في غسل الاواني

وعليكم السلام ورحمة الله وبركاته
حنا مرات منظمين ومرات يكونو فوضويين كي نقولهم ارفدوا هاديك لحاجة خويا يقولي لومبيونص وحلاوتها كي مرة على مرة دير الفوضى
من جيهة لماعين غير سكتي متعرفيش قاع كيفاش يتكاثرو هه

[خيرية لحلوة]

السلام
نحنا عادي بابا ما يقلنا والو
نبقاو ساهرين مع 11 او 12 او 1
بابا اصلا ديما في السطح يهدر مع صحابو واحبابه في الفايس
هههه واما الجوع نروح لكوزينة باش نلقا حاجة نكلها
مانلقى والو ههههههههههههههههه
نكره نروح نرقد نبقا حالى نيا حتان يذن لول
هههههههه وانا حالى عينيا
اففففف بصح انا ديما لاصق في الميكرو
ههههههه

[*سندوسة*]

المشاركة الأصلية كتبت بواسطة خيرية لحلوة

السلام
نحنا عادي بابا ما يقلنا والو
نبقاو ساهرين مع 11 او 12 او 1
بابا اصلا ديما في السطح يهدر مع صحابو واحبابه في الفايس
هههه واما الجوع نروح لكوزينة باش نلقا حاجة نكلها
مانلقى والو ههههههههههههههههه
نكره نروح نرقد نبقا حالى نيا حتان يذن لول
هههههههه وانا حالى عينيا
اففففف بصح انا ديما لاصق في الميكرو
ههههههه

وعليكم السلام اختي

حنا تاني من جهة النت واحد مايقول لاخر كل واحد ودبر راسه
المهم خويا يصبح على 8 باش يخدم وانا قبل 8 لازم القهوة تكون واجدة يعني حتى ولوكان نظل نايضة قانون القهوة مايتبدلش غير في رمضان لي نتهنى هههه

قاع رانا نظلو لاصقين ههه فالميكرو راهو ينحي علينا الملل ويقتل الفراغ ويونسنا فالوحدة

[عبد المعزّ]

دوما متميزة سندوسة
انا بحكم عملي كاستاذ نسهر بزاف ونجوع نهبط للكوزينة مباشرة للثلاجة واجدد العشاء مرة فاكهة مرة ياوورت وهكذا كونك هانية البيوت الجزائرية كلها تعاني من نفس الحالة شكرا على الموضوع

[*سندوسة*]

المشاركة الأصلية كتبت بواسطة adnene 23

دوما متميزة سندوسة
انا بحكم عملي كاستاذ نسهر بزاف ونجوع نهبط للكوزينة مباشرة للثلاجة واجدد العشاء مرة فاكهة مرة ياوورت وهكذا كونك هانية البيوت الجزائرية كلها تعاني من نفس الحالة شكرا على الموضوع

شكرا لك اخي
ايا الحمد لله مارانيش غير انا وحدي
بصح نقولك حاجة كاين لي منظم ياكل ويرجع كل حاجة في بلاصتها وكاين لي يخلي لحالة كارثة من موراه هههه
بصحاتكم

[الألماسة]

ههههههههه متميزة دائما يا سندوسة
عندنا نفس الطبيعه هههههه السهر و العشا يتعاود على 12 و لا 01 تع الليل

[*سندوسة*]

المشاركة الأصلية كتبت بواسطة الألماسة

ههههههههه متميزة دائما يا سندوسة
عندنا نفس الطبيعه هههههه السهر و العشا يتعاود على 12 و لا 01 تع الليل

شكرا لكلامك الطيب
بصحاتكم انا مرة صراتلي فالعام جديد ههه كي لحقت 12 عاودت حطيت لعشا كيما فالاول مزيا كان لعشا بزيادة خفت يلا يقولولي طيبي من جديد
ربي يكون في عونك حبيبتي

[brezina32]

كل العائلات االجزائرية
لكن انا اختلف عنكي في شيئ ، الوالدين لا علاقة بالتكنولوجية ، وما يسهروش كيما نسهر انا مع الكونكسيو ، ودايما كي يشوفوني نكثر من القعدة قدام الميكرو يزعفو ويقولولي اخرج
شم شوية هواء خليك من هذا القوطي هههههه

[ام رضوان]

سندوسة راكي كل يوم تخرجيلنا خرجة

والله رانى نقرا ونتخيل فيك كيفاش تنظفى في الكوزينة فى الليل والنار خارجة من نيفك من القلقة .

ربي يجيبلك مكتوب زين و تخطيهم باه يعودو يقولو اااييييه كانت سندوسة كي نجوعو تقوم بينا وذرك الله غالب رقدنا جياع هههه