|
|
|
|||||||
| الحوار الأكاديمي والطلابي ساحة حوار عامة لمناقشة القضايا الاكاديمية وكذا طرح الأسئلة والاستفسارات والمشاكل الطلابية والاجتماعية والبحث عن الحلول والارشادات المناسبة لها.... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
|
|
2015-06-20, 23:17
|
رقم المشاركة : 1 | ||||||
|
•« متحصل (ة) على الباكالوريا؟,,, طالب (ة) جامعي (ة) جديد(ة) ؟,,,, عرجوا من هنا للاستفادة من خبرة من سبقوكم »•
 بسم الله الرحمن الرحيم " يارب إذا أعطيتني مالاً لا تأخذ سعادتي .. وإذا أعطيتني قوةً لا تأخذ عقلي .. وإذا أعطيتني نجاحاً لا تأخذ تواضعي .. وإذا أعطيتني تواضعاً لا تأخذ اعتزازي بكرامتي يارب لا تدعني أصاب بالغرور إذا نجحت .. و لا أصاب باليأس إذا فشلت بل ذكرني دائماً بأن الفشل هو التجارب التي تسبق النجاح " اما بعد تعدالجامعة او المدارس العليا حلم وهاجس اي تلميذ خاصة هؤلاء الذين وصلوا للبكالوريا لان الحصول على الباكالوريا هي اللبنة الاولى في بناء مستقبلهم ,غير ان هذا البناء قد يكون هشا او قد يكون قويا على حسب اختيارات وقدرات الطالب في اكمال مساره الجامعي : فاختيار التخصص المناسب صعب وليس سهلا كما يظن البعض لذلك ينبغي الاختيار بتاني وروية ايضا الارادة ل وبذل المجهود اللازم لاكمال ما اخترتم امر لازم حتى تنجحوا في مساركم الجامعي  ولاني مررت بنفس التجربة منذ حوالي 5 سنوات ولاني لم اجد من ينصحني اقسمت اني ساساعد كل من يطلب النصيحة وقد فتحت هذا الموضوع لكي اعطيكم بعض النصائح التي اكتسبتها من خلال تجربتي المتواضعة في الجامعة موضوع مفيد للاخ انا الذي بخصوص تخصص العلوم الانسانية لكل من يريد اختيار التاريخ الصحافة الفلسفة و لتخصص علوم انسانية ... هنا ما تبحث عنه رد مفيد من طالب معهد الالكترونيك والكهرباء ببومرداس الاخ amine nani اقتباس:
رد مفيد من طالبة الهندسة المعمارية الاخت raising hope اقتباس:
الموضوع الأول |~| للراغبين بالمدارس العليا للأساتذة دفعة 2015 [ نجيبكم عن تساؤلاتكم ] اتمنى ان يفيدكم هذا الموضوع اي سوال تفضلوا به وحتى نكون منظمين ولكي تسهل الاجابة كل سائل يبين التالي معدل النجاح المواد التي تبرعون فيها المواد التي تحبونها وسبب اختياركم للاختصاص وان شاء الله سوف اتناقش معكم في جميع ما تريدون احتراماتي للجميع اختكم في الله سطايفية 
آخر تعديل إكرام ملاك 2015-06-22 في 13:18.
|
||||||
|
|
2015-06-20, 23:21
|
رقم المشاركة : 2 | |||
|
بارك الله فيك يا اختي العزيزة |
|||
|
|
|
2015-06-20, 23:26
|
رقم المشاركة : 3 | ||||
|
اقتباس:
شوفي اختي اولا بعدي على القلق وخمي بروية ثانيا احكيلي قصتك لما خيرتي فرنسية وانت تحبي انجليزية ولا المعدل خانك |
||||
|
|
|
2015-06-20, 23:50
|
رقم المشاركة : 4 | ||||
|
اقتباس:
لكن بما انو المعدل غير كافي مدولي لغة انجليزية في مدينة مستغانم و شوفي مكتوب ربي انا فرنسية حابسة نجيب المعدل ديما لكن ما نفهمش مليح و لو نقاطي ديما ممتازة استنادا على الامتحانات فيها نص و عوامل مساعدة المهم سجلت في جامعة مستغانم و دفعت كلش و ملف الاقامة و كملت بقالي غير ندخل نقرا بعد ايام بابا قالي تحولي لمدينة تيارت لانها اقرب لينا و لكن ما اجبرنيش قتلو نتحول بشرط نقرا لغة انجليزية يعني ما يهمش البعد و لا القرب قد ما يهم نقرا واش حابا واش نحس روحي فيها شاطرا  بابا راح وحدو لتيارت و سجلي ما لقاش لغة انجليزية امضى على ورقة اللغة الفرنسية و فيها مدة 10 و الا يلغى القرار انا غير شفت لغة فرنسة زعفت وليت نبكي واش صرا فيا ما ننساهش المهم حاول يقنعني قالي قريب خير و البعد تنغبني و انا قتلو ما نقدرش نقرا فرنسية و ما نحبهاش بالزيادة قالي علاه راكي تبكي انا ما قتلكش قرايها بسيف في يدك 10 ايام يا تقراي فرنسي و لا تكملي في مستغانم انا تشاورت مع صديقة ليا قاتلي حابة نعاود الباك قلت انا تاني حابة نعاودو و درت في بالي نعاود الباك و ندير لي عليا و نحاول ندي معدل يخليني ندخل مدرسة عليا و اذا ما نجحتش نكمل فرنسية عادي لكن سجلت للباك و غلطولي في ملأ الخانات كي بغيت نصحح كانو عندي 900 الف رحت بيهم لجدة في العاصمة كملت دراهمي و ما عاودتش الباك و في كي دخلت نقرا فرنسية البداية الاستاذة تاع ecrit ساقساتنا كامل على واش نحبو و تقريبا الفوج كامل يحب اللغة الانجليزية و لكن دخلوهم فرنسية خداعا او عدم تلبية المطالب كي قلت للاستاذة انا مانحبش فرنسية نحب انجليزية و ماكانش هنا قاتلي يكذبو عليك راهي كاينة مدة 3 سنوات ملي جابوها و تما غادتني عمري انا نستعرف برووحي متسرعة بزااف في اتخاذ القرارات و ملي عرفت للي تكلختلي ما عاودت الباك ماراني نقرا وا ش نحب ندمت على التحويل و على باكي و على بزاف حوايج و خايفة هاد المرة نزيد نندم طولت بزااااااااااااااف اسفة ارجو ان تفيديني اختي واش ندير في رايك راني خايفة نتسرع في هاد القرار ايضا و من بعد نندم اشد ندم |
||||
|
|
|
2015-06-21, 14:22
|
رقم المشاركة : 5 | ||||
|
اقتباس:
طولي بالك وكلشي يفوت ان شاء الله رانا كامل قاستنا الاختيارات والحمد لله تجاوزنا الامر ورانا نقراو وحبينا تخصصنا وكملنا المهم متفشليش ومتبقايش نادمة في النهاية ربي كتبلنا الحاجة لي يشوف فيها مصلحتنا انا مثلا كنت ميتة على الطب لكن مكتبش ربي ومدرتوش وكنت حايرة كيفكف وعاودت الباك وجبتو لكن مكتبليش مرة اخرى وشوية شوية حبيت تخصصي واكتشفت بعدها اني منيش تاع طب لاني منحفظش الحمد لله مخيرتهاش من الاول كون خيرتها بلاك راني نعاود في الاعوام اختي شوفي نقلك حاجة اذا انت حابة صح الانجليزية وقادرة تنجحي فيها حولي باش متبقايش مع هذا العذاب لي راكي فيه واذا قبلوك كملي ومتقوليش عاودت عام انك تبدعي في حاجة تحبيها معليش تيعي منها عام والعمر راهو امامك وتخلصي ان شاء الله واذا مكتبلكش التحويل كملي الفرنسية لانها ثاني مليحة وبلا متندمي لانو ربي حطك فيها وخيرهالك في النهاية عسا ان نكره شيء وهو خير لنا وعسا ان نحب شيء وهو شر لنا استخيري الله ايضا وفيها خير وراني هنا نتناقش معاك في اي نقطة تحبيها باش متندميش واش قلتي اختي |
||||
|
|
|
2015-06-21, 23:51
|
رقم المشاركة : 6 | ||||
|
اقتباس:
ان شاء الله لي فيها الخير ربي يجيبها انا صليت الاستخارة و راح نعاود نصليها باذن الله و اكيد ربي ما فيه غير الخير عندي استفسار بامر يخص صديقة ليا قرات معي العام لي فات جبنا الباك كيفكيف لكن للاسف خوها ماخلاهاش تكمل و استغل فرصة باباه مريض لانو باباها خلاها تقرا و لكن حابة ترجع تقرا لكن للاسف ما سجلتش في الجامعة هاد العام يعني عندها برك شهادة البكالوريا تقدر تدخل تقرا عادي و لا تعتبر مقصية |
||||
|
|
|
2015-06-20, 23:49
|
رقم المشاركة : 7 | |||
|
بارك الله فيك اختي |
|||
|
|
|
2015-06-21, 12:01
|
رقم المشاركة : 8 | ||||
|
اقتباس:
مليحة بزاف المدرسة التحضيرية علوم وتقنيات خاصة لجماعة تقني رياضي ومليحة للجميع سواء ذكور ولا إناث فرص العمل فيها تقريبا مضمونة عندك الأولوية على جماعة تكنولوجيا في الجامعة العادية المدرسة التحضيرية للهلوم الإقتصادية مليحة بزااف بصح لجماعة التسيير كيما أنتي ماراحش تلقاي فيها روحك خلاص و راح تجييك صعيبة بالنسبة للمدرسة التحضيرية للعلوم الطبيعية .. إذا كنتي قوية و متمكنة في العلوم الطبيعية أكثر من الرياضيات و الفيزياء أنا أنصحك بها أما إذا العكس فأنا أنصحك المدرسة التحضيرية علوم وتقنيات بالنسبة لفرص العمل مكانش حاجة مضمونة بصح عندك إحتمال تخدمي في وزارة الفلاحة ( مكتب ) ... إلخ
|
||||
|
|
|
2015-06-21, 21:42
|
رقم المشاركة : 9 | ||||
|
اقتباس:
قلت بالنسبة لفرص العمل مكانش حاجة مضمونة بصح عندك احتمال تخدمي في وزارة الفلاحة نظن تقصد ادا قريت في المدرسة التحضيرية للعلوم ? وقلت في المدرسة التحضيرية علوم وتقنيات فرص العمل فيها تقريبا مضمونة ممكن تقولي واش قادرا نخدم ? |
||||
|
|
|
2015-06-21, 14:12
|
رقم المشاركة : 10 | ||||
|
اقتباس:
بالنسبة للنظام العام للمدارس التحضيرية هو الدراسة لمدة عامين شرط ان لا تعيدي السنة ثم تجتازين مسابقة وطنية وعليك ان تنجحي فيها في حالة النجاح تتحولين الى احد المدارس العليا الوطنية في حالة الرسوب تتحولين الى احدى الجامعات وتبدئين من الصفر ولكي لا يحصل هذا عليك بالدراسة وبذل مجهود مضاعف لانو الدراسة مكثفة هناك الدراسة ليست صعبة ولا سهلة فقط الاجتهاد بعد دخول المدارس العليا تاخذون شهادة مهندس دولة ويمكن اكمال الدراسات العليا + نفصل الان -المدرسة التحضيرية للتقنيات متخصصة في المواد التقنية يعني الرياضيات والفيزياء والكيمياء والميكانيك والالكترونيك وغيرها -البرنامج مثل برنامج الجامعة لكنه مكثف ومزيرين الدعوة فيها تقراو على الصح والاساتذة تاعها ملاح والاحسن في الجزائر هي تاع تلمسان -سوالك عن تاع مليحة للبنات هذا المووضع يرجع ليك اختي الان كل الدومانات دخلوهم البنات ويعملو فيهم تبقا كل طفلة وشا مقتانعة تخدم يعني شوف مع روحك ومع داركم واسكو يخليوك تخدمي في مجالاتها - بالنسبة للمدارس العليا لي تحول ليها المدرسة التحصيرية لعلوم التقنيات هم 1-المدرسة العليا للاشغال العمومية فيها تخصصات بزاف منها المقاولة تاع الابنية والعمارات والمقاولة تاع الطرقات وكاينة تاع السدود والجسور وغيرها 2-المدرسة العليا متعددة التقنيات ايضا فيها تخصصات كثيرة منها الهندسة المدنية الكيمياء الالكترونيك الهيدروليك الميكانيك وغيرها 3- المدرسة العليا للري هذي باينة تقراي كل ما هو متعلق بالمياة كيما تحلية المياه , السدود , التخطيط المائي , ليزوفراج والصرف الصحي وغيرها 4-المدرسة العليا للمناجم فيها تخصصي اساسين المناجم وفيها تقراو على ليمين وغيرها اما الثاني تاع هندسة المواد معظمهم يقراو المات والفيزيك والكيمياء والرياضيات اضافة للمواد الخاصة بكل مجال فرص العمل ليس هناك عقد كالمدارس العليا للاساتذة لكن الاولوية لهم على حساب الجامعة خاصة وانهم يكونو ديزانجينيار وعلى حسب كل تخصص تلقاي دومان العمل + بالنسبة لمدرسة االتحصيرية للعلوم الطبيعية لاباز تاعها العلوم الطبيعية يعني كيما البيولوجيا في الجامعة تحول لمدرستين هما معنديش معلومات كثيرة عليهم مدرسة الفلاحة نظن يقراو على الغابات والتربة وكل ما يتعلق بالحيوانات والنباتات مدرسة علوم البحار وتهيئة الساحل وفيها بعض التخصصات كيما تربية الاسماك الصيد التهئية الساحلية وايضا الحفاظ على البيئة المائية + فيما يخص الاقتصاد المدرسة التحصيرية تحول لعدة مدارس هي مدرسة الدراسات العليا التجارية المدرسة العليا للتجارة المدرسة الوطنية العليا للإحصاء والاقتصاد التطبيقي الان شوفي مع روحك اذا فور في المواد التقنية خيري تاع متعددة التقنيات اذا لاقية روحك تحبي العلوم خيري تاع العلوم الطبيعية وان كان تخصصاتها في الجزائر شوية ناقصة الخدمة فيهم لكن كونهم مدارس عليا اكيد رايحة تلقاي فرصة بالنسبة للتسيير انا ديما ننصح بيها تاع التسيير لانو فيها مواد مقريتهمش في الباك لكن اذا كنتي حابتها ابذلي مجهود ومكان حتى حاجة صعيبة ان شاء الله فقط الواحد يخدم + فيما يخص سوالك الاخير اختي الشعبة قصدك المعهد ولا الجامعة باش نجاوبك |
||||
|
|
|
2015-06-21, 21:48
|
رقم المشاركة : 11 | ||||
|
اقتباس:
 قصدي الجامعة |
||||
|
|
|
2015-06-21, 23:17
|
رقم المشاركة : 12 | |||||
|
اقتباس:
اقتباس:
+ بالنسبة لفرص العمل علاش يزيد الامل فيهلا في العلوم والتقنيات لانو مجالاتها مطورة في بلادنا نمدلك مثال اذا قريتي اشغال عمومية تقدري تولي مقاولة في احد القطاعات لي خيرتها او تخدمي عند مقاول اذا قريتي بليتيكني حسب التخصص المختار تقدري تخرجي مهندسة مدنية وين تخدمي في بيرو ولا عند مقاول ولا في كاش موسسة حكومية في دوماتك طبعا اذا مثلا خيرتي شيمي تقدري تخدمي في كاش لابو او في كاش موسسة تاع المواد الكيميائية وغيرها مثلا اذا خيرتي مناجم هنا العمل شوية صعيب على طفلة لانو لازم تروحي للمناجم مع ليمين وغيرها فهمتي الان اختي هناك فرص كثيرة في التقنيات لانو مجالاتها كثيرة وهذي غير امثلة لكن كما قلنا لا يوجد شيء مضمون فقط الاولوية ليكم + بالنسبة للشعبة تاع الجامعة تاع الاتصالات علابالي بلي كاين هذا التخصص في قالمة لكن اسكو معتارفين بيه او لا لا دراية لي المعلومات لي املكها هي على تاع المعهد احتراماتي |
|||||
|
|
|
2015-06-22, 01:01
|
رقم المشاركة : 13 | ||||
|
اقتباس:
|
||||
|
|
|
2015-06-21, 12:44
|
رقم المشاركة : 14 | |||
|
السلام عليكم |
|||
|
|
|
2015-06-21, 16:21
|
رقم المشاركة : 15 | |||
|
السلام عليكم |
|||
|
|
|
| الكلمات الدلالية (Tags) |
| متحصل متخصل |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
•« متحصل (ة) على الباكالوريا؟,,, طالب (ة) جامعي (ة) جديد(ة) ؟,,,, عرجوا من هنا للاستفادة من خبرة من سبقوكم »•
العرض المتطور
