🍬🍬🍬🍬🍬لدرس الثاني من دورة الحلويات 🍬🍬🍬🍬🍬

[زينب 83]

السلام عليكم و رحمة الله و بركاته

السلام عليكم و رحمة الله و بركاته
حلوى اليوم اخترتها وفقا لطلب بعض الاخوات هنا في المنتدى
و هي حلوى الدزيريات

مقادير العجينة

3 كيلات فرينة مغربلة
نص كيلة زبدة ذايبة
بيضة
فانيلا
ماء زهر

نخلطو كامل المقادير و نلم العجينة بماء الزهر و نخلوها ترتاح اقل شيء ساعة



الحشو
لوز مرحي رقيق و مغربل لازم
سكر عادي
مبشور قشور ليمون ضروري
شوية فانيلا
بيض

نخلطو كامل المقادير و نعجنوهم و نخليوه يريح ليلة كااااملة

الحشو مالازمش يكون يابس لكن ماش جاري بزاف اذا يابس ماراحش يتنفخ و اذا جاري بزاف راح يفسد شكله
اذا كنا مزروبين نستعملو سكر ناعم لكن العادي احسن





الشاربات

الدزيريات لازم يتعسلو في الشاربات اولا باه يتشربو بعدها نحطوهم في العسل باه يعطيهم لمعان لكن الشاربات اولا و هذه خطوة مهمة

الشاربات هي عبارة عن كاس سكر و كاس ماء و كاس ماء الزهر نغليوهم 10 دقائق



التشكيل

نحلو العجينة حتى الرقم ما قبل الاخير و نقصوها دوائر
نديرو كرات من الحشو كل واحدة فيها 30 غ نحطوها في الوسط و نبداو نبليسيو العجين و لازم نضغطو مليح باه تحكم الشكل تاعها
و ممكن ندير طريقة اخرى و هي اىطهي في ليمول تاع دزيريات
نطيبوها على درجة حرارة متوسطة مالازمش يتغير لون العجين لكن في نفس الوقت لازم طيب من تحت باه ماترجعش طرية بزاف بعد ما تتعسل
منين تخرج من الفرن نحطوها مباشرة في الشاربات تتشرب مليح بعدها نحطوها في العسل و نقطروها
دور العسل هو ا عطاء اللمعان فقط و ممكن نستبدلوه بالجولي


و هذه بعض الاشكال ان شاء الله تعجبكم































هذه حلوتنا اليوم و لي عندها اي استفسار تتفضل و لي عندها اقتراح ايضا لاي حلوى راهي حابة تشوف درس عليها تحطو ايضا

الان نمرو لفكرة موضوع اليوم


فكرة هذا الموضوع راح تكون فكرة لطي منديل خاص بحفلات الختان و طريقة هذه الفكرة حصرية بمنتدى الجلفة و باذن الله اذا لقيت تفاعل راح نحطلكم افكار جديدة خاصة بالمناسبات





يتبع صور الطريقة لاحقا

[أم رقية نسرين]

الله يبارك ماشاء الله عليك راهم تحفة
يعطيك ألف صحة و عافية و ربي يباركلك في صحتك
إذا ممكن طريقة طي المناديل الخاصة بالنفاس

[manel 16]

ما شاء الله تحفة في القمة كل حاجة من يديك الحلوين راااائعة روعتك.جزاك الله خيرا.

[ام رضوان]

بارك الله فيك اختي زينب
انت سهلتي علينا التعلم وربي يسهل امرك امييين
يعطيك الصحة والاشكال روعة
شكرا

[**وحدها غريبة **]

يعطيك الصحة زينب بارك الله فيك وفي يديك اللي يتقنو كل حاجة
ماشاء الله تبارك الرحمان
انا معنديش استفسار على الحلوى ولكن عندي استفسار في الطبخ تعيشي زينب ومن فضلك قوليلي انا صبرت الليمون وضرك طاب وبديت نستعمل منو درت طريقتك يعني ليمون وملح فقط وهو طلق العصارة تاعو ضرك تعيشي قوليلي هذاك العصير تاعو لواش ممكن يستعمل؟؟؟؟
اسفة عن الاطالة ولكن لقيت فرصة باش تشوفي سؤالي اذا ممكن اجابة
وبارك الله فيك

[زينب 83]

المشاركة الأصلية كتبت بواسطة **وحدها غريبة **

يعطيك الصحة زينب بارك الله فيك وفي يديك اللي يتقنو كل حاجة
ماشاء الله تبارك الرحمان
انا معنديش استفسار على الحلوى ولكن عندي استفسار في الطبخ تعيشي زينب ومن فضلك قوليلي انا صبرت الليمون وضرك طاب وبديت نستعمل منو درت طريقتك يعني ليمون وملح فقط وهو طلق العصارة تاعو ضرك تعيشي قوليلي هذاك العصير تاعو لواش ممكن يستعمل؟؟؟؟
اسفة عن الاطالة ولكن لقيت فرصة باش تشوفي سؤالي اذا ممكن اجابة
وبارك الله فيك

و فيك بارك الله
الماء ماتستعمليهش لانه مالح بزاف اما الليمون دايما اغسليه قبل الاستعمال باه مايبقاش فيه الملح

[mina1333]

بارك الله فيك

[fleur de lili]

بسم الله تبارك الرحمان .ماشأالله
ربي يعطيك ماتتمناي كل شئ تحفة
نتمنالك التوفيق وازدهار في حياتك ودائما الي الأمام
في مىيزان حسناتك أمين

[feuilleblanche17]

رووووووعة يعطيك الصحة و ربي يحفظك.
زينب تعيشي كنت حطيتي قاطو مربع في الموضوع الاول تاع الاعلان عن الدروس...يا ريت تديريهلنا درس ...شكرااا مسبقااا.

[خديجة التقية]

يعطيك الصحة

[نور الصباح]

بارك الله فيك كنت حابة نتعلمها
هاذي العجينة تصلح لجميع الحلويات المحشية ولا لا
جزاكي الله خيراا

[oumelabedmh]

السلام عليكم. ماشاءالله تحف فنية.ربي يباركلكزفي صحتك.وعايلتك

[أم ياسين الزهراء]

ربي يحلي ايامك روعه وهذي الحلوى نموت عليها بارك الله فيك


عجبتني فكره المناديل

[lewan]

ربي يجازيك على المجهود والوقت اللي تخصصيه للمواضيع تعب كبير تشكرين عليه دمتي متألقة

[Lommima]

بارك الله فيك
ممكن تحطيلنا مقادير الحشو اظنك نسيتيها
الله يجزيك الجنة
شكرا