|
قسم الاعمال الفنية الرسم - السراميك - اشغال الابرة ابداعات و اعمال فنية مختلفة |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الدرس الاول في دورة الرسم على القماش
|
أدوات الموضوع | انواع عرض الموضوع |
|
2012-09-16, 14:47 | رقم المشاركة : 1 | ||||
|
الدرس الاول في دورة الرسم على القماش
مساء الورد على احلى عضوات ان شاء الله راكم بخير اليوم نحطو الرحال في اول درس من دورتنا الجديدة دورة تعلم الرسم على القماش نتمنى لكن كل الافادة وانو الدورة تكون خفيفة على قلوبكن وتتعلمو معنا هاذ الفن على بركة الله نبدا اول درس الدرس الاول في دورة تعلم الرسم على القماش والدرس ارتاينا انو يكون خفيف حتى بالشوي نتعلمو هاذ الفن ونبداو من الاسهل الى الاصعب الدرس من تقديم اختنا kiya ربي يحفظها وييسرلها امرها وترجع معنا قريبا اعطتنا من وقتها وافادتنا معها جازاه الله خيرا على تعبها معنا هنا العمل الذي سننجزه باذن الله اولا نبدا مع الادوات وهي الادوات لي كنا ذكرناها في الدرس الافتتاحي الان نقص قطعة قماش كل اخت بالشكل لي تحبو انا اخترت نعمل منديل فقصيت قطعة القماش بشكل مربع عندنا هاذ الرسم لحاشية القماش على شكل شرشفة ننقلوه على قطعة القماش نتاعنا انا رسمتو من قبل على قطعة بلاستيك وكل مانحتاج عمل منديل ننقلو مباشرة على القماش بواسطة الكالك وهكذا حتى نكملو نقل الشرشفة على كامل قطعة القماش نجيبو المديوم ونتبعو الرسم لي فوق القماش بيه بعدين نجيبو البانسو الخشين مع اللون لي نحبو نستعملوه انا هنا اخترت الاخضر نقومو بنفس العملية لي درناها مع المديوم بعد مانكملو المنديل كامل نخلوه ينشف ونقصو الجوانب الان نجيبو الرسمة لي حابين نعملوها في المنديل نتاعنا انا هنا اخترت رسمة بسيطة لاننا مبتدئات في الفن ولازم نبداو بالسهل نثبتوها في المكان لي حابينو ونحطو بين القماش والرسمة الكالك ونتبعو بالسيالة حتي نتحصلو على الرسم فوق القماش الان باه نرسمو الاغصان نجيبو البانسو الرقيقة والللون الاخضر ونتبعو فوق الغصان في الاوراق نحاولو نسحبو الللون بسرعة وخفة للداخل يكون مسحوب شوية هنا العمل بعد ما كملنا الاغصان والاوراق نتاعنا بعد مانكملو نمسحو البانسو بقطعة قماش صغيرة باه ننظفوه لانو راح نستعملو لون اخر وننتقلو لمرحلة اخرى في التلوين نبداو النوع الاول نتاع الورود اختارو اللون لي تبغوه انا مثلا اخترت اللون الزهري ونتبعو نفس طريقة الاوراق ناخذو اللون الاصفرونديروه في الدائرة الصغيرة نجيبو اللونين الازرق والابيض بالبانسو الرقيق نديرو الزهرة تاعنا من الخارج بالزرق والبانسو الخشين نديرو الداخل بالابيض ونحاولو نمزجوهم شوية ونلونو قلب الزهرة بالاصفر ونكمل بقية الاهار بنفس الطريقة حتى نتحصل على العمل نتاعنا ملاحظات هامة *حاولي تخدمي بتاني من اجل نظافة العمل نتاعك لانو تطاير قطرات الالوان على قطعة القماش يخسرهالك *باه تستعملي الالوان جيبي الغلاق وصبي فيه القليل من اللون المراد واخلطيه بالقليل من الفرني لاعطاء اللمعة وللمعان اكثر ممكن تضيفي البعض من اللماع *ممكن الاخوات يختارو اي رشمة اخرى للتلوين فقط يراعو انها تكون رسمة بسيطة مثل المعطاة في الدرس وعندها نفس انواع الازهار لانو مازالت دروس اخرى ان شاء الله نتعلم منها انواع اخرى *خلى العمل نتاعك حوالي اربعة وعشرين ساعة باه ينشف وكي ينشف اقلبيه على ظهرو وعدي عليه المكواة من اجل ثبات اكثر للالوان هنا رابط مفيد نتمنى تستفادو منو https://www.djelfa.info/vb/showthread.php?t=1103846 هنا ننهي الدرس الاول نتمنى تكون الخطوات مفهومة بالتوفيق للجميع التطبيقات توضع واخر اجل لوضعها يكون يوم السبت المقبل ان شاء الله
|
||||
2012-09-16, 15:06 | رقم المشاركة : 2 | |||
|
ما شاء الله عمل رائع الف شكر للاخت كيا و لكي ايضا فيفي و بالتوفيق للجميع |
|||
2012-09-16, 15:08 | رقم المشاركة : 3 | |||
|
مشكورة فيوزة على التشجبع |
|||
2012-09-16, 15:23 | رقم المشاركة : 4 | |||
|
واو ما شاء الله عمل أكثر من رائع
ربي يوفقني ندير ولو نوارة صغيرة لكن جزيل الشكر على الدرس |
|||
2012-09-16, 18:47 | رقم المشاركة : 5 | |||
|
العفووو اختي ان شاء الله نشوفو تطبيقك
|
|||
2012-09-16, 15:44 | رقم المشاركة : 6 | |||
|
ربي يقدرنا |
|||
2012-09-16, 18:56 | رقم المشاركة : 7 | |||
|
العفووو
وربي يعاونكم ونشوفو تطبيقاتكم على بالي شاطرات |
|||
2012-09-16, 17:24 | رقم المشاركة : 8 | |||
|
اسعد الله مسائكم حبيباتي
الف شكر ليكم حبيباتي فيفي و كيا على الدرس ان شاء الله اول ما تتوفر المواد راني نبدا معاكم بالتوفيق للجميع |
|||
2012-09-16, 19:00 | رقم المشاركة : 9 | ||||
|
اقتباس:
ان شاء الله قريبا تلقاي الالوان بالنسبة ليا انا رحت لحانوت معروف في مدينتنا مالقيتش والحاونت لاخرين كاين فيهم حاولي تبحثي في حوانت اخرين بالتوفيق |
||||
2012-09-16, 17:43 | رقم المشاركة : 10 | |||
|
السلام عليكم |
|||
2012-09-16, 19:02 | رقم المشاركة : 11 | ||||
|
اقتباس:
بالنسبة للون راها قاتلك كيا 43 اما عن الخدمة هيه تقدري تخدمي نورمال على القماش مباشرة الرسمة سهلة والقماش لازم يكون في مكان مستوى باه تقدري توزعي الالوان مليح اما عن الطاولة ممكن تتسرب ليها الالوان انت احترسي وفرشي حاجة للقماش نتاعك اوراق بيضاء مثلا |
||||
2012-09-16, 22:25 | رقم المشاركة : 12 | ||||
|
اقتباس:
أنا حابة نسقسيكم كامل سهر القارورات تاع البانتورة عندكم ؟؟؟؟ أنا شفتها عند واحد ب 200 دج ...مالا قلت نزيد نشوف حوانت أخرى و نزيد نسقسيكم ثاني ...شكرا |
||||
2012-09-17, 08:58 | رقم المشاركة : 13 | ||||
|
اقتباس:
ايه سقسي رانا هنا في الخدمة تاعك الا اذا ماقدرناش بالنسبة لسعر القارورة انا المرة هاذي ماشريتش مي عندي البنتورة من قبل كنت نشري فيها القارورة الصغيرة ب10الاف اما القارورة الكبيرة البلاستكيكة لي كيما في الدرس ب20الاف بصح حاليا ولله ماني عارفة |
||||
2012-09-17, 09:10 | رقم المشاركة : 14 | |||
|
أنا شريتها ب-160 دج الوحدة شريت 3 جاوني ب480 دج |
|||
2013-03-30, 17:03 | رقم المشاركة : 15 | |||
|
تسلم يدك على كل هذ الششششششششششششششششششيءءءءئ |
|||
الكلمات الدلالية (Tags) |
الاول, الدرس, الرسم, القماش, دورة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc