مشروع سيارة طاكسي, لن تندم

[just do it]

اولا انا جامعي وكنت معول كي نكمل الجامعة ندير طاكسي باه منقعدش ندور حتى يفتح علي ربي بصح عييت نجري بسك فيها دبلوم وحنا هنا فتلمسان ادارة مرض بلبزاف كرهوني فيه حتى سمحت قريب عام ونص ونا نجري وماكان والو واليوم راني كلوندستان هذه هي الدزاير ميخدموك ميخليوك تخدم عند روحك
المهم انا تبالي عمل طاكسي افضل المهن الحرة صح فيه تعب شوية وريسك مي حاجة شابة لوطوك الخاصة وخدام ونتا تحب وزيد فيها المدخول سيرتو اذا حكمت بلاصة تع الشعب بزاف
انا اقترضت مبلغ 100 مليون وشريت لوطو فسبتمبر 2013 واليوم رديت قريب 50 مليون كلوندستان فقط ونعلمكوم بلي بلاصة عيانة شويا يعني لوكان راني طاكسي لوكن رني رديت دراهمي سيرتو تخدم لافيل
حاجة اخرى حنا ليزالجيريان نحبو رقاد وتحواس لازمك تعيف روحك فالخدمة انا لوكان يعيطلي وحد قيس الزوج تع الليل نمشي منعديش المشريار زيد لازم تقتصد شوية وتزير على روحك بسك مركش عد صغير تشتت فالدراهم وتقول نزهى ومن بعد تجبر روحك زيرو انا صوالح بزاف منعتهوم على روحي
وبالنسبة للدين فالحديث النبوي يقول بلي الي سلف وهو ناوي باه يرد ربي يعاونو في الاداء يعني صفي نيتك وربي يوفقك
كاش سؤال انا مستعد للاجابة في حدود علمي

[sidali1988]

الكل يعلم ان المشكل في الرخصة من مديرية النقل

[أم احمد3]

بدون وثائق...ام بالوثائق............

[saidr32]

المشكل شكون يسلفك 100 مليون

["زائرة"]

بارك الله فيك و بارك الله لك في مالك و صحتك

تمنيت لو كنت هنا في العاصمة لكنت واحدة من زبائنك

فيما يخص الرخصة من وزارة النقل، لماذا لا تطلب من مجاهد أن يكري لك رخصته ؟

[saidr32]

انا عندي رخصة ودبلوم لكن مالقيتش من اين نجيب السيارة

["زائرة"]

المشاركة الأصلية كتبت بواسطة saidr32

انا عندي رخصة ودبلوم لكن مالقيتش من اين نجيب السيارة

بسم الله الرحمن الرحيم
هنالك صندوق الزكاة، حاول معهم
إتصل بالمسؤولين و أعرض عليهم مشروعك ربما أعطوك المال اللازم و لا تيأس مهما يكن و مهما أغلقت في وجهك الأبواب فالناس الطيبون موجودون

[saidr32]

المشاركة الأصلية كتبت بواسطة زائرة";3994037765][center][size=&quot

بسم الله الرحمن الرحيم
هنالك صندوق الزكاة، حاول معهم
إتصل بالمسؤولين و أعرض عليهم مشروعك ربما أعطوك المال اللازم و لا تيأس مهما يكن و مهما أغلقت في وجهك الأبواب فالناس الطيبون موجودون
[/size][/center]

شكرا على التحفيز لكن بذلت مجهودا كبيرا لكن بدون جدوى لكن سأحاول من جديد لعلى وعسى

[saidr32]

هل لي من قرض حلال او سيارة بالتقسيط لكي اقوم بهذا المشروع واجركم على الله وربي يوسع في رزقكم

[MMSALEH]

السلام عليكم
من اين تاخذ دبلوم سيارة الاجرة
بالتوفيق لكم

[saidr32]

المشاركة الأصلية كتبت بواسطة mmsaleh

السلام عليكم
من اين تاخذ دبلوم سيارة الاجرة
بالتوفيق لكم

شوف مديرية النقل او التكوين عن بعد

[mariana1]

ما شاء الله إرادة ،ربي يكملك يا وليدي

[JLcorp]

نعم هذا هو

[samy algerien]

ماهو العمر المحدد لاجتياز امتحان سائق الأجرة ؟؟

[just do it]

اسف على التغيب ظننت ان الموضوع اندثر ههه
ساجيب كما وعدتكم قبل ذلك اخبركم اني اكملت ديني وانا الان املك سيارتي الخاصة