**roti** بطريقتي تفضلــــــــــووو

ladymillion · 2013-06-17, 17:26

واشراكم اليوم انشاء الله توكونو لاباس كاااااااامل
جبتلكم اليوم ROTI عبارة عن BOUDIN بلحم بقري وداند مع بطاطا وفاصوليا خضراء راح نوريلكم طريقتي وانشاء الله تعجبكم بصراحة ماشي نشكر في روحي لكن راهو لذيييييييييييذ وسهل منطولش بزاف

نحتاج سكالوب داند كمية صغيرة 2 شرائح
نحتاج لحم بقري شرائح حوالي 3

نبسط شرائح لحم البقري ونهرسها شوي باش يطرى اللحم نحط فيها شوي برك مارغارين

وتتبيلة كالتالي: (( 7 فصوص ثوم+ 2 م ص ملح +م ص ونصف فلفل أسود + م ص مارغارين)) نهرسهم مليييح

نحط نصف كمية لتوابل على اللحم كما في الصورة

بالنيبة لسكالوب داند نحتاج
(( فص ثوم+ م ص موطارد+ ملح + فلفل أسود+كمون +فروماج + ليمون )) وزيتون مقطع للحشو اذا تحبي ديري CHAMPIGNON

أرحي المكونات مع السكالوب في الروبو وحطيه فوق اللحم كما في الصورة ونحط في وسطه الزيتون ونرولي عليه اللحم ونحمو بخيط خشن باحكام

نحط كوكوط فيها شوي مارغارين و5 م ك زيت واذا تحبي ديري غير المارغارين وحطي BOUDIN انا مكفتنيش كوكوط استلزم الامر وجاني مقوس خليه يتحمر شوي وقلبيه خليه يحمار على الجهتين وزيدي الكمية نتاع التوابل ومرقي بالماء حتي يوصل للحم خليه يغلي وغلقي الكوكوط لمدة 30د

هنا بعد ما طاب نحيتو من الكوكوط ونزعتلو الخيط الان نزيد نحمرو في المقلة مع شوي مارغارين وخليه على جنب ولازم تغطية بصحن ماشي بلاستيك OK

الآن نميكسي الصوص لي طاب فيها اللحم

بالنسبة للبطاطا نقشرها ونغسله ونقطعها كيما تشوفو في الصورة

ونطيبها في الصوص لمدة 5د من بعد نحيها من الكوكوط Iهاهي كي طابت ونقليها يعني تتحمر

بالنسبة لفاصوليا الخضراء
نفورها ومن بعد نسوتيها في شوي صوص على المقلة لكن منحركحاش بزاف

ونقدم الكل مع بعض مع الصوص هاذا ROTI على طريقتي جربوه انشاء الله
تقدري ديري دجاج أو لحم خروف بالبتتبيلة لي درتها نتاع الثوم

تفضلو بصحتكم

دمتم في حفظ الله تعالى
تحيـــــــــــــــــــــــاتي

staifia · 2013-06-17, 17:33

اوووووووووووووووووه ,,,, يعطيك الصحة اختي يشهيييييييييييييييييييي

أم ياسين الزهراء · 2013-06-17, 17:43

اممممممممممممممممممم زدتي علي يسخف اممممممممممممممم راني غير قدامك ابعثيلي اممممممممممممممممم

ladymillion · 2013-06-17, 17:52

اقتباس:

المشاركة الأصلية كتبت بواسطة أم ياسين الزهراء

اممممممممممممممممممم زدتي علي يسخف اممممممممممممممم راني غير قدامك ابعثيلي اممممممممممممممممم

ههههههههههه مقصديش نزيد عليك اسمحيلي شكرا بزاف على المرور حبيبتي ونتمنى تجربيهوترديلي الخبر

صابرة2013 · 2013-06-17, 17:52

الله يبارك روووعــة ربي يحفظك

أم ريمة* · 2013-06-17, 18:13

روووعة كما عودتينادائما

ladymillion · 2013-06-17, 18:15

بااااارك الله فيك ربي يفرحك

فايزة44 · 2013-06-17, 18:17

امممممممممممممممممم روعة يامبدعععععععععععععة ، تصلح لرمضان ، كاش مرة ديريناشخشوخة الظفر ومرق الكسكي الاحمر

ladymillion · 2013-06-17, 18:20

على عينيييييييي هههههههههههه فايزة أختي أعطيني وصفة ميلك شيك مع المشمش تعيشييييييي

فايزة44 · 2013-06-17, 18:38

اقتباس:

المشاركة الأصلية كتبت بواسطة ladymillion

على عينيييييييي هههههههههههه فايزة أختي أعطيني وصفة ميلك شيك مع المشمش تعيشييييييي

هذوين جوبتك في المطبخ ، شكررررررا حبيبتي هذا من لطفك ،
تفضلي :

اهلا حبيبتي نور المطبخ يامبدعة ، وانت تامري ، هذا ، 300غ مشماش نقطعه قطع صغيييييرة معونخلطه مع كاش عسل الاحسن المصنوع في البيت بعصير اللمون ولفاني ونضيف لها نصف مغرف كبيرة قشور ليمون ، ونديره فوق النار ل5د ونحن نحرك
ونحيه يبرد ، نضيفله4كيسان حلييييب عادي و4مغارف ماءبارررررررررد ، ومغرف كبيرة فانيليا، وونرحي الكل بالبرا ميكسور

ونصفي الخليط ، نكون مطلعييييين الشانتيي جانبا نضيف 3مغارف كبار للخليط ونعاود نرحي الكل ، ويقدم بارد امممممممممممممممم

وللامانة الوصفة اسمعتها من اذاعة شلف

ladymillion · 2013-06-17, 18:40

اقتباس:

المشاركة الأصلية كتبت بواسطة فايزة44

هذوين جوبتك في المطبخ ، شكررررررا حبيبتي هذا من لطفك ،
تفضلي :

اهلا حبيبتي نور المطبخ يامبدعة ، وانت تامري ، هذا ، 300غ مشماش نقطعه قطع صغيييييرة معونخلطه مع كاش عسل الاحسن المصنوع في البيت بعصير اللمون ولفاني ونضيف لها نصف مغرف كبيرة قشور ليمون ، ونديره فوق النار ل5د ونحن نحرك
ونحيه يبرد ، نضيفله4كيسان حلييييب عادي و4مغارف ماءبارررررررررد ، ومغرف كبيرة فانيليا، وونرحي الكل بالبرا ميكسور

ونصفي الخليط ، نكون مطلعييييين الشانتيي جانبا نضيف 3مغارف كبار للخليط ونعاود نرحي الكل ، ويقدم بارد امممممممممممممممم

وللامانة الوصفة اسمعتها من اذاعة شلف

لك ألف شككر فيوزة