بخصوص السكن في بيت جديد (( عتبة جديدة ))

ام عبودة · 2013-03-06, 21:51

السلام عليكم كيف حالكم؟

من اجل تبادل الافكار والمنفعة فكما نعلم الجزائر شاسعة ماشاء الله بجنوبها وشمالها وشرقها وغربها

لذا أردت معرفة عاداتكم بخصوص السكن في بيت جديد (( عتبة جديدة ))

انا صراحة أول مرة أغيّر منزلي ولنا عاداتنا في ذلك وقد تكون مشتركة أو مختلفة مع مناطق أخرى

انتظرمشاركاتم و ارائكم

غريبة الوطن · 2013-03-06, 21:58

ذبح كبش و يديرو الحنة للعتبةو بالبركة مسبقا

ام عبودة · 2013-03-06, 22:29

اقتباس:

المشاركة الأصلية كتبت بواسطة غريبة الوطن

ذبح كبش و يديرو الحنة للعتبةو بالبركة مسبقا

هالله يبارك فيك اكيد الكل يسيح الدم لكن الحنة عندي حماتي
يديرها مين يشري راجلي سيارة او شاحنة او ....... حاجة تاع حديد

سوسو الطموحة · 2013-03-06, 23:06

عندنا نديروا العيش ....يعني البركوكس ....ويجيو معاك لعباد اللي مثلا كنت معاهم ...اوحماتك ....وتتعشاوه بالصحة والهنا و ان شاء الله تربحي عليها ..... وماتنسايش دعاء دخول المنزل ....والي ماجاش يتعشى ابعثيلو ....ابعثي لجارك الجديد ...كعربون محبة ويعود بناتكم عيش وملح.

ام عبودة · 2013-03-07, 11:45

اقتباس:

المشاركة الأصلية كتبت بواسطة سوسو الطموحة

عندنا نديروا العيش ....يعني البركوكس ....ويجيو معاك لعباد اللي مثلا كنت معاهم ...اوحماتك ....وتتعشاوه بالصحة والهنا و ان شاء الله تربحي عليها ..... وماتنسايش دعاء دخول المنزل ....والي ماجاش يتعشى ابعثيلو ....ابعثي لجارك الجديد ...كعربون محبة ويعود بناتكم عيش وملح.

مشكورة خيتي على المشاركة
حنا تاني نديرو العشاء ونعرضو الجيران ومن بعد جيرانك هما اللى يبعثولك العشاء او الغداء كل واحد ومقدورو
ومن بعد الاواني ما ترجعيهاش فارغة : ديري فيها حاجة مثلا السكر او الحلويات باش تحلى العشرة
هذه عادات والديا لكن عجوزتي مازال قالتي والو، وانا اكيد رايحة ندير عادتها وعاداتنا
لاني بنت المنطقة وتاني باش ما نويهاش ( حماتي) لانها ماشي منا عاداتهم تختلف جذريا علينا

ام ظافر · 2013-03-07, 08:19

اختي هناك من حرم الذبح على العتبة مثل ما نقولو ادخلي لقوقل تلقا ي الفتوى
احسن شيء هي تقراي الادعية المأثورة والرقية الشرعية للمسكن الجديد وممكن تفتحي المسجل وتحطي سورة البقرة وانتي تنظفي فيها ومنها تسمعي القران وتتحط البركة في البيت الجديد

تحبي تعملي عشاء للضيوف المقربين ولكن انويها صدقة ودافع بلا عليك وعلى ولادك وجيبي ناسك الي يحبولك الخير وريلهم الدار الجديدة وما تجيبيش الي تعرفي عينو حامية وما تنسايش لما تتهناي تعملي قهوة وتعرضي الجارات تتعرفي بيهم وربي يباركلك فيها

ام عبودة · 2013-03-07, 11:52

اقتباس:

المشاركة الأصلية كتبت بواسطة ام ظافر

اختي هناك من حرم الذبح على العتبة مثل ما نقولو ادخلي لقوقل تلقا ي الفتوى
احسن شيء هي تقراي الادعية المأثورة والرقية الشرعية للمسكن الجديد وممكن تفتحي المسجل وتحطي سورة البقرة وانتي تنظفي فيها ومنها تسمعي القران وتتحط البركة في البيت الجديد

تحبي تعملي عشاء للضيوف المقربين ولكن انويها صدقة ودافع بلا عليك وعلى ولادك وجيبي ناسك الي يحبولك الخير وريلهم الدار الجديدة وما تجيبيش الي تعرفي عينو حامية وما تنسايش لما تتهناي تعملي قهوة وتعرضي الجارات تتعرفي بيهم وربي يباركلك فيها

مشكورة اختي على المشاركة
اكيد الادعية و القران لكن حماتي قالتلي لازم ديرولها رقية شرعية هذه واحدة من عاداتهم
جيبو جماعة وديرولهم العشاء ومن بعد يبداوو في الرقية ، انا صراحة اول مرة نسمع بيها
اما من ناحية الصدقة انا في بالي شيء راه في بالي رايحة نديرو ادعيلي برك نتوفق فيه

loulou02 · 2013-03-11, 14:15

اقتباس:

المشاركة الأصلية كتبت بواسطة ام ظافر

اختي هناك من حرم الذبح على العتبة مثل ما نقولو ادخلي لقوقل تلقا ي الفتوى
احسن شيء هي تقراي الادعية المأثورة والرقية الشرعية للمسكن الجديد وممكن تفتحي المسجل وتحطي سورة البقرة وانتي تنظفي فيها ومنها تسمعي القران وتتحط البركة في البيت الجديد

تحبي تعملي عشاء للضيوف المقربين ولكن انويها صدقة ودافع بلا عليك وعلى ولادك وجيبي ناسك الي يحبولك الخير وريلهم الدار الجديدة وما تجيبيش الي تعرفي عينو حامية وما تنسايش لما تتهناي تعملي قهوة وتعرضي الجارات تتعرفي بيهم وربي يباركلك فيها

بارك الله فيك أختي أم ظافر ، هذا أحسن رد

.

ام عبودة · 2013-03-11, 21:42

اقتباس:

المشاركة الأصلية كتبت بواسطة loulou02

بارك الله فيك أختي أم ظافر ، هذا أحسن رد

.

مشكوووورة حبيبتي على المشاركة
لا يوجد شيء افظل من اسم الله:

ناشدة الفلاح · 2013-03-09, 17:39

ربي يباركلك بالدار الجديدة و يهنيك يارب
عن نفسي لا أومن بالحنة و سفح الدم...إلخ
صحيح عادة عندنا لكن شرعا لا أصل لها
الأفضل يدخل الإنسان بيته بقراءة قرآن خاصة سورة البقرة و أذكار و أدعية التحصين...

و مبعد كي تفرزي حويجاتك ديري غداء أو عشاء حسب عادتكم، عندنا نديروا شخشوخة و نعرضوا الأقارب نتلمو كامل و نبعثوا قصعة للمسجد بنية الصدقة و الشكر لله سبحانه و تعالى و كاين اللي يبعث للجيران أو يخصص لهم يوم يعرضهم على قهوة و يتعرفوا على بعض، و لو أن الأغلب أن سكان الحي يبادرو بزيارة الجار الجديد للمباركـة،.و عندنا عادة تاني أي واحد يجي يبارك تفرجيه عالبيت كامل.

و ننصح أختي العزيزة ديري ماء مرقي و رشي به بيتك خاصة الزوايا طبعا عدا الحمام، وحصني بيتك بالقرآن و الدعاء المأثور.
ربي يسعدك حبيبتي...ســـلام

ام عبودة · 2013-03-10, 11:53

[size="7"]الله يبارك فيك اختي ناشدة الفلاح
ومشكووووورة ، اكيد اساس دخول بيت جديد الرقية والقران والصدقة
الحمد الله راني نشوف في تفاعل
من الاعضاء وهكذا نعرفو عاداتنا كجزائريين

ريتاج الجلفة · 2013-03-10, 16:45

قراي سورة البقرة وديري قصعة طعام للمسجد
انا عن نفسي كي نروح نرحل بإذن الله نكسبوا سكن
نقول لزوجي عطيني المفتاح ونروح نقعد فيها وحدي لا اثاث ولا اولاد وحدي يطبطب الباب منفتح لحتى واحد

ام عبودة · 2013-03-10, 21:39

اقتباس:

المشاركة الأصلية كتبت بواسطة ريتاج الجلفة

قراي سورة البقرة وديري قصعة طعام للمسجد
انا عن نفسي كي نروح نرحل بإذن الله نكسبوا سكن
نقول لزوجي عطيني المفتاح ونروح نقعد فيها وحدي لا اثاث ولا اولاد وحدي يطبطب الباب منفتح لحتى واحد

هههههههههههههههه
بينا عليك خيتي متوحشة الهدوء
بصح عندك تقولي هاتو ولادي توحشتهم
ولا هاتولي كاسكروط راني خويت
اه دبري راسك راني جاية ومعاي الكادو حلي الباب

imi02i · 2013-03-11, 08:14

أكثري من الأدعية وكي تستقري فيها ديري معروف

ام عبودة · 2013-03-11, 11:45

اقتباس:

المشاركة الأصلية كتبت بواسطة imi02i

أكثري من الأدعية وكي تستقري فيها ديري معروف

مشكورة حبيبتي
بارك الله فيك.