انصحوني ارجوكم

[نواعم]

السلام عليكم اخوات انا متزوجة منذ خمس سنين اعيش مع اهل زوجي اطلب منكم ان تنصحوني كيفىاستطيع ان احافظ على سعادتي الزوجية رغم المناوشات التي تحدث بيني وبين اهل زوجي امه واخته فوالله ادري انه لا يخلو بيت منها ولكن احيانا تكون النفسية ضعيفة ولا استطيع التحمل واسال المتزوجات الساكنات مع اهل الزوج كيف هو نظام العمل في البيت هل يجب على العروسة ان تقوم بكل الاعمال تم تلمشاركة والله لقد اختلط علي الكلام ولااعرف ما اقول مشكلتي مع اخت زوجي فهي غير متزوجة وهي عاملة وانا لا مما يجعل كل الاعمال علي والله لانتعبني الاعمال ولكن الانتقادات والسخربة هي المشكل

[riheb razane]

استقري وحدك اطلوبي من زوجك اديرلاك دارك وحدك او تقاسمي شغل الدار

[EPST31]

حاسبينها غير ساهله راجل يدير دار وحدو تقول مكمش عايشين الواقع الله يهديكم يا لبنات
بالنسبه لصاحبة الموضوع انصحك بالصبر و عدم المبالاة بكلام اخت الزوج و الصابر ينال

[متفوقة بامتياز]

انشاء اللله يفرج عليك اختي

[دنيا الامل 18]

اشغال المنزل تتقاسموها بينكما ماشي محتمة عليك تخدمي كلش مثلا انت خدمي صباح وهي كيتجي لعشية تكمل

[أم سلوى]

رددي حسبي الله ونعم الوكيل في قلبك كلما تعذر عليك تحمل،شيئ..
سوف يساعدك..ذلك علر الاستقرار العقلي

[nihal159]

صباح الخير؛ أختي مش محتم عليك تقومي بكل الأعمال المنزلة وحدك؛ قوليلها تنوض الصباح شوية بكري مثلا على الساعة السادسة و تخمّل بيتها؛ وأنت يبقالك تخملي بيتك و ديري الغذاء و تسيقي؛ وفي المساء كي تجي هي من العمل تجهز العشاء و تغسل الأواني ؛أنا واحدة صاحبتي متزوجة مع العائلة ماشية بهذا النظام؛ ربي يكون معاك.

[i3rreur]

شكرا لك اخي علي موضوعك الرائع افدتني كثير

[wissem1]

اختي راني كيفك بصح الحمد الله انا دبرت عمل وليت عاملة كيفها كيفي ربي محبنيش نتظلم في الماضي كنت مثلك ندير كلش خلاص و لعجوز و بناتها يتفرجو و يخرجو يحوسو و انا تغبنت في الدار و الشغل و زوجي ميدافعش علي خلاص كون منديرش لغداء و لا العشاء يقولولو مدارتلكش مرتك لغداء و كي نعمل الغداء العايلة كاملة تحط وتاكل كون نغسل لحوايج نغسل تع الجماعة كامل و كان طبقتو تع الجماعة المهم تغبنت الان الحمد الله وليت اعمل انوض بكري نمسح الدنيا و نغسل مواعين الفطور وروح نخدم ونخلي لعجوز تدير الغداء وبنتها تغسل مواعين الغداء وكي نروح ندير العشاء و نغسل مواعن العشاء و دالة على دالة نحطه القش قي الماشينة و في الويكاند نهار تخدم هي الشغل و نهار انا
ننصحك متضيعيش صحتك ديري اللازم لغداء و العشاء و خلي لمواعن تع العشاء ليها و الملابس اغسلي غير تع جوزك وعجوزتك تانيك بنتها دبر راسها مجابلهاش حوها خديمة وربي يفرج علينا

[نواعم]

بارك الله فيكم اخواتي وادعولي بالفرج في اادنيا والاخرة

[أبوطه الجزائري]

قال الحق تعالى :

وَمَنْ يَتَّقِ اللَّهَ يَجْعَلْ لَهُ مَخْرَجًا . وَيَرْزُقْهُ مِنْ حَيْثُ لَا يَحْتَسِبُ

ــــــــــــــــــ

بتقوى الله تعالى و الاحسان و كثرة الاستغفار

و الدعاء و اللجوء الى الله تنفرج الكربات و تتنزل البركات

و ان شاء الله تعالى تنفرج و ييسر أمرك ..

أكثري من الاستغفار ..

ففيه راحة البال. وانشراح الصدر وسكينة النفس

وطمأنينة القلب والمتاع الحسن

قال تعالى: اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً

[Asmaa.B]

انا مثلك اسكن مع اهل زوجي و اخته الغير متزوجة لكن العكس انا اعمل و هي ماكثة في البيت و قاسمين شغل الدار يوم مطبخ (طبخ+اواني) و يوم تنظيف (كنيس + مسيح +...) و صدقيني اختي نقوم بدوري اما في الصباح الباكر او ليلا قبل النوم و حقيقة شيء متعب لكن واجب عليا ما دام ما حبيتش نفرط في خدمتي لازم نشطار و نضحي براحتي باش نقوم بواجباتي و ما نرمي هبالي على حتى واحدة الا كي نروح لعند يما اللي ما تخلينيش نقضي و كي نمس حاجة تقولي ريحي.. لازم تقسمو و اذا كنت مولاة خير تاخذي نصيب اكثر منها بمعنى على الاقل كي تجي هي تدير العشا و تغسل الاواني ..
لكن بالسياسة اختي و لا تجعلي هذا سببا لتخريب علاقتك مع زوجك

[فاطمة شلف]

السلام عليكم ورحمة الله وبركاته
بارك الله فيك موضوع رائع
اختي الكريمة بالتفاهم تقضي كل شئ
بالتناوب مرة انت ومرة هي
او انت في الصباح وهي في المساء
او تنهض باكرا طيب قهوتها وتغسلي الاواني وطيب الفطور
وانت قهوة المساء والعشاء والاواني طبعا
اما بالنسبة لتسياق هي في الليل والنت في النهار
الله يجيب الطيب

[نواعم]

السلم اخواتي بارك الله فيكن ولكني للاسف لا استطيع طلب المساعدة منها ربما لانني اخاف واتفادى مواجهتها ولااستطيع ذلك فام زوجي في الحقيقة تساعدني وانةطلبت من ابنتها يغيضها الحال الحمد لله على كل حال