طلب من فضلكم

*ازهار* · 2014-08-30, 18:30

السلام عليكم ورحمه الله تعالى وبركاته
بحاجه الى مساعده انا ماكثه بالبيت اتقن صناعه الحلويات وبشهاده عائلتى والحمد لله مشكلتى فى التسويق يعنى لحد الان مجاتنى حتى طلبيه ولا كوموند من فضلكم الى يقدر يساعدنى من اصحاب المحلات او حتى طلبيات لمناسبات انا فى الخدمه وجزاكم الله خيرا مسبقا

دائمة الحمد · 2014-08-30, 18:55

شوفي يا اختي نقترح عليك اقتراح هزي بلا كيما لي راك حطاتو وغلفيه بالبابيي فيلم وايديه لباتيسيي تكوني تعرفيه انت اوخوك اوباباك واعطيه اثمان تكون شوية ناقصة حتى تتعرفي وريقلي ليبي تاعك
وربي يسهلك اختي ويسرلك امورك

ام ندى 87 · 2014-08-30, 18:57

ربي يحققلك منناك وينجحك والله الحلويات لي في توقيعك غير تهبل باينة متقونة اما عن التسويق فانا نقولك تحركو ترزقو اتنقلي لاصحاب المحلات خودي صور حلوياتك او حوخلي ارقام هواتفك لعل وعسى يحتاجوك في يوم ما
كثري الاستغفار وان شاء الله يفيدوك البنات

*ازهار* · 2014-08-30, 18:58

اختى دائمه الحمد شكرا على الفكرة عجيتنى بزاف ربي يجازيك خير اختى الفاضله
فى انتضار اراء البقيه من فضلكم لا تبخلو عليا بالرد

ادرارية · 2014-08-30, 18:58

انا نقول واش ديري حاولي تتعرفي على عاملات او تستعيني بعاملة تعمل ليك الاشهار بعض المرات نحصلو ومانلقاوش منين نكومندو خصوا في المناسبات

*ازهار* · 2014-08-30, 18:59

شكرا اختى المبتدئه الف شكر والله نتقن صنع الحلوى بصح الزهر الى مكانش ربي يفرج علينا كامل

*ازهار* · 2014-08-30, 19:01

اختى الفاضله ادراريه رانى حاولت مرات عده وصيت بعض ولحد الن مكان حتى خبر مشكلتى منقدرش نخرج من الدار رايحا نطبق فكرتك ونشوف
ربي يجازيك كل خير اختى شكرا على مد يد المساعده

ام ندى 87 · 2014-08-30, 19:19

ازهار نصيحتي ليك ديري الخير تلقاي الخير ابداي بينا حطيلنا وصفات تاع هادوك الحلويات الشابين واكديلي على الصامصة هههههههه سخفتني خاصة طريقة التشكيل

*ازهار* · 2014-08-30, 20:28

خجلتينى اختى المبتدئه والله الصورة اخذتها من النت كترويج لنشاطي فقط وعد كي نخدم اي نوع نحطلكم تشوفوه مع الطريقه ان شاء الله

fadilasor · 2014-08-30, 21:28

ماشاء الله حلويات رائعة اللي في الصورة انت علاش ماتشوفيش اللي في عايلتك تبداي تخدميلهم ومن تم اللي تخدميلو يديرلك اشهار هكدا تتشهري وان شاء الله رببي يوفقك

*ازهار* · 2014-08-30, 21:39

شكرا اختى فضيله على الفكرة شايفين خدمتى بصح التسويق هو الى مكانش

oumadoumawayouta · 2014-08-31, 08:00

ديري اعلان او اشهار عند الحفافات الي تعرفيهم
و عند الحوانت الي يبيعو لوازم الحلويات
و ننصحك تخدمي نوع و لا زوج في كاش عقيقة و لا سبوع نتاع لفامي كاش زي جديد تحفيه مليح يدوقوه و نشا الله يعجبهم
فالاعلان نتاعك اكتبي بلي تخدمي الحلويات التقليدية و العصرية
حلويات العقيقة، المملحات،حلويات العيد، و ادا شاطرة في التغليف ديري ايضا بلي تجهزي سينيات العروسة...

*ازهار* · 2014-08-31, 08:12

[QUOTE=oumadoumawayouta;3991639923]ديري اعلان او اشهار عند الحفافات الي تعرفيهم
و عند الحوانت الي يبيعو لوازم الحلويات
و ننصحك تخدمي نوع و لا زوج في كاش عقيقة و لا سبوع نتاع لفامي كاش زي جديد تحفيه مليح يدوقوه و نشا الله يعجبهم
فالاعلان نتاعك اكتبي بلي تخدمي الحلويات التقليدية و العصرية
حلويات العقيقة، المملحات،حلويات العيد، و ادا شاطرة في التغليف ديري ايضا بلي تجهزي سينيات العروسة...[/Q

ربي يحفظك اختى على الفكرة الرائعه نجربها باذن الله

ana hia · 2014-08-31, 08:45

ازهاااااااار صباح الخير

عادي جدا هاذو هوما صحاب بوسعادة الزهر داخل في حيط هههههههههههههههه

شوفي عاااادي جدا

لافامي نتاوعك قوليلهم يشيعو عليك علابالي باللي الحالة راهي مشمعة بالصح عادي وين تروحي احكيلهم على القاطو الحامامات الحوانت الحفافات الأعراس روحي نتاع باتيسيري يعود يعرفو خوك بييك بن عمك بن خالك المهم ذراري نتاع لافامي يدبرولك مول باتيسري

*ازهار* · 2014-08-31, 09:16

اقتباس:

المشاركة الأصلية كتبت بواسطة ana hia

ازهاااااااار صباح الخير

عادي جدا هاذو هوما صحاب بوسعادة الزهر داخل في حيط هههههههههههههههه

شوفي عاااادي جدا

لافامي نتاوعك قوليلهم يشيعو عليك علابالي باللي الحالة راهي مشمعة بالصح عادي وين تروحي احكيلهم على القاطو الحامامات الحوانت الحفافات الأعراس روحي نتاع باتيسيري يعود يعرفو خوك بييك بن عمك بن خالك المهم ذراري نتاع لافامي يدبرولك مول باتيسري

والله يا اختى عندك الحق مكانش الزهر نساء كامل عادو يخدمو القاطو وفاتحين حوانت واش ندير رانى بديت نشيع فى خدمتى بصح وين تروحي تلقايهم يخدمو القاطو
قوليلي انتى متقدريش تعاونينى ادا تعرفى ناس عندهم مناسبات جيران فامي خبرينى ربي يفتحها عليك وينجحك فى دراستك يارب
عجبتنى الشعبه نتاعك اعشقها حتى الجنون هههههههههه