رأيك بعد هدف كايتا مباشرة

[سعيد الشيخ]

بسم الله الرحمن الرحيم
اولا احب ان اهنيء كل الشعب الجزائري والعربي بمناسبة الفوز التاريخي للمنتخب الجزائري على منتخب كبير مدجج بالنجوم العالمية ، فالحمد لله وحده على كل حال من الاحوال فلقد رأينا البرازيل اليوم فوق ارضية الميدان.
لنعد الى اجواء المباراة فاليوم لن نتكلم عن احسن لاعب في المباراة لانهم كانوا كلهم الاحسن بدون منازع، لكن اريد من جميع الاعضاء ان يقولوا رأيهم بكل صراحة مباشرة بعد تسجيل كايتا الهدف الثاني قبل نهاية المباراة بدقيق، ماهو اول شيء بدر الى ذهنك في تلك اللحظة بالذات .
لابدأ بنفسي كنت اقول في نفسي والحسرة تخنقني لا يهم المهم اننا ادينا مباراة في القمة وكنا الاحسن وهذا مجرد خطأ بسيط سنتداركه في المستقبل، وهذه هي كرة القدم .
لنبدأ على بركة الله وبكل صراحة

[mounira1971]

والله اللعضيم كانت الدمعة في عيي واقول درك اندخلو الهدف حتي انا دهبت الي المطبخ لكي اشرب قطرة ماء وكلمة يارب لم تفارق فمي حتي اسمع في ابني يصيح ويركض اتي اجري فوجدتهم اضافو الهدف والله صدقوني في تلك الحظة احس انا قلبي رايح توقف
من تما وانا عندما اري الكرة عندي الافوارين ادعي واقول وجعلنا من بينهم سدا ومن خلفيهم سدا و فزنا والحمد لله

[biologie2001]

بعد الهدف الثاني للمنخب الايفواري فشلت تماما خصوصا انه جاء في الدقيقة الاخيرة ...........
لكن الحمد لله فعلها الرجال و سجلها صخرة الدفاع.
لكن الصراحة عند تسجيلنا الهدف الثالث فرحت و لم استطع اكمال المشاهدة الا في الاربع دقائق الاخيرة
مبروك

[امال شوال]

بعد الهدف الثاني سلمت بخروجنا من الكان و صرت امشي و اقول المهم اننا خرجنا بشرف و كنا نستاهل احنا الفوز لكن الحمد لله
اعاد هدف بوقره الامل و تاهل فريقنا من كل قلبي شكرا لهذا الفريق الرائع

[ميلانو]

شوف خويا انا كي بدا الماتش وانا في حالة بعد دقائق سجلو تع الكودفوار حبست واستسلمت..............ثم عند انطلاق مطمور وقفت وقلت ههو الهدف وندت نعيط اوووووووووووووووووووووووووووووووو................. ..كي جا يخلص الماتش كنت حاس بلي حيسجلو علينا.......................جاء الهدف حبس قلبي وفقدت الامل..قعدت نتفرج وانا اتاسف..ثم جاء الفرج من صخرة الدفاع .ورجع الامل.................وقعد قلبي يدق حتى خلس الماتش.وخرجت احتفل........
ونقل حاجة بلي الجزارئر عندها رجالة ومتحافش

[و.وحيد]

اقرا اخي الكريم ماذا حدث لطالب من ساحل العاج يدرس في مصر .منقول من احد المنتديات المصرية
الجزائر و ساح العاج

ده الواد زميلي في الجامعه من ساحل العاج راح الحمام خمس مرات وقت الماتش اتهرى ياعيني الاخوان في الجزائر خلوا الواد مش عارف يقعد عالكرسي

[( أهلُ الثورة )]

والله أنا قبل ما يسجل بوقرة الهدف كنت رايح ندخل كل المنتديات ونكتب للجزائريين موضوع نقولهم فيه : ياخاوتي لازم نديروا حفلة للرجال اللي رفعولنا راسنا

خسرنا ماعهليهش , بالصح ربحنا فريق ماكاش كيفو

لكن الحمد لله النتيجة تغيرت
ربي عطانا قد النية

[اخت في الاسلام]

هو كي سجل الهدف انا نضت ورحت باش نكمل قرايتي الي خليتها و قلت بلي رانا خسرنا لاخطراكش هوما سجلو في الدقيقة لخرى نتاع الشوط وكنت نقول من جهة ثاني
رانا نقدرو نسجلو في الوقت بدل الضائع كي بديت نقرى سمعت خاوتي يعيطو ويقولو رانا سجلنا

[نور الايام]

انا كامل نا قدرتش نتفرجوا منين سجلوا الهدف الول تاع الكوت ديفوار
غلقت عليا فالبيت و قعدت ندعي في ربي اننا لوكان نخرجوا نخرجوا و احنا مرفوعين الراس
و الله غير ادعيت من قلبي باش حتى واحد ما يتشفى فينا لاني تاع الصح كرهت من الهدرة الزايدة
و الحمد لله جبنا الفوز و رفعوا راسنا

[سعيد الشيخ]

شكرا جزيلا لكل من قدم رايه في الموضوع ، اتمنى للجميع دوام الصحة والعافية كما اتمنى انشاء الله التأهل الى النهائي وان تكون المباراة بين الجزائر ومصر مباراة في الروح العربية الاسلامية والتي هي اعلى درجة من الروح الرياضية ............سلام

[شقراء]

يا اخي انا مانقولكش واش اصرالي بصح جارنا شاب صغير 18 سنة احبس قلب بعد الهدف وجراو بيه الاهل الى المستشفى و الحمد لله ربي مافيه غير الخير فطنوه او راه مليح و الحمد لله على كل شئ