ما العمل ؟؟؟!!!! :(

[الدرر البهية]

كيف حالكم
صح فطوركم تقبل الله منا و منكم
في الحقيقة جماعة حابة نستشيركم
كل واحد منا عندو مادة يكرهها وانا اكره الفيزياء
حاولت نبغيها تفرجت فيديو تع مولاي عمر صح دروسه ممتعة لكن لما افتح الكتب للحل
اتدايق هدا مشكلى مند دخولي الثانوي
سالت والداي قالولي لانك كرهت اول استاد درسك في التانوي
والله كان دووون المستوى امنو هو يشرح تتلفلو حتا يقوللنا وين كنت ....
كرهلنا الدروس
ولما نعطوه سوال يقلك بحتو كاين نات ما العمل
ارجوكم انصحوني

[منير2]

الله يسلمك
تقبل الله صيامك

[طالبة لها هدف]

صح فطورك
كل ما علي قوله لكي عليك بتحبيب المادة لنفسك و بنفسك
حاولي تبحثي في مادة الفيزيا ليس من جهة الدراسة انما للثقافة اقراي و طالعي مواضيع تع اكتشافات تع اي حاجة تخص الفيزيا
تخليك تحبيها عن تجربة صدقيني

[الدرر البهية]

شكرااا جزيلا لك

[Aminzaim]

نعم كما قالت الاخت انا كانت لي نفس المشكلة مع الرياضيات 1 و2ثانوي فوتهم مع اساتدة مانحبش نقرا معاهم خدمتهم يطيحولي فالمورال مي دركا انشاء الله راح نولي كيما كنت و انت تاني اخت اعرفي بلي الفيزياء ماشي مادة الاستاد هاداك و ديري كيما قالت المتقفة الصغيرة

[الدرر البهية]

المشاركة الأصلية كتبت بواسطة aminzaim

نعم كما قالت الاخت انا كانت لي نفس المشكلة مع الرياضيات 1 و2ثانوي فوتهم مع اساتدة مانحبش نقرا معاهم خدمتهم يطيحولي فالمورال مي دركا انشاء الله راح نولي كيما كنت و انت تاني اخت اعرفي بلي الفيزياء ماشي مادة الاستاد هاداك و ديري كيما قالت المتقفة الصغيرة

وهل تخلصت من اشكالك
يعني صرت تحب المات
ان شاء الله ساحاول
مي الفيزياء نفضل نخدمها في العام
احسها مادة غير ممتعة
شكرا لك ربي يساهل

[الدرر البهية]

شكرا على مروركم

[ندى ندوشة]

صحا فطوركم
ما علي إلا أن اقول تذهبي انتي اليها وليست هي من تأتي اليك فهذا يكون برغبة منكي عليك أن ابحثي وتتقصي اشكالياتها وحل تمارين وغيرها
وبالتوفيق لكي أن شاء الله

[Aminzaim]

نورمالمو رجعت نحبها خخخههههههه
مازال ماجربتشنقراها سيريو
لالا اختي بالعكس الفيزياء هي اكثر مادة ممتعة بالنسبة ليا لاني مش نطبق القوانين وحسب انا نحاول نفهم كل شيء نبحت مام عالتجارب

[الدرر البهية]

المشاركة الأصلية كتبت بواسطة الريانة الطموحة

السّلام عليكم
صح فطوركم
اختي أود أن اخبرك أن المادة التي تعانين منها هي من أقرب وأحبّ المواد إلى قلبي
أحبها جـدًا
صدقيني مادة الفيزياء حُلوه
لربما ارتبطت كلمة "فيزياء" في عقلكِ بالصعوبه وترينها دائما بذلك الغموض والضبابية
جربت شعورك صدقيني ، كنت كذلك مع مادة الرياضيات ولكنني مع مرور الوقت تخلصتُ من المشكل واصبحت الرياضيات بمكانة الفيزياء عندي او اكثر بكثير اصبحت احبها كثيرًا واستمتعتُ بها
انظري لقد قلت لك مع مرور الزمن
فقط أنتِ عوّدي نفسكِ ، و اطمئنك أنك احسنتِ اختيار الوقت الذي تتدربين فيه على هذه الماده قبل ان يباغتك العام الدراسي وتنضغطين اكثر
تعوّدي عليها : هذه المره تملين ، المره التي بعدها تحاولين أن لا "تملّي"، والتي بعدها تحاولين الاعتياد عليها ...الى ان تصلي الى مرحلة تهزمين هذه الفيزياء
تحلّي بالصبر والاراده القوية ولا تيأسي ولا تدعي مُجرد وساوس وتجارب سابقه تردعك عن حُلمك
كوني أقوى منها
أعلم ان ذلك يبدو صعبـًا في البدايه ولكن صدقيني كل شيئ يسهل مع الاجتهاد والاصرار والتدرُب ، افهمي الدرس جيدا ثم ابدأي بأسهل التطبيقات و "سايسي" نفسك تدريجيًا حبه حبه إلى أصعبها
لا تضغطي نفسك
أعلم أنك تستطيعين ان شاء الله ، أنتِ لها
أتمنى أن اكون قد افدتكِ
وفّقـك الله اختي
صح سحوركم السلام عليكم

شكراااااااا والله كلماتك شجعتني اعدك انني لن اتهاون مع مادتك المفضلة

المشاركة الأصلية كتبت بواسطة rawaan

ننصحك باه متتكليش على الاستاد

لازم تقرايها روحك وتحلي تمارين

انا كنت كيما انت كل عام نقول هدا الاستاد ميعرفش يقري

من تالي عرفت بلي البروبلام راهو فيا انا بيسك اميوسيبل باش كل الاساتدة ميعرفوش يقرو

قلت نقراها روحي وخلاص منعتامدش على الاستاد

انساي بلي كاين استاد نتاع فيزيك و مام انا تجيني سامطة ومخي يعيا كي نفتح الكراس نتاع الفيزيك بصح معلقة ورقة كبيرة فالحيط كاتبها فيه باك 2018

ايا نتحفز و نقراها

مالغري منتفوقش فيها مي احسن ماللي كنت

اي انا لا اقول ان الاستاد لي قراني 2 ماشي مليييح بالعكس رووووعة و نتمناه بقريني بااك راني غير ندعي و نعااود والله كنت ندي عندو 19
حسيتها ممتعة و مبعد في الفصل 3 كرهت كلشي و جا الاستاد تع 1 ثانوي كمل معانا الفصل التالي لانو استادنا مرض بزاااف حتى لحق لسبيطار و ليباري ولكنه ارتاح لا ادري ادا كان سيتنقل ام لا
والف شكر على كلماتك التحفيزية

المشاركة الأصلية كتبت بواسطة aminzaim

نورمالمو رجعت نحبها خخخههههههه
مازال ماجربتشنقراها سيريو
لالا اختي بالعكس الفيزياء هي اكثر مادة ممتعة بالنسبة ليا لاني مش نطبق القوانين وحسب انا نحاول نفهم كل شيء نبحت مام عالتجارب

ربي يخليك خويا والله عاونتني بزااااف

[Rawaan]

ننصحك باه متتكليش على الاستاد

لازم تقرايها روحك وتحلي تمارين

انا كنت كيما انت كل عام نقول هدا الاستاد ميعرفش يقري

من تالي عرفت بلي البروبلام راهو فيا انا بيسك اميوسيبل باش كل الاساتدة ميعرفوش يقرو

قلت نقراها روحي وخلاص منعتامدش على الاستاد

انساي بلي كاين استاد نتاع فيزيك و مام انا تجيني سامطة ومخي يعيا كي نفتح الكراس نتاع الفيزيك بصح معلقة ورقة كبيرة فالحيط كاتبها فيه باك 2018

ايا نتحفز و نقراها

مالغري منتفوقش فيها مي احسن ماللي كنت

[المُعادلة الصّعبة]

السّلام عليكم
صح فطوركم
اختي أود أن اخبرك أن المادة التي تعانين منها هي من أقرب وأحبّ المواد إلى قلبي
أحبها جـدًا
صدقيني مادة الفيزياء حُلوه
لربما ارتبطت كلمة "فيزياء" في عقلكِ بالصعوبه وترينها دائما بذلك الغموض والضبابية
جربت شعورك صدقيني ، كنت كذلك مع مادة الرياضيات ولكنني مع مرور الوقت تخلصتُ من المشكل واصبحت الرياضيات بمكانة الفيزياء عندي او اكثر بكثير اصبحت احبها كثيرًا واستمتعتُ بها
انظري لقد قلت لك مع مرور الزمن
فقط أنتِ عوّدي نفسكِ ، و اطمئنك أنك احسنتِ اختيار الوقت الذي تتدربين فيه على هذه الماده قبل ان يباغتك العام الدراسي وتنضغطين اكثر
تعوّدي عليها : هذه المره تملين ، المره التي بعدها تحاولين أن لا "تملّي"، والتي بعدها تحاولين الاعتياد عليها ...الى ان تصلي الى مرحلة تهزمين هذه الفيزياء
تحلّي بالصبر والاراده القوية ولا تيأسي ولا تدعي مُجرد وساوس وتجارب سابقه تردعك عن حُلمك
كوني أقوى منها
أعلم ان ذلك يبدو صعبـًا في البدايه ولكن صدقيني كل شيئ يسهل مع الاجتهاد والاصرار والتدرُب ، افهمي الدرس جيدا ثم ابدأي بأسهل التطبيقات و "سايسي" نفسك تدريجيًا حبه حبه إلى أصعبها
لا تضغطي نفسك
أعلم أنك تستطيعين ان شاء الله ، أنتِ لها
أتمنى أن اكون قد افدتكِ
وفّقـك الله اختي
صح سحوركم السلام عليكم

[Mr.R]

صح سحوركم
مكانش واش نزيد نقول فوق واش قالولك الأعضاء
لكن لا يجب أن تنسي الأستاذ تماما اذا واجهت مشكلة اسئليه
أنتي صح قري روحك لكن متقدريش تقراي كلش لوحدك لازم استاذ
اعرفي كيفاش تتعاملي معاه و سيبون ,,
و ربي ينجحنا كامل

[الدرر البهية]

هههه ياو نعيا مانقلك عليه والله ما تامن
والله مايجاوبك يقولك حوس عليها كواجب اوووف المهم
انا عندي استادة نعرفها غايا و راني نروح نسقسيها في الوقت تع لا كور
المهم شكرااااااا
درك المورال راه طالع ماشقاش تفكرني بداك الاستاد هههههه :d:d

[الدرر البهية]

وانت تاني صح سحورك