طريقة تحضير مركز الطماطم بطريقة جديدة من مطبخي

[أم فاطمه]

بسم الله الرحمان الرحيم

السلام عليكم اخواتي

في ايطار التحظير لشهر رمضان المبارك ادخله الله علينا بالصحة والعافية جبتلكم اليوم مركز الطماطم الذي استعمله كثيرا في وصفاتي المنزلية يغنيكم عن شراء علبة الطماطم المصبرة .


المقادير:

- زوج كيلو طماطم
- حبة بطاطا متوسطة
- زوج حبات من الشمندر او البيطراف كما يسمى
- حوالي 6 معالق كبيرة زيت
- ملعقتين من عصير الليمون
- ملعقة ملح






طريقة التحظير:

قطعي الطماطم بقشورها ، زيديلها الشمندر او البيطراف ثم اضيفي حبة البطاطا المقطعة مسبقا، ثم نظيم حوالي كأسين من الماء ونتركها تنظج حتى تنقص كمية الماء .











بعذ ذلك ارحيها او اطحنيها يدويا او باستعمال الخلاط الكهربائي ، ثم نضعها على النار ثانية ونضيف عليها عصير الليمون والملح والزيت ونتركها تطيب حتى تعقاد يصبح الخليط ثقيلا يعني









نترك الخليط يبرد ثم نملئ قارورات زجاجية او بلاستيكية ونضعها في المجمد لاستعمالها عند الحاجة .



هادي الطريقة مجربتها في جميع وصفاتي ولا تضهر فيها رائحة او طعم الشمندر.

نتمنى تجربوها وتعجبكم .

وهادي صورة للطريقة التي جهزت بها التوابل التي ساستعملها في شهر رمضان انشاالله

تصومو بالصحة والهنا

[&ام ايوب&]

ماشاء الله عليك راكي فحلة
عجبتني فكرة الشمندر مع الطماطم
مزيدا من التالق اختي
شكرا لكِ

[أم فاطمه]

السلام عليكم مرحبا بكي ام ايوب و شكرا

[crono]

ما شاء الله ،ربي يحفظك ،و جعل الله مجهوداتك في ميزان حسناتك .

[fleur de lili]

شكرا علي جميع المجهودات في ميزان الحسنات

[أم سدرة]

بارك الله فيك على الوصفات لي راكي تحطيهم في ميزان حسناتك

[zokhrofa]

شاااااااااااااااااابة بزااااااااااف عجبتني الطريقة اختي ام فاطمة الفحلة

قوليلي لوكان ما نحبش ندير الشمندر تخرجلي ؟

خاطش ما شريتوش و البارح شفت العنوان و قلت من بعد نشوف الوصفة تاع ام فاطمة يعني كان ضربت طلة كنت نقول لزوجي يجيبهولي ههههه

[ام كادي]

هااااااااااااااااااااايلة نجربها و نردلك بالخبر

[حياة نور الدين]

روووعة الله يبارك يستاهل التثبيت حنونة احلى تقييييم

[fimaturk]

شي رائع ...بوركت يداكي

[kamili1]

روووعة الله يبارك

[أم فاطمه]

السلام عليكم مرحبا بكي اختي crono
رمضان كريم

[أم فاطمه]

السلام عليكم اشكركم جميعا خوتتي شرفتموني ام سدرة ام كادي حياة
fimaturk et lili

[أم فاطمه]

السلام عليكم اهلا بكي زخرفة على مرورك اما فما يخص الشمندرتقدري تخدمي الوصفة بدونه لكن الون الاحمر القاتم و الحلاوة في الطماطم تجي بالشمندر ارجو
تكني فهمتني اختي رمضان كريم

[zokhrofa]

نعم نعم فهمت هههه حتى انني كتبتها في قائمة المشتريات تاع غدوة ان شاء الله زوجي ما ينساهش و نحطلك تطبيقي