مفردات من اللهجة السطايفية

[حاملة المصحف]

السلام عليكم

الكارطي = حومة / حارة cartier
دنg * دنق * = شوف / أخزر /أنظر
طاgة * طاقة * = تاقة / نافذة
مرة = للنفي / ماشفتوش مرة = ماشفتوش خلاص
ليه ليه = بزربة / بسرعة
بزع = سيح / افرغ
الgرف * القرف * = الجليد ... مgرف = مجمد
زدران = مgريبي / حاكمو زكام
ابسط = ريح / اجلس
طاوة = كاسرونة / مقلة
طفطافة = موبيلات / دراجة نارية
حداية = طير جارح شبيه النسر / العقاب
تبناج = الحلوة و الشواكل ( جمع شيكولة ) .. نبنجو = نحلو فوامنا
هذا لاه هذا = و علاش هكذا / تستعمل للتعجب ايضا
واشي هذا = وش هذا / وشنهي هذا / ماهذا
وشواشة = الناموسة / جمع الناموس
سُكارة = كادنة / قفل الباب
تطربg = هايلة .. روعة / فعل ماضي بمعنى فسد طربgتو = فسدتو / كسرتو
شياخة = قصرة .. هدرة ... نشايخو = نحكو و نقصرو .. شياخات = دباير و اراء
نلوحو فوام شايخة معاهم = نحكو معاهم و نقصرو شوي و نروحو
لاح ..يلوح = يرمي
gطعة = عدد اكثر من 5 و قل من 10 ( غبت قطع ايام )
يطارش .. المطارشة = يلاوح / يقارد / يرمي بالاحجار
العجوز تاعنا = يما / أمي العجوز تاعكم = يماك / امك
الشيخ تاعنا = بابا / ابي .. الشيخ تاعكم = باباك /ابوك
الطفل تاعنا = خويا /اخي .. الطفل تاعكم = خوك /اخوك
الطفلة تاعنا = ختي ... الطفلة تاعكم = ختك
نانا .. جدا = جداتي
الغرايف = البغرير
المطلوع = كسرة الخمير
الزغوغ = العفريت
الطارفة = الحبل
تمسمرت = تعمدت عدم حصول احدهم شيء / حرمت عليه
الهريسة = حلوى قلب اللوز / الهريسة الحارة ايضا
يرغب = يزع / شخص عندو حساسة لما يلمس في مكان ما من جسمه
حgا حgا = كلمتين تنطقان ورا بعضهما بهدف التعجب .. حقا حقا شكو فيا انا لي اديت هذيك الحاجة ..
قيقم = نوع من الاشجار المثمرة ثمارها صغيرة و هي بنية اللون / التغزاز
عسلي = تشيني /ارونج /برتقالي
طرطري = فيولي / violet ...mov
زنجفوري = متداخل الالوان
اشهب ..شهبة = مايل للبياض
استيكيها = اعدلها ..استيكي الشومبرة = نظفها و رتبها
راك صحيت = وشراك
تتسيقط .. تتمجعر = تستصغر .. تتجيح
بز = ذراري الصغار
بوكشاش = زرزومية / زرمومية
مقايز = الطورو / الثور
مْشَكٌل ( شدة فوق الكاف ) .. تشكال = مغلوق / مربوط / محكوم / مقيد
مهشكل ..تهشكيل = ما يعرفش يلعب ..يكسر ما حوله
هوشة ..يهاوش = عركة / باgار / مدابزة /شجار
مهارشة ..يهارش = يلعب مع احدهم بيديه و جسمو

منقوووووووووووووووووووول

[mouha2012]

شكرااا على الإفادة

[علي لقواطي]

اللهجة السطايفية ليست بالصعبة لتواجد السطايفية في كل مكان في الجزائر.

[1ouyahia]

شكرااا على الإفادة

[SALAH BOULBAIR]

شكرااا على الإفادة

[آفاق المستقبل]

تشبه كيما هدرتنا حنا ثاني في المسيلة

[جوليا joli]

شكرا على اادة اختي

[novembary]

يا قطيم ...... ’

[إنشراح ^_^]

انا سطايفية مي لقيت كلمات و الله ما نعرفهم انا تعلمتهم غير من هنا برك
يعني ماشي كامل السطايفية عندهم هادي الهدرة

[حاملة المصحف]

المشاركة الأصلية كتبت بواسطة la petite princese

انا سطايفية مي لقيت كلمات و الله ما نعرفهم انا تعلمتهم غير من هنا برك
يعني ماشي كامل السطايفية عندهم هادي الهدرة

عندك الحق

[abedalkader]

وتبقى لهجاتنا المتنوعة تراث نعتز به

[klayks]

شكرا فعلا تعلمت بعض المفردات

[حاملة المصحف]

[QUOTE=klayks;3996007793]شكرا فعلا تعلمت بعض المفردات[/QUOTE
عفوا اخي

[الأستاذ علي الجزائري]

بارك الله فيكم

[حاملة المصحف]

المشاركة الأصلية كتبت بواسطة الأستاذ علي الجزائري

بارك الله فيكم

و فيك بارك الرحمان\