الخدمة الوطنية المدرسة العليا للبحرية بتامنفوست دفعة سبتمبر

[bechi]

السلام عليكم ورحمة الله وبركاته
إخواني بعد وصول استدعاء الخدمة الوطنية إلى المدرسة العليا للبحرية تامنفوست طبعا ورغم قلة المعلومات المتوفرة حول هذه المدرسة لكن استطعت ان ابحث في هذا المنتدى ووجدت بعض المعلومات التي يمكن ان يستفيد منها الجميع
التعريف بالمدرسة
استلمت المديرية البحرية مركز تامنفوست في 19 جوان 1964 وهو اول مركز تدريب للبحرية يستلم بعد الاستقلال اهتم الى غاية 1966 بالتدريب العسكري وانتقاء الاطقم للتربص بالاتحاد السوفياتي .ومر هدا المركز
بعدة مراحل
شرع المركز مند 1966 في تكوين مختص في كل الاختصاصات الضرورية والتواجدة على متن السفن
وابتداء من السبعينيات اصبح المركز يسمى باسم مدرسة البحرية الوطنية التي عرفت جزارة حقيقية للمؤاطرين
بعد عودة الدفعات التكوينية من الخارج ومع بداية سنة 1983 شرعت المدرسة في تكوين الظباط تكوينا وطنيا
بفضل الاطارات الجزائرية المختصة وكدا التجربة المكتسبة على متن السفن استجابة للتطور الدي عرفته البحرية الوطنية
تم تدشين المدرسة الجديدة التي حملت اسم المدرسة العليا للبحرية (خير الدين بابا عروج) في 4 جويلية 1988 وابتداء من هدا التاريخ تعاظم دور المدرسة حيث استقبلت سنة 1990 اول دفعة للظباط القيادة والاركان وابتداءا من سنة1994 عرفت المدرسة هيكلة جديدة حيث اصبحت تظم عدة مدارس وتحمل اسم مجموعة المدراس بتامنفوست(خير الدين بابا عروج)
ومند اوت 2003 تحمل تسميت المدرسة العليا للبحرية بتامنفوست
مهمة المدرسة:
تتمثل مهمة المدرسة في تكوين افراد:ضباط وضباط صف والجنود الرتباء العاملين والمتعاقدين والاحتياط في كل التخصاصات المتواجدة على متن السفن ووحدات الامداد والاسناد
كيفيت الوصول الى المدرسة :
أخرج من محطة خروبة توجه للجهة المقابلة للمحطة من اجل الصعود في الترام واي أو الحافلة للتوجه إلى تافورة (ماتهزوس التاكسي غالية بزاف) الي مايعرفش منين يركب الى تافورة يسقسي بركة في الخروبة
رحلة تاع 15 د لما يعيط الروسوفور على قهوة شرقي أهبطوا بعد الهبوط سقسوا على الحافلة يلي تطلع الى لابيروز La pirousse (برج البحري مكان المدرسة) احبسوا في التيرمينوس تهبط من الحافلة تقابلك المدرسة.

الدخول الى المدرسة :
تلقي Post Police رقم 01
تعطيه لاكارت + لوردر دابال يقراهم ومبعد يردهملك تزيدوا تكملوا تطلعوا تلحقوا الى Post Police رقم 02 تحطوا الكابة في السكانير ومن ثم الدخول الى أفضل مدرسة في الوطن بعد السكانير يدوكم الى Post Police رقم 03 يسجلوكم في سجل ويعطوكم رقم الوصول يكتبوهولكم في لوردر دابال

الدخول عند الطبيب
اذا كان الطبيب موجود يدوكم ليه كي تدخلوا اذا ماكانش يدوكم في النهار يلي من وراه
معلومات عن الطبيب:
الطبيب عام يعني Geniralist
معناها اذا مافعمش المرض تاعك رايح يفوتك كونتر فيزيت
اذا ماعندك والوا رايح يعطيك Apt ماتخافش كاين يلي عطاهم Apt وطلقوهم
من بعد الخروج من عند الطبيب: يدوكم الى Salle de Sport وين ترقدوا.

بالنسبة للرسمي: Apt/Inapt
في دفعة جانفي 2015
قفلت يوم 29 جانفي
العدد: 393
246 فائض
32 سورسي
45 inapt
70 مجند
معلومات اضافية :
تحترم روحك يحترموك
رايحين تكونوا تحت امرت أخوانكم تاع دفعة جانفي 2015 هوما كامل ناس طيبين احترموهم بركة وماتسبوهمش
وهوما ثاني تخت ارمرت كابيتان Capiten
يلي رايح يقوليكم 5*5
Ay Rapidement هههه كم كانت ايام ممتعة
بالنسبة للقيادة الموجودة في المدرسة:
General Major
2 General
80 lyoutna colonelle
واحد 120 الى 140 Capiten
يعني حبيت نقليكم راهوا Capiten في هادي المدرسة ما يقضيش
ملاحظات:
المدرسة تخير من بين 70 Apt عن طريق العمر + التخصص المتزوجين كامل راح يطلقوهم.
الصلاة جماعة مسموحة. الأكل مقبول وجيد خير من تاع الجامعة
الفحص المضاد في ناحية العسكرية الأولي البليدة
النهوض على الساعة 07 صباحا يدوكم تفطروا في كل مجموعة 70 فرد
بعدها ترجعوا الى Salle de Sport تنظفوها كل واحد ينظف تحت سرير ديالوا
راح يقتلكم الروتين تاع القعدة بعدها الغداء ثم العشاء
يطفوا النور حوالي الساعة 10 ليلا
بعد اكتمال الصفوف وتجنيد الدفعة مثلنا دفعة سبتمبر 2015 يبدأ العمل الجاد المرحلة الأولى من التكوين أي 45 يوم الأولى فيما يخص التدريب 15 يوم الأولى مزيرة شوية لكن التدريب عادي جدا و أي واحد يتحملوا
أحسن مدرسة في الجزائر من كل الجوانب... نظافة - إقامة-أمن إلخ
الميطاسون غير للبحر يعني سكيكدا . جيجل .مسغانم واغلبها ارزيو وهران .....)
اخواني هدا تقريبا ملخص ما وجدته انا مثلكم مستدعى يوم 15/09/2015 انشاء الله يطلقونا اعفاء

[mavii69]

ان شاء الله يكون فيها خير انا رسلوني لتمنفوست 15-09-2015
ماستر تربية بدنية 24 سنة

[bechi]

المشاركة الأصلية كتبت بواسطة mavii69

ان شاء الله يكون فيها خير انا رسلوني لتمنفوست 15-09-2015
ماستر تربية بدنية 24 سنة

ان شاء الله كيفك ماستر ري 27 سنة يوم الذهاب الخميس 17/09/2015

[mavii69]

المشاركة الأصلية كتبت بواسطة bechi

ان شاء الله كيفك ماستر ري 27 سنة يوم الذهاب الخميس 17/09/2015

انا نروح 19 ان شاء الله

[bechi]

المشاركة الأصلية كتبت بواسطة mavii69

انا نروح 19 ان شاء الله

ان شاء الله

[benkacrm]

mm ana f 20 nel7agkom nchalah rabi ysahel

[mavii69]

وين راهم جماعة تمنفوست رانا 3 برك

[Dido cataloni]

انا 15/09/2015 تمنفوست تخصص لغة فرنسية

[mavii69]

المشاركة الأصلية كتبت بواسطة dido cataloni

انا 15/09/2015 تمنفوست تخصص لغة فرنسية

رانا 4 كل واحد يقولنا وقتاه راح يروح

[bechi]

المشاركة الأصلية كتبت بواسطة mavii69

رانا 4 كل واحد يقولنا وقتاه راح يروح

يوم 17 /09/2015

[منصوري مصطفى]

أنا نروح 19

[mavii69]

خوتي كاش جديد

[bechi]

المشاركة الأصلية كتبت بواسطة mavii69

خوتي كاش جديد

مكان والو ربي يجيب الخير انا 17 ان شاء الله

[mavii69]

المشاركة الأصلية كتبت بواسطة bechi

مكان والو ربي يجيب الخير انا 17 ان شاء الله

انا 20 ان شاء الله ممكن نحكو في الفايس Màjid Mavii Toumi

[antonio dragon]

لي وصلوالاستدعاء ومايروحش للثكنة واش ممكن يصرالو مع العلم انه الاستدعاء الاول