أريد طريقة لطبخ الجلبانة

[loubna87]

السلام عليكم . أريد طلب منكن طبق لذيذ نديرو لو الجلبانة . و شكرا

[فايزة1207]

طريقتي
نفور الجلبانة
نوجد مرق ابيض خاثر
نقلي بطاطا
نوجد بلا نحط فيه الجلبانة والبطاطا ونخلط المرق مع البيض ونفرغ عليه وندخله الفرن
راح يفيدوك الاخوات باطباق اخرى

[ام رضوان]

بسم الله الرحمان الرحيم

اناعندى طريقتين انشاء الله يعجبوك

الاولى:ناخذ طرف دجاج من الاحسن من الصدر ونتبلوه ملح فلفل اسود شوية زنجبيل طرف زبدة كمية من الثوم ونقليوه مليح على نار هادئة وبعدها اضيف الجلبانة والقرنون يتقلاو من بعد نمرق بحوالي نصف لتر ماء يعنى قيس ما تتغطى ونقفل الكوكوت كي تنضج ننزع القرنون اللى في المرقة واللى كنت لوحتو مجمول بعد ما حكيتلو الليمون
ننزعو ونعمرو فرماج تاع الميزان ونفرغ الجلبانة فى مول الكوشة ونستف فوقها القرنون ونرابي شوية فرماج وندخلها الكوشة نشعل غير من الفوق قيس مايحمار الفرماجالفرماج
نسيت نقولك الجاج كى يطيب فتيه في الجلبانة وزينى بالدبشة من فوق.
جربيها والله جي هايلة

[salssabil_2011]

بارك الله فيك
سبحان الله والحمد لله ولا اله الا الله والله اكبر

[nina1616]

نحب الجلبانة بزاف في الحقيقة
الوصفة.... نضع في طنجرة كمشة ثوم وشوية بصل وراس الحانوت و عكري حار وزيت و ملح ونقلي من بعد نمرق تحبي تزيدي 1 زرودية مقطعة معاهم يتقلاو ويتمرقو بالماء وحبة جومبو جاج و 1مك طماطم من بعد طيبيها عل اساس تخرجلك مرقة تقيلة شوية من بعد مكسيها بالميكسور وزيديلها 1بيض وخبز يابس مرحي وعدنوس مقطع وحبات زيتون اخضر وخلطيها حتان تولي علة شكل عجين وحطيها في بلا مدهون بالزيت وشبحيها بالزيتون الاسود وطيب عل شكل كيكة تاكل مع الشربة في مكان البوراك وحتا ولادك الي مايحبوش الجلبانة ما يفيقولهاش سلام اختي نشاء الله تجربيها انا نديرها دايما في رمضان كي نطيب جواز جلبانة ويقعدلي نديرو دايما باش ما نرميهش يجي هايل جربيه ورديلي خبر

[zahrabatna]

thanksssssssssssssssss

[Nami31]

المقآدير :
بالنسبة للمرق : صدر دجاج + ملح + كمون + كركم + ثوم + زيت + الجلبانة + المآء
نطيبوهم كامل مع بعضاهم حتى نتحصلوا على مرقة عاقدة
ثم ننزع صدر الدجاج ونفتتوا و نقلي البطاطا مكعبات صغيرة ثم نخلط الجلبانة والدجاج المفتت والبطاطا المكعبات مع الزيتون المقطع والفرمآج مكعبات صغيرة + المرق
ثم نضرب نضرب البيض ونضيفلوا شوية ملح وفلفل اكحل ونخلطوا معاهم ونحط الخليط في بلا
نخلي شوي بيض ونسكبها من فوق باه تحمآر ونديرلها شوي حشاوش

[bilalbooba]

طجين زيتون او كباب مممممممم

[loubna87]

شكرا ليكم كامل . و الله استفدت .