ديريه و ماتخافيش

[imanaz]

السلام عليكم
اليوم جبتلكم وصفة تاع الخفاف يخرج روعة. العجينة نوجدوها في اليل و نعجنوها غد من داك اليك الخطوات
في اليل نحط 2 كيلات فرينة + 1 كيلة سميد رطب + ماء طميه وحطيه في الثلاجة اليل كامل (بدون ملح)

في الصباح خرجيه من الثلاجة حوالي نصف ساعة باش يسخن و يجيك ساهل للعجين
ديريلو الملح وضيفي الماء تدريجيا و عجني مليح
دخليلو الخميرة (تكوني طلعتيها في ماء دافئ) تدريجيا حتى تتحصلي على عجينة تاع الخفاف (ماشي يابسة و ماشي سائلة بزاف)
خليها تخمر ثم حطي الزيت يسخن مليح او بداي قرصي العجينة تاعك من 05 الى 06 قرصات و قيليهم و عاودي قرصي و قلي حتى تكمليهم
كل قرصة تحليها شكل دائري بالزيت و تقليهافي زيت سخونة مليح .
ان شاء الله وفقت في الشرح و اللي ما فهمتش راني في الخدمة.
عذرا ما قدرتش نحط الصور ما عنديش كابل لازم نشري واحد.
نتمنى تجربوه و ترجعولي بالخبر و ادعولي شكرا.

[ام رشدى]

اممم باين يجي مليح انشاء الله تشري كابل وتمتعينا بوصفاتك ممكن تشرحيلي كيى نخليه يطلع ومبعد نطرح الصرصات كامل ونزيد انخليه يطلع ونطيبو والعجينة تكونماشي جارية بزاف باه نقدر نتحكم فيها من فضلك مزيد من الشرح

[imanaz]

المشاركة الأصلية كتبت بواسطة ام رشدى

اممم باين يجي مليح انشاء الله تشري كابل وتمتعينا بوصفاتك ممكن تشرحيلي كيى نخليه يطلع ومبعد نطرح الصرصات كامل ونزيد انخليه يطلع ونطيبو والعجينة تكونماشي جارية بزاف باه نقدر نتحكم فيها من فضلك مزيد من الشرح

أختي كي تقرصيه ما تخليهش ازيد يخمر . اقرصي 05 قرصات و قليهم ثم زيدي 05 وقليهو حتى تكملي باش تقدري تتحكمي فيهم برك
العجينة تكون شوية جارية على تاع المسمن.
ان شاء الله قدرت نوصلك المعلومة

[ام نوارة]

يعطيك الصحة انشاله نجربهم

[imanaz]

المشاركة الأصلية كتبت بواسطة ام نوارة

يعطيك الصحة انشاله نجربهم

اسلمك أختي شكرا على الرد

[oum hanin]

Du%dm hgz
يعطيك الصحة

[imanaz]

المشاركة الأصلية كتبت بواسطة oum hanin

Du%dm hgz
يعطيك الصحة

اسلمك ان شاء الله تجربيه و يعجبك

[اسمهان79]

يعطيك الصحة
وما تحرميناش من وصفاتك

[imanaz]

المشاركة الأصلية كتبت بواسطة اسمهان79

يعطيك الصحة
وما تحرميناش من وصفاتك

اسلمك ان شاء الله ما نحرمكومش من الوصفات شكرا على الرد هذا يشجعني على المزيد

[celia16]

يعطيك الصحة

[imanaz]

المشاركة الأصلية كتبت بواسطة celia16

يعطيك الصحة

شكرا و بارك الله فيك

[rahma2014]

يعطيك الصحة اختى باين مليح انت ما عندكش الكابل و انا عندي وما نعرفش نحمل الصور من بعد نبعثولك هههههه

[imanaz]

المشاركة الأصلية كتبت بواسطة rahma2014

يعطيك الصحة اختى باين مليح انت ما عندكش الكابل و انا عندي وما نعرفش نحمل الصور من بعد نبعثولك هههههه

وين راه الكابل من البارح و انا نستنى ههههه شكرا على الرد نتمنى تجربيه ة تدعيلي ان شاء الله.

[الأمنيات]

يعطيك الصحه اختي

[imanaz]

المشاركة الأصلية كتبت بواسطة الأمنيات

يعطيك الصحه اختي

اسلمك شكرا على الرد هذا يشجعني كثيرا