ساعدووووووووووووني

رزان حياة · 2014-10-09, 12:41

السلام عليكم.شريت ميكروهوند ماركة سامسونغ وراني نسخن الاكل في علب بلاستيكية .بغيتكم تقولولي فواش راكم تسخنو الاكل وهل نقدر نستعمل الاواني الزجاجية الي نطيب بيهم في الكوشة قصديplats نتاع الكوشه لانه عندي واحد بالغطاء وباغية نسخن فيه.ارجو المساعدة وشكرا مسبقا

ام حمزة22 · 2014-10-09, 13:13

سلام
اولا مبروك عليك الميكرواند
تقدري تسخي الاكل في اواني الاركوبال هي قابلة لسخونة
و حداري اختي تسخني الحبة نتاع البيض راهي خطييييييييييرة راهي تترتق الحبة نتاع البيض وديرلك كارثة لهلا يفدر

صدفات · 2014-10-09, 14:00

سلام يا أخت تقدري تسخني في أواني بيراكس كما أنك تقدري تسخني في علب بلاستيك خاصة بالميكروويف كي تقلبي العلبة تلقاي فيها مربع صغير يدل على ااميكروويفنصيحة إبتعدي على الأواني المعدنية.

lilii7179 · 2014-10-09, 15:36

اولا مبروك عليك , ثانيا كيما قالو الاخوات تقدري تستعملي الاواني الزجاجية بيراكس او اركوبال , اواني الفرن الزجاجية , و البلاستيك اللي يصلح للميكروايف, بالنسبة لاواني porcelaine او الخزف العادي ثاني تصلح لكن على شرط ما يكونش فيها نقش او ازهار ذهبية او فضية , اي حاجة معدنية او فيها كمية قليلة من المعدن راحا تفزدهولك.حذاري ايضا من ورق الالمنيوم انا مرة جيت نسخن حاجة و بقا طرف صغير نتاع الومنيوم لاصق فيها دارلي مشكل.

رزان حياة · 2014-10-09, 16:45

شكرا جزيلا.يقولو من الاحسن تغطي الاكل كي تسخنيه في الميكروهوند لهدا الشيء بغيت نستخدم اواني زجاجية نتاع الفرن نتمنى تزيدو تفيدوني اكثر

lilii7179 · 2014-10-10, 22:07

بالنسبة للغطاء صحيح انو من الافضل تغطي الاكل باش ما يتوسخلكش الميكرواوند نتاعك , كاين une cloche خاصة تغطي بيها الصحن متوفرة في الاسواق و اليك صورتها
https://www.up.djelfa.info/uploads/141297519604311.jpg

ام ندى 87 · 2014-12-07, 22:26

انا نضن تقدري تسخني فزجاج عادي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري