غسلت القش

[nibou]

السلام عليكم،حباباتي،راني غسلت قش خويا و ما تولهتش رحت غسلت معاه منشفة و الكارثة انو هاديك المنشفة طلقت التفش تاعها و لا ماعلاباليش كيفاه تسموه،المهم المادة اللي مصنوعة منها المنشفة هادوك الذرات طلقولي فالقش،ماش اللون لالا و إنما هادوك الذرات تاعها لصقو في كامل القش ومع ملابسو سوداء و لات تبان فيها لون المنشفة،و وليت جبت شيتة و شيتهم بيها باه يتنحى،صح نقص بصح ما تنحاش خلاص و درك راني حايرة كيفاه نديرلهم باه يروحو هاداك التفش اللي لاصق فيهم،ساعدنني ارجوكن

[ام ياسمين10]

هههه مرة صراتلى مع سروال خويا اسود والله محبت تروح درت كلش

[nibou]

هههه مرة صراتلى مع سروال خويا اسود والله محبت تروح درت كلش

يال الإحباط

[ام ايمان16]

اذاكانو الحبيبات خارجين جربي نحيهم بالجوتابل بالاك يتنحو ؟؟؟؟؟؟؟؟؟

[om malouka staifia]

مساء النور يا اختي ماتتحيريش ضرك نعطيلك الحل شوفي روحي لسبيرات اشري لانجات اريال او اي ماركة بصح لازم لانجات انتاع القش و عاودي حطيها مع القش اللي اتقاسلك بصح لازم في المشينة ضرك تشرب كامل هذاك الشيفون و يولي القش كيما كان اللون انتاعو

[سماح 88]

كارثة ما تخبري اخوك جربي كل الحلول الي تخطر على بالك هي مع تكرار الغسيل حتروح

[فانيسا]

واش هما لانجات اريال وكفاه الشكل تاعهم و الاستعمال ممكن الاخت لي قالت عليهم تفيدنا في هدا الموضوع

[امازيغية وفتخر]

اختي جربي خذي كمية من الجوارب الشفافة النسائية
حطيها مع بعض من ملابس اخوك وحطيها بالغسالة وغسلي الجوارب راح تمتص كل الزغب اللي انتشر بملابس
جربي وشوفي ان شاء الله تتوفقي
يعني اغسلي الملابس على دفعات وبكل مرة وكل دفعة حطي معاها الجوارب الشفافة

[nibou]

مساء النور يا اختي ماتتحيريش ضرك نعطيلك الحل شوفي روحي لسبيرات اشري لانجات اريال او اي ماركة بصح لازم لانجات انتاع القش و عاودي حطيها مع القش اللي اتقاسلك بصح لازم في المشينة ضرك تشرب كامل هذاك الشيفون و يولي القش كيما كان اللون انتاعو

شكرا ليك،أنا عمري ما سمعت بيهم،بصح راح نجربهم و نشوف

كارثة ما تخبري اخوك جربي كل الحلول الي تخطر على بالك هي مع تكرار الغسيل حتروح

و علاه ما نخبروش؟؟؟؟واش هادي جريمة!الله غالب،صرات صرات و زيد أنا نحوس على الحل ماش على خاطر راح نخبي عليه و إنما باه هكذا نستفادو و مانوقعوش فالأخطاء مرة هادي مرة اخرى كي نغسلو

اختي جربي خذي كمية من الجوارب الشفافة النسائية
حطيها مع بعض من ملابس اخوك وحطيها بالغسالة وغسلي الجوارب راح تمتص كل الزغب اللي انتشر بملابس
جربي وشوفي ان شاء الله تتوفقي
يعني اغسلي الملابس على دفعات وبكل مرة وكل دفعة حطي معاها الجوارب الشفافة

شكرا ليك اختي على الإجابة و لكن حبيت نسقسيك هل هي الشفافة اللي يلبسوها فالأعراس مع السواري و كذا و لا العادية اللي تجي خفيفة و نلبسوها

اذاكانو الحبيبات خارجين جربي نحيهم بالجوتابل بالاك يتنحو ؟؟؟؟؟؟؟؟؟

شكرا لك على الإجابة ولكن ماهومش خخارجين رام لاصقييين

[polyma]

كارثة ما تخبري اخوك جربي كل الحلول

[رحيق الايمان]

diri 3afset lanjete kima gatlek okhet ana sratli m3a gandoura tkila ta3 l3ras salftha w mana3ref wach sayhou 3liha w mashouha nedboulha ditha li lmzabi bah ydirli hal fi lplaca gali 3la lanjete jarbtha raw3a wzadni 3afsa ta3 demacion bi coton tige w thoki bih lplaca

[nibou]

المشاركة الأصلية كتبت بواسطة رحيق الايمان

diri 3afset lanjete kima gatlek okhet ana sratli m3a gandoura tkila ta3 l3ras salftha w mana3ref wach sayhou 3liha w mashouha nedboulha ditha li lmzabi bah ydirli hal fi lplaca gali 3la lanjete jarbtha raw3a wzadni 3afsa ta3 demacion bi coton tige w thoki bih lplaca

بارك الله فيك أختي و لكن حبيت نسقسيك مدام تقيلة مسحتيها برك بلانجات و لا كيفاه درتي؟و الديماكيون مايزيدش يطليها يعني؟؟؟؟!!!!!و شكرا لك

[عطر الجوري]

يتنحاو بالصكوتش او الشريط الاصق كيما نضفو لي مونطو. في الشتا كي يتحبحبو تحكمي صكوتش الجيهة الي تلصق وتدوريه تتجولي علي القش وحدة وحدة

[nibou]

المشاركة الأصلية كتبت بواسطة عطر الجوري

يتنحاو بالصكوتش او الشريط الاصق كيما نضفو لي مونطو. في الشتا كي يتحبحبو تحكمي صكوتش الجيهة الي تلصق وتدوريه تتجولي علي القش وحدة وحدة

مممممم هادي فكرة جديدة ما نعرفهاش،كيفاه ندور السكوتش عليهم كامل؟ و لا كيفاه

[امونة الشاوية]

اظن مع تكرار الغسيل تروح
وتاني جربي الحلول اللي قالوللك البنات
بالتوفيق