|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
|
|
2014-08-07, 11:58
|
رقم المشاركة : 1 | ||||
|
باترون صالون الحركاتية
لكل من طلبت مني باترون الصالون تاعي الي حطيتها هنا :
https://www.djelfa.info/vb/showthread.php?t=1639033 إليكن الطريقة نتمنى أني نكون وفقت في تلبية طلبكن لأني أول مرة نصنع باترون بالرسم على الورق نبدأ بالريدو : هذا شكل الكاش بالقياسات الي اعتمدتها  اللوحة تاع الكاش عندي مقياسها 180سم وهنا تلاحظو درت 210سم والسبب أنه لازم الكاش يدور على جوانب اللوحة حتى يتماسك ويعطي الشكل وهنا 200سم تكفي أما علاش درت 210سم لأنه الكاش داخلو صفيحة بونج ولما تطرحيها تتجبد وبالتالي ينقص طوله . ـ لازم نقص 3 قطع : واحدة للوجه الخارجي قماش بلون غامق . ـ واحدة من صفيحة الإسفنج ( بونج ) ولأنه الصفيحة ناقصة طول على القماش يعني ماتلقايهاش 210سم أنا هنا لصقت بالإبرة طرف من صفيحة أخرى . وممكن نستعملو اللوات كبديل للبونج . ـ واحدة للوجه الخلفي أو : لادوبلور حطيت الأوجه الثلاثة على بعض وهزيت الحواف بالإبرة باليد حتى نضبط الشكل وبعدها مررته على المشينة . وحتى نتحصل على الشكل المطروح استعملت رسم على الوجه الخارجي خطوط مستقيمة أفقية تبعد عن بعضها ب 6سم والمائلة 7سم و مررت عليهم الخياطة بالمشينة وكل واحدة وكيفاش تحب تجيها المقروطة .نتمنى تكون الطريقة هنا واضحة :  من القماش الفاتح نقص هذين الشكلين وراني حطيت القياسات المفترضة لأني أنا نقصت لأنه قماشي كان قليل وبدل الطولين 110سم درت 90سم  ومع التعديل حسب النموذج الآتي ممكن نضطر لقص بعض الزوائد ـ مع ملاحظة أنه النموذج يوضح طريقة عمل المقروطات على القماش : وهنا اضطررت لتثبيته على الباب والبلاكار باش نقدر نشكلهم ونبليسيهم ههههههههه وزيد لاحظوا أنه في الأعلى ماكانش لابوند الي تجمع كل الوحدات المستعملة ولازمها تكون .  بالنسبة للكرافات هذا باترون تاعها وطريقة التجميع نطوي للوسط ثم للخلف :  وهنا المكان الي تثبت فيه :   ـ الصورة هذه توضح لابوند علوها حوالي 7 سم مهمتها تجمع الوحدات وتثبت الكاش على اللوح الخشبي :  وهنا لي باغل الي استعملتهم في الكاش وسط كل مقروطة ومانشدوش الخيط مليح باش تبقى المقروطة منتفخة وماتنكمشش .  وانتهت مراحل تفصيل الريدو
|
||||
|
|
2014-08-07, 11:59
|
رقم المشاركة : 2 | |||
|
الآن لي كودوار :
نقطع مستطيل حسب طول وعرض الكودوار ونزيد حوالي 4سم للطول نحتاجهم لخياطة السانسور . ونقطع أشكال الأوجه الأمامية والخلفية للكودوار . أثناء الخياطة نبداو بالوسط باش المساحة الي تبقى في الأسفل تكون متساوية ونثبت فيها السانسور ولازمنا السانسور يكون طويل . الحاشية تكون في الوسط بين القماشين وممكن نستعملو كوردون خشين .  ـ أخيرا لي جوتي : نقطع 4 مربعات متساوية حسب القياس الي يكفي للجوتي الي نغلفها ، من كل لون نقطع مربعين ونخيطهم كما الشكل :   البوطو الي في الوسط الصور توضح طريقة التغليف :   الزوائد من القماش نقصها بعد مانجمعها مليح بالخيط . والتثبيت على الجوتي يكون باستعمال الإبرة تاع الطريح الكبيرة نسميوها المسلة والخيط لازم خيط خشين باش مايتقطعش . وهذا شكلها النهائي :  نتمنى تكون الصور والشروح واضحة وأي استفسار راني هنا . |
|||
|
|
|
2014-08-07, 14:14
|
رقم المشاركة : 4 | |||
|
بارك الله فيك |
|||
|
|
|
2014-08-07, 18:29
|
رقم المشاركة : 7 | ||||
|
اقتباس:
وفيك بارك الله
الله يسلمك أختي المقروطات شكلتهم بالرسم أولا ثم مشيت عليهم الخياطة بالمشينة ممكن هذا واش مافهمتيهش نعم أو : لا؟ خبريني |
||||
|
|
|
2014-08-07, 14:54
|
رقم المشاركة : 10 | |||
|
الله يكملك في الدنيا والاخرة وبارك الله فيك تحفة |
|||
|
|
|
2014-08-08, 05:58
|
رقم المشاركة : 12 | |||
|
السلام عليكم يعطيك الصحة جاك هايل |
|||
|
|
|
2014-08-10, 09:34
|
رقم المشاركة : 14 | |||
|
اختي بارك الله فيكي وجازاكي الجنة والله جا في وقتو |
|||
|
|
|
2014-08-11, 14:00
|
رقم المشاركة : 15 | ||||
|
اقتباس:
اللهم آمين وإياك يا رب
وفيك بارك الله وسدد خطاك مليح أنك درتي ستاج في الخياطة معناه احنا الي نستفادو منك لأنه الموهبة وحدها ماتكفيش لازم القواعد وأصول الخياطة بالنسبة للكاش فصلت القماش الداخلي والخارجي والبونج بنفس الشكل البونج يجي في الوسط كما نطرحو البسايط تاع البونج ولما ثبتت القطع الثلاثة بالخياطة على الحواف باش تشدلي الشكل ومايتكمشش القماش أو يتعوج ، استعملت طبشور ومسطرة لرسم الخطوط الأفقية والمائلة باش نطرح الكاش ومشيت عليهم الخياطة بالمشينة . مانعرف ولا قدرت نوصلك الفكرة ولا لا الكودوار شريتهم واجدين أنا فصلتلهم القماش فقط شريتهم من عند ممول المحلات الي تصنع الفراش لأنهم ماتلقايهمش كل يوم يتباعو وممكن تجيبيهم سوركوموند من عند الي يخدمو الفراش . كاين منهم أنواع الي صفيحة رقيقة بونج ومحشية بالبونج مفتت يسموها الديشي ولا هذا النوع الي أنا استعملتو وهو أفضل يكون بونج ساك كما المطارح وهو ثاني أنواع شكل هرمي كما الي استعملته أو دائري أو بيضوي بصح ماشي عالي كما هذا . كنت منذ عامين خدمت فراش للصالون و شكل الكودوار مستطيل خدمتهم في الدار استعملت صفيحة بونج قيس مخدة صغيرة وغلقتها من ثلاث جوانب وعمرتها بالصوف وغلقتها ودرتلها حشو وغلفتها وكل زوج ربطهم مع بعض بوردات من القماش تاع الفراش . لي كوفار تاع المطارح شريتهم واجدين بصح الطريقة سهلة : خذي قماش بمقاس المطرح تاعك زيديلو حوالي 40سم باش لما تخيطي وتحكمي بلاستيك تتغطالك الجوانب ، تجي للشوكة تاع المطرح وتطوي قماشك بشكل مثلث ترجعيه للداخل أو تقطعيه وتخيطي باش تشكلي جزء الارتفاع تاع المطرح وعلى الجوانب تخيطي لاستيك . نتمنى نكون قدرت نوضحلك وأي سؤال راني هنا وإن شاء الله يخرجلك خير من تاعي |
||||
|
|
|
| الكلمات الدلالية (Tags) |
| الحركاتية, باترون, صالون |
| أدوات الموضوع | |
| انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
باترون صالون الحركاتية
العرض المتطور
