عارضة ضياف ، واش رايحة تحطيلهم ؟؟!!!!!!

سامو حنان · 2013-05-20, 11:14

السلام عليكم. ،، حبيت نحط هذا الموضوع باش ناخذو فكرة عن كل بيت جزائري و عن كل منطقة في بلادنا
نتعرفو على أطباق جديدة او حتى تقليدية بطريقة هذيك المنطقة

اذا راكي عارضة ناس ،، انحطو واش رايحيين انقدمو من :

- طبق رئيسي
- طبق ثانوي
- اكلة حارة
- أكلة باردة
- مقبلات
-سلطة
و كل واحدة واش تحب تقدم إضافة ،،

يلا وريولنا شطارتكم ودهائكم. ،،، يلا بنات الجزائر

حدة الجزائرية · 2013-05-20, 16:13

انا اخي قريب يتزوج و راني نخمم نعرضو عرضة بالطبع انشاء الله نخدم الاطباق و نتفنن و باذن الله نحط كل الصور سلااااام

zahra30 · 2013-05-20, 16:32

انا راني كرهت من الكوزيينة مع السخانة اللي رانا فيها الكليماتيزور يمشي في الليل وفي النهار واذا زادو الضياف نمدلهم الدراهم ونقولهم روحو تشريو كاسكروطات هههههه ...راني نتمسخر فكرة مليحة ولي عودة للموضوع ان شاء الله

ام مريم اسراء · 2013-05-20, 16:34

موضوع مميز الله يبارك نولي نصورلك الاطباق نتاع العرضات و نحطهم هنا ارجو انو البنات يتفاعلو

hanane220 · 2013-05-20, 16:52

موضوع رائع و فكرة رائعة

mery19 · 2013-05-20, 20:33

بالعادة اختي نحب ندير اكلات عصرية ولكن العرضة نديرها على حسب الاشخاص لعرضتهم نشوف وش يحب وندير مثلا اخوتي يحبو شورما ولا بتزا محاجب شواء واهل زجي يفضلون اكلات تقليدية مثل البربوشة الكسكس او شخشوخة
وماشبه ذالك

سامو حنان · 2013-05-20, 22:53

نبدأ انا الأولى و مشي بالضرورة يكونو تصاور ،، انا في العرضة اديالي .. أندير شوربة فريك ،، مع البوراك نزيد غراتان بطاطا بالجاج ، نزيد سليطة او حميس ،، عجبني اسكالوب تاع ام رامي تاني نديرو ،، سلاطة بكل أنواعها ،، المشروبات مطلوع و خبز عادي ،،،، أظن هذي أطباق عرضة واحدة ،، و في السهرة نحط لاتاي مع حلوة معسلة .، مكسرات حلوة الترك ،،

أظن فيها باركة

و مرة جاية نعطي لكم أطباق عرضة اخرى ،، هكذا باش ندو فكرة

هيا طباخات بلادي كل وحدة و افكارها ،،، لي عودة ،، سلاااام

dr.omahmed · 2013-05-21, 05:54

فكرة مليحة شكرا

ريماس منة الرحمان · 2013-05-21, 12:13

السلام عليكم هذا موضوع مليح أنا عندما عرض زوجي صاحبو سوري والعائلة نتاعو درتلهم جاري فريك وبوراك وشخشوخة قسنطينية وكفتة محشية بالفرماج وطاجين الشباح الصفار حميص وجاجة محمرة حشيتها بالروز وفورت معاها خضرا وكسرة رخسيس وسلاطة ماسيدوان حطيتها في نص القرنون ومعاها سلاطة ريش وles curdentsتاع الفرماج والزيتون والكاشير وبعد العشاء درتلهم آلتاي والمكسرات وحلوة الترك وla creme patissiere زينتها بالفواكه ولاكرام شانتيي وشراب الكراميل بصح دهشتهم في كل مرة تقولي السورية علميني كيفاش يتخدمو بصح الله غالب ماكفانيش الوقت باش نصورهم

سامو حنان · 2013-05-22, 15:34

ماشاء الله عليكم اختي ريماس هذا كامل و ماعرضتيناش

سامو حنان · 2013-05-22, 15:35

هيا طباخاتنا تفاعل موضوع شيق

الورود المنسية · 2013-05-30, 13:07

موضوع مميز الله يبارك نولي نصورلك الاطباق نتاع العرضات و نحطهم هنا ارجو انو البنات يتفاعلو

سامو حنان · 2013-05-30, 13:43

اقتباس:

المشاركة الأصلية كتبت بواسطة الورود المنسية

موضوع مميز الله يبارك نولي نصورلك الاطباق نتاع العرضات و نحطهم هنا ارجو انو البنات يتفاعلو

الله يبارك فيك اختي ،، ارجوا التفاعل من كل سيداتنا اللي عندها عرضة تحطلنا الصور او تسميلنا الأطباق
راني نستنى من كل فحلة توريلنا واش عملت

rabai insaf · 2013-05-30, 13:25

اريد ان اتكلم مع الورود المنسية لو سمحتي

بشرى2008 · 2013-05-30, 14:06

المرة اللي فاتت درت شربة فريك + مثوم مع أطراف الدجاج يجي بنييييييييييييييييييييييييييييييييين + سلاطة وفاكهة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري