غدا سأقوم باحتجاج أمام وكالة التشغيل guelma

[الديك الأسطوري2]

يا خاوتي راني كرهت من الوعود بالإحتجاجات في اليوم كذا وبعدها ما يكون والو
أنا غدا أي يوم 02/04/2013 سأقوم باحتجاج وحدي أمام وكالة التشغيل لولاية قالمة
والذي يريد دعمي فهو مدعو ومن لا يريد دعمي فليفهم بأنه لا يوجد أخذ الحق ببساطة وإنما بالإحتجاج
الحمد لله كانت رئيسة التنسيقية للعقود مليكة فليل تضرب على حقها وحق غيرها لكن ماذا كان بالمقابل ؟؟؟؟؟
أعطوها منصب عمل قار هي ومن كان معها الذين كانو يثيرون الفوضى والبلبلة في نظر مسؤولي هذه البلاد فأسكتوهم
لها كل الإحترام الأخت فليل وكل من كان معها لأنهم ضحو بأنفسهم من خلال التجمعات وما إنجر عنها من اعتقالهم واطلاق سراحه العديد من المرات واليوم واين راحت هي وجماعتها لأني أكثر من شهرين لم أرى حسهم في المنتدى
المهم خيار الهدرة كيما نقولو حنا في قالمة
أنا وأعوذ بالله من كلمة أنا غدا سأحتج بنفسي مع العلم أن معظم عمال الوكالة أعرفهم أشد المعرفة
فمنهم من هو زميل الجامعة وغيره من هو جاري وحتى من العائلة
لكن أنا سأقوم باحتجاج غدا الموافق لتاريخ 02 / 04 / 2013

[nenni]

ربي معاك اخي انشاء الله جيبو حقكم كامل

[sabrac]

شوف كاش جماعة تاني تعرفهم راهم بزاف ماشي شوية نتا وكان على الاقل تجيب 5معك يكون احسن وزيدو كررو الاحتجاج حتى ينضمو ليكم مجموعة اخرى وربي يسهلك راك تطلب حقك فقط

[yacine-08]

لا تحرق راسك

[amine eco]

قرار شجاع والله بارك الله فيك يا اخيي الله يكثر من مثالك

[amel alg]

احييك على هكذا قرار..

[اصيل الشرق]

ناس قالمة رجال اخي الله يرحم الموسطاش سيدهم

[amel alg]

ماتنساش تحكينا واش صرا..

[ما فهمت والو]

يعطيك الصحة خويا العزيز والله الناس اللي كيما انت قلال في قالمة انا تاني كرهت من العراك معاهم مي نقولك ناس قالمة ما تعولش عليهم ادا تحب تحتج احتج وحدك وعلى روحك لانهم ما يستاهلوش حاشا اللي ما يستاهلش مش كامل شوف غير هنا برك التعليقات وحدة قالت لك ما تنساش تحكيلنا على واش يصرا كي شغل راك راح تتفرج فيلم
والله العظيم و كنت في قالمة نجي معاك و نحتجو بالفعل مش بالقول برك لكن الله غالب مارانيش في قالمة اليوم

[amel alg]

المشاركة الأصلية كتبت بواسطة ما فهمت والو

يعطيك الصحة خويا العزيز والله الناس اللي كيما انت قلال في قالمة انا تاني كرهت من العراك معاهم مي نقولك ناس قالمة ما تعولش عليهم ادا تحب تحتج احتج وحدك وعلى روحك لانهم ما يستاهلوش حاشا اللي ما يستاهلش مش كامل شوف غير هنا برك التعليقات وحدة قالت لك ما تنساش تحكيلنا على واش يصرا كي شغل راك راح تتفرج فيلم
والله العظيم و كنت في قالمة نجي معاك و نحتجو بالفعل مش بالقول برك لكن الله غالب مارانيش في قالمة اليوم

اولا انا بجد رايتها شجاعة منه وانا احيي كل من يتخذ هكذا خطوة حتى لو كان يدرك مسبقا انها لا تسمن ولا تغني من جوع..ثانيا يجب ان تعرف ان هناك نوعين من الناس او الشخصيات قائد وقطيع وحسب تعليقك يمكنني ان اعرف مكانك الذي تفضله ..

[الديك الأسطوري2]

الحمد لله اليوم رحت للوكالة واحتجيت
بعدها جاوني الشرطة قالولي ممنوع الاحتجاج وكون تحب تحتج انزع اللافتة المكتوب عليها أنا محتج
قلتلهم يقيسني واحد نخرج للطريق ونرمي روحي على الحافلات اللي يطلعو منثما
والحمد لله اللي كان في بالي درتو وإنشاء الله سأجد من صورني لكي أدعم موضوعي بالصور

[amel alg]

المشاركة الأصلية كتبت بواسطة الديك الأسطوري2

الحمد لله اليوم رحت للوكالة واحتجيت
بعدها جاوني الشرطة قالولي ممنوع الاحتجاج وكون تحب تحتج انزع اللافتة المكتوب عليها أنا محتج
قلتلهم يقيسني واحد نخرج للطريق ونرمي روحي على الحافلات اللي يطلعو منثما
والحمد لله اللي كان في بالي درتو وإنشاء الله سأجد من صورني لكي أدعم موضوعي بالصور

قلت وفعلت..احييك

[صقر الشرق]

يد وحدة ماتصفقش دجي غير فيك.........لا بد من التكتل.