|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
|
2013-02-11, 00:08 | رقم المشاركة : 1 | ||||
|
الزيراوي من مطبخييييييييييي
اللهم صل على سيدنا محمد صلاة ترضيك وترضيه وترضى بها عنا يا رب العالمين وعلى اله وصحبه اجمعين والتابعين باحسان الى يوم الدين: حبيت نحط اليوم كيما وعدتكم يا بنات في الموضوع اللي فات الزيراوي ونعتذر بزااااااااااف على التاخير اعذروني ظروف والله الزيراوي طبق عرييييييييييييق في منطقتنا وتقريبا يقدم في كل الافراح ربي يجعل ايامكم وايامنا كلها فرحة وبخاصة للزيادة وخصوصا خصوصا للنفساء لانه يعتبر طبق ذو قيمة عالية جدا لانه يحوي التمر والدهان اللي هو الزبدة الحرة وكذلك نسا زمان كانو يستخدمو الدقيق الكامل للقمح الاسمر يعني اكيييييد منكم اللي يعرفوه لكن حبيت نحطه للي ماتعرفش طريقة تحضيره او اللي ماتعرفش اصلا هاذ النوع من الاطباق التقليدية عندنا نشوفوه مع بعض نبدا بالكسرة الرخسيس مع الزيت وشوية ملح مقدار ملعقة صغيرة وكيف كيف سكر وكيف كيف خميرة خبز نخلطهم باليد مع بعض بعدها نلوحو الماء بالشوية حتى نتحصلو على عجينة لا يابسة ولا طرية بزاف نشكّلها كرة نقرصوها ونثقبوها ونكونو مسخنين الطاجين نحطوها تطيب على الجانبين حتى للنضج التام لحد هنا هاذي هي وصفة الرخسيس المبسس العادي نشوفو مع بعض البقية في المشاركة الجاية ان شاء الرحمن رفع الصور في المنتدى عذااااااااااااااااااااااب
|
||||
2013-02-11, 00:09 | رقم المشاركة : 2 | |||
|
وهي سخونة نفوتوها في غربال الزرع
يعني الغربال اللي عينه عندها اكبر فتحة لتسهيل العملية نتحصلو على هاذ الجزيئات مليحة جزيئات ماعليش فوتو ختكم سبيسياليتي شيمي ونحضرو التمر ننحّولو النوا ونرحوه في الالة المخصصة ونحطو مقدار منه مع شوية زبدة من الاحسن طبعا زبدة البقر الطبيعية والا فالعادية تفي بالغرض نحطوهم في كاسرولة على نار هادية ونحركو بالشوية حتى نلاحظو تجانس الخليط ومبعد نضيفو فتات الكسرة بالشوية مع الخلط نخلط بسرعة حتى نمنع تكتلات في الزيراوي ونتحصلو على خليط رملي رااااااااااااائع كما في الصورة لو تحصلتي على تكتلات ممكن تفوتيه مرة اخرى في الغربال ونضيفو شوية ماء الزهر مع شوية زبيب للنكهة وعند التقديم نحطوه على البخار يسخن يوضع في صحن التقديم ونزينوه بالجوز وسكر بودرة ممممممممممممممممم وطبعا مايتحطش بلا كاس الحليب او اللبن الباااااارد والله يا بنات ماكلة زمان ماكانش كيفها ولادنا في هاذ الجيل اكلهم يتعاااارض مع الاكل الصحي ربي يقدرنا نكبروهم كما يحب ويرضى المهم ان شاء الله يعجبكم موضوعي المتواضع والى موضوع اخر ان شاء الرحمن ماتنسوش ام انيس من صالح دعائكم |
|||
2013-02-11, 00:10 | رقم المشاركة : 3 | |||
|
بناااااااااااااااااات
هل وجودي في الموضوع وحدي يعني انه: واحد لا هو سهران في المنتدى الا انا او أن الموضوع مش مستاهل وسطحي او أنه بعد ساعات من رفع الصور سيبقى هاذ الموضوع وحيدا اختر واحدا من ثلاث |
|||
2013-02-11, 01:04 | رقم المشاركة : 4 | |||
|
ماعليش يكفيني اللي يدخل يصلي على رسولنا المختار
اللهم صل وسلم وبارك على نبينا محمد وعلى اله وصحبه اجمعين اللهم انا نسالك حير مافي هذه الليلة فتحها ونصرها ونورها وبركتها وهداها تصبحووووووووووون على خير |
|||
2013-02-11, 02:01 | رقم المشاركة : 5 | |||
|
اللهم صل وسلم وبارك على نبينا محمد وعلى اله وصحبه اجمعين |
|||
2013-02-11, 08:05 | رقم المشاركة : 6 | ||||
|
اقتباس:
مرحبا بيك اختي عندنا ربي يتمملك بخير ويهنيك
جربيه اكيد راح يعجبهم وتغيبيهالهم |
||||
2013-02-11, 07:31 | رقم المشاركة : 7 | |||
|
هايلة يعطيك الف صحة |
|||
2013-02-11, 08:06 | رقم المشاركة : 8 | ||||
|
اقتباس:
ربي يبارك فيك اختي
حتى احنا نديرو هاذيك نسموها طمينة او بسيسة نديروها خاصة كي نشريو حاجة جديدة للدار جربي هاذي و ان شاء الله راح تعجبك |
||||
2013-06-15, 12:14 | رقم المشاركة : 9 | |||
|
اللهم صل وسلم وبارك على نبينا محمد وعلى اله وصحبه اجمعين
شكراااااااااا ألف شكر |
|||
2013-02-19, 09:00 | رقم المشاركة : 10 | |||
|
يعطيك الصحة حرة بنت حرة... كنت ناكلو عند صحاباتي باتنيات من تكوت نموووووت عليه و ضاعتلي الوصفة تاعو |
|||
2013-02-11, 08:11 | رقم المشاركة : 11 | |||
|
تبان بنينة |
|||
2013-02-11, 08:20 | رقم المشاركة : 12 | ||||
|
اقتباس:
زيراوي الشخشوخة حتى هذاك ذقته اختي ماعندي مانقول فيه روعة صح
لكن حتى هاذي بنينة جربيها وان شاء الله تعجبك |
||||
2013-02-11, 08:36 | رقم المشاركة : 13 | |||
|
اللهم صلي على محمد |
|||
2013-02-11, 08:46 | رقم المشاركة : 14 | |||
|
اللهم صلي علي الحبيب المصطفي بعدد من سجد لك وخضع رقبته اجلالا لك ولعظمتك |
|||
2013-02-18, 19:17 | رقم المشاركة : 15 | ||||
|
اقتباس:
هههههه لا والله ماهربت حبيبتي لكن عندي مشكلتين واحدة في الميكرو وواحدة فيا ماعدتش ندخل بزاف ادعيلي معاك بصلاح الحال ربي يخليك حبيبتي ويبارك فيك يارب |
||||
الكلمات الدلالية (Tags) |
الصحراوي |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc