|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
شوفو واش درت بالكرواسون المالح
|
أدوات الموضوع | انواع عرض الموضوع |
|
2013-02-05, 10:58 | رقم المشاركة : 1 | ||||
|
شوفو واش درت بالكرواسون المالح
السلام عليكن أخواتي ، كيما تعرفو راهو الثلج مغطيها هنا في سطيف ، كل المحلات مغلقة ، البارح ما لقيت واش ندير للغداء ، تفكرت الكرواسون المالح اللي درتو ، كنت احتفظت بيه في الكونجيلاتور ، قلت نحضر وصفة بيه كيما وعدتكم .
هذا رابط وصفة الكرواسون : https://www.djelfa.info/vb/showthread.php?t=1206332 أنا درت هذه المعجنات بعدة طرق ، كما قلت سابقا عندي العديد من الوصفات بالكرواسون المالح . الطريقة الأولى :المقادير : * حبات كرواسون حسب عدد الأفراد * جبن غرييار أو جبن أحمر أو شيدار مبشور ) حسب الذوق ، المهم يكون جبن اللي يذوب في الفرن ). * جبن أبيض ( اختياري ، ممكن ما تحطيش و لكن إضافته للوصفة تزيد في البنة ) * كاشير مرابي ( من الأحسن استعمال سلامي أو شاورما ، أنا كان عندي كاشر عادي استعملتو ) * مايونيز ( اختياري و يمكن الاستغناء عنه و إذا حطيتي حطي كمية قليييلة فقط باش ما تغطيش طعم المكونات الأخرى) وهذا رابط وصفتي للمايونيز ، راهو خفييف : https://www.djelfa.info/vb/showthread.php?t=1197567 الطريقة : 1- ممكن تحضري كمية من الكرواسون المالح و تحتفظي بيه في المجمد بعد ما يبرد مليح و لما تحبي تعملي هذي الوصفة تخرجي فقط الكمية اللي رايحة تستعملي راهو التجميد نتاعو يزول بسرعة ( حوالي 30-45دقيقة ) . تفتحي الحبات من الجانب و تنقصي شوية من اللب باش يدخل الحشو فيها و تدهنيها بالمايونيز أو بالجبن الأبيض ( أنا حطيتهم في زوج و لكن كمية المايونيز قلييييلة ) . 2- تحطي طبقة مليحة من الكاشير و أخرى من الغرييار . 3- أغلقي الحبة و أدهني السطح العلوي بالبيشاميل و رشي فوقها الغرييار و حاولي ترصي الغرييار مليح بيدك باش ما يطيرش. 4- نحط حبات الكرواسون في صينية و إلى الفرن المسخن مسبقا حوالي 10 دقائق ( لازم تتأكدي أن الجبن الموجود بداخل حبات الكرواسون ذاب ) . و هاهي بعد ما خرجت من الفرن و ذاب الجبن ، مقرمشة و لذيييييذة . هذه المعجنات تقدم مباشرة للأكل ، يعني لما يجتمع الأهراد حول الطاولة تحطيها في الفرن و في 10دقائق أو أقل راهي توجد . إذا طولت رايح الجبن يبرد و ما يبقاش ذايب . ميزة هذه الوصفة أنك ممكن توجديها بوقت و لما يجيوك الضياف مباشرة تسخنيها و تقدميها ساهلة و تحمر الوجه . الطريقة الثانية المقادير : * حبات كرواسون حسب عدد الأفراد * جبن غرييار أو جبن أحمر أو شيدار مرابي حسب الذوق ( المهم يكون جبن اللي يذوب في الفرن ). * جبن أبيض ( اختياري ، ممكن ما تحطيش و لكن إضافته للوصفة تزيد في البنة ) * زيتون مقطع شرائح ( اختياري ) * لحم مفروم * معدنوس ( اختياري ) * ملح و فلفل أسود * ثوم شرائح الطريقة : 1- تفتحي الحبات من الجانب و تنقصي شوية من اللب باش يدخل الحشو فيها و تدهنيها بالجبن الأبيض . 2- نقلي اللحم المفروم مع الملح و الفلفل الأسود و الثوم و نضيف معدنوس و زيتون أخضر شرائح . 3- نحط طبقة من خليط اللحم المفروم و نزيد فوقها كمية مليحة من الجبن المبشور . 4- ندهن الحبات بالبيشاميل و نرش بالجبن المبشور و إلى الفرن . الطريقة الثالثة :نفس الطريقة و لكن نعوض اللحم المفروم بالتونة أو السردين المعلب أو ممكن نقلي شوية كروفات بالزبدة و نحط شوية خيار مخلل أو كابر مكان الزيتون شرائح . الطريقة الرابعة :ممكن نحط من الداخل فقط شريحة من الجبن الأحمر أو جبن الغرييار و نزينها من فوق بالجبن المبشور و إلى الفرن . أنا تقريبا جربت هذي الوصفة بكل هذه الطرق و النتيجة روعة . أتمنى جربوها و تعجبكم
|
||||
2013-02-05, 11:08 | رقم المشاركة : 2 | |||
|
مممم باين بنين شكرا يعطيك الصحة |
|||
2013-02-05, 11:27 | رقم المشاركة : 3 | |||
|
الله يسلمك حنونة ، شكرا على المرور
|
|||
2013-02-05, 11:52 | رقم المشاركة : 4 | |||
|
واش أختي رايحة ديريلي الذبانة ثاني, يعطيك الصحة حبيبتي ويسلم يديك |
|||
2013-02-05, 12:34 | رقم المشاركة : 5 | |||
|
ههههه ، هذي ذبانة ساهلة ، راهي جي تهبببل ، جربي و شوفي . الذبانة راهي الدير غير للفحلات هههه
|
|||
2013-02-05, 12:15 | رقم المشاركة : 6 | |||
|
شكرا على هدا الابدااااااااااع |
|||
2013-02-05, 12:39 | رقم المشاركة : 7 | |||
|
العفو ، شكرا لك على المرور
|
|||
2013-02-05, 12:23 | رقم المشاركة : 8 | |||
|
شهيتيني و راني فالخدمة و راني ضايعة بالجوع |
|||
2013-02-05, 12:41 | رقم المشاركة : 9 | |||
|
إيه أسمحيلي ، تفضلي هزي حبة ، راهي بنييينة ، هذي الوصفة أختي لما نديرهم تديهم معاها للخدمة ة قبل الغداء ب، 10دقائق تحطهم في علبة فةق الشوفاج يوليو مقرمشين خير من ماكلة الفاست فوود
|
|||
2013-02-05, 12:43 | رقم المشاركة : 10 | |||
|
بنين شكرا يعطيك الصحة |
|||
2013-02-05, 12:47 | رقم المشاركة : 11 | |||
|
|
|||
2013-02-05, 16:42 | رقم المشاركة : 12 | |||
|
يعطيك الصحة |
|||
2013-02-06, 10:03 | رقم المشاركة : 13 | |||
|
|
|||
2013-02-06, 10:29 | رقم المشاركة : 14 | |||
|
يعطيك الصحة |
|||
2013-02-06, 11:06 | رقم المشاركة : 15 | |||
|
|
|||
الكلمات الدلالية (Tags) |
المالي, بالكرواسون, شوفو |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc