نصيحة صغيرة في ما يخص فرينة la belle

nousa 06 · 2013-01-20, 08:27

السلام عليكم يا الغاليات كيف الحال توحشتكم
اسمحولي على قلة مشاركاتي وقلة تفاعلي مع مواضيعكن المميزة بصح صدقوني راكم في البال دايما
المهم اليوم جبتلكم معلومة صغيرة على فرينة لا بال انا كنت الاكثرية نخدم بيها بصح راهم قالونا باللي راهي تنشف القاطو ومن الاحسن مانستعملوهاش في الحلويات الا اذا اضطرينا فقط وفي هاد الحالة لازم نزيدولها من 3الى 4 مغارف نشاء للكيلو الواحد
ومن الاحسن استعمال فرينة سيم
ومعلومة اخرى اذا كانت الفرينة اللي عندك ضاربها الهواء يعني ما هيش جديدة من الاحسن نضيفو للوصفة عصير حبة قارص في كل كيلو غرام لانو راح ينحيلها هاديك الرطوبة اللي فيها وراح تتحصلي على نتيجة مليحة باذن الله وان شاء الله تستفادو من هاد المعلومة

*أم كوثر* · 2013-01-20, 09:03

بارك الله فيك
مع اني لا استعمل غير فرينة لابال ومعندي معاها حتى مشكل

كوزينة هديل · 2013-01-20, 09:20

صح أختي كاينة منها أنا واحد نهار خدمة بها تشاراك وديما يخرجلي مليح هداك نهار خرجلي كارثة حتى أحد ما كلاه من هذاك نهار حلفت ما نزيد نخدم بها الأفضل هي فرين سيم

أم ماجد · 2013-01-20, 09:21

انا كذلك استعملها في جميع وصفاتي الحلوة اوالمالحة لم الاحظ بان القاطو ييبس

كريمة جزائرية · 2013-01-20, 10:02

بارك الله فيك مشكورة

لينا11 · 2013-01-20, 10:00

انا ننوع صراحة لهدا مالاحظتش
ولو انني شريتها مرتين ولقيت فيها دود ربي ستر

nousa 06 · 2013-01-20, 10:28

اشكركن كثير الشكر يا الغاليات على ردودكن وخصوصا معلمتنا ام كوثر لاني بصراحة نحب معلماتنا وخبيراتنا اللي في المنتدى يدخلو ويعقبو على مشاركاتنا نحن المبتدئات ويعطيولنا ارائهن وخلاصة تجاربهن
وحبيت نقولكم باللي هادي المعلومة راني جايبتها من اهل الخبرة والاختصاص ومدهالي بالذات شاف ذو خبرة عالية ربي يحفظو مع انني انا كنت نستعمل هاد الماركة ومالاحظت حتى فرق ولا ماجربتش نلاحظ المهم انا كيما وعدتكم اللي نعرفها نوضعهالكم وماشي شرط تخدمو بيها لان كل واحدة وخدمتها وكل واحدة وشطارتها وربي يحفظكم كامل وبارك الله فيكم

الملتزمة بالدين · 2013-01-20, 10:34

شكرا على المعلومة القيمة ولو أني نستعمل سيييييم

ساندي 28 · 2013-01-20, 10:57

شكرا على المعلومة القيمة انشاء الله نعتمدها لانو خدمت خطرا بيها ومعجبتنيش الحلوى نتاعها مشكورة غاليتي

عمرانو · 2013-01-20, 11:33

بالفعل كاين منها تنشف القاطو كم من مرة ان طيح فالبياج انتاعها

nounoudjs · 2013-01-20, 13:21

شكرا على المعلومة لكن انا شخصيا لم الاحظ دلك شكراااااااااا

أم ياسين الزهراء · 2013-01-20, 13:36

انا نخدم بفرينة الكوشة ياخي قاطوهم هايل ةبطلت نشري من عند الخبازين وشكرا

ام حنان · 2013-01-20, 14:04

rabi yahafdek ohktie 3la had alma3louma

faryal zahira · 2013-06-01, 12:41

انا نستعملها في الحلو و المالح مالحظتش هذ الملاحظة بانتلي هايلة في كل الاستعمالات

ام قصي · 2013-06-01, 13:40

شكرا على المعلومة انا نخدم بسفينة روعة وخاصة لعجينة البقلاوة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري