البسملة1
من بعد ما حطيت وصفة العسل صنع منزلي اليوم حبيت نوريلكم طريقة صنع الحليب المركز المحلى كيما معروف عند الجميع باسم النستلي ههههههههه راحت على شركة نستلي 
و الله يا اخواتي غير هو شكلا و مذاقا طبعا كيما عودتكم الطريقة بالخطوات المصورة هكدا باش نسهل على اخواتي الفهم و زيد كاين مبتدئات راهم يتعلمو ربي يوفقهم
المقادير ساهلة و متوفرة في كل بيت
-كأس حليب بودرة
-1/2 كأس سكر عادي
-3/4 كأس ماء مغلي يعني سخون بزاف
هنا هادو المقادير
خلطي الماء الساخن +السكربالمضرب اليدوي حتى يختفي تماما
زيدي الحليب و خلطي جيدا
ضعيها في الثلاجة ترتاح ليلة كاملة وفي الغد توجديه قد اصبح الحيب المركز كانه مشري استعمليه مباشرة فواش حبيتي
هنا هذا الحليب من بعد مابات ليلة في الثلاجة ....
فرغتو في بلارة زجاجية تاع مايونيز مغطاها حديد .... راكم معايا
إضغط هنا لرؤية الصورة بحجمها الطبيعي.
هنا حطيتها في الكوكوطة شوفو الماء من الحنفية واصل وين راه صبعي و إذاخفوتنشف زيدو شوية
إضغط هنا لرؤية الصورة بحجمها الطبيعي.
سكرو على الكوكوطة مليح و ديرو الصفارة و شعلو النار و غير تبدأ تصفر نقصولها النار أو ديرو كيما أنا بدلتها للنار متوسطة
إضغط هنا لرؤية الصورة بحجمها الطبيعي.
و خلوها حوالي 35 دقيقة إلى ساعة
إضغط هنا لرؤية الصورة بحجمها الطبيعي.
ممبعد خرجت الكوكوطة تتنفس برا باش ماتصفارليش الكوزينة من البخارههههههه
إضغط هنا لرؤية الصورة بحجمها الطبيعي.
ثم كي تخرج البخار نهائيا حليتها و لبست قفاز المطبخ و نحيت البلارة و حطيتها فوق صحن ولي تخاف على روحها تخاليها تبرد في الكوكوطة براحتها حذاري حذاري حذاري راهي سخونة بزاف
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
خليها تبرد في غرضها و هي مسكرة .. أنا رحت قيلت و كي نضت لقيتها بردت
أكرر حذاري تفتحيها وهي سخونة راهي إلهام مسكينة تحرقت كي فتحتها
إضغط هنا لرؤية الصورة بحجمها الطبيعي.
كي تبرد تماما أفتحيها رايحا تلقايها على شكل فلون مكتل .... فرغيه في صحن و خلطيه بالمضرب اليدوي حتى يولي ناعم و إستعمليه عادي كيما المشري .... فقط كي تحطيه في الثلاجة راح يتماسك أكثر
إضغط هنا لرؤية الصورة بحجمها الطبيعي.
هنا بدا يبرد شوفو
و هنا كي دخلتو الثلاجة و برد ملييييييييح مممممم
واش قلتوا ماشي خير ماتشروه باهض الثمن و هو مافيه والووووو
انا جامي نشريه بصح عاهدوني واحد ما يبيع بيا و يقول لشركة نسلي اني اكتشفت الخلطة السرية نتاعهم
ملاحظة :لاتنسوني اخواتي بدعوة خير لعائلتي و لوالديا و لكم بالمثل ان شاء الله
انتظر ردودكم التي تزيدني تشجيعا و الله غير تعبت و زيد ماعنديش كلافي عربي دخت و انا نكتب بصح و الله ماهي خصارة في اخواتي بنات بلادي
( تقرير عن مشاركة سيئة )، و الموجودة أسفل كل مشاركة .
2013-02-20, 22:34
بسررررررعة طريقة صنع نستلي بالخطوات من مطبخي ماتزدوش تشروه
العرض المتطور
