*-*سفيرية بالجبن وpuré و مقبلة صبحت تحلية هههي*-*

[*بيتي مملكتي*]

عادة نعرفو بلي السفيرية تجي محشية باللحم المرحي لكن تقدري تحشيها كيما تحبي

المقادير و التحضير:

**للمرق الأبيض نحتاج : لحم أو دجاج +بصلة متوسطة مرحية + 2 فصوص ثوم مرحيين ناعم+نصف م ص فلفل أسود + 1 م ص كسبرة مرحية + ربع م ص كروية + ملح حسب الذوق+ 2 م ك زيت



-حطي المكونات تتقلى على النار ثم امرقي بالماء


-خليها حتان يطيب اللحم و تعطينا مرق خاثر إذا ما خثارلكش حلي 1 م ص فرينة في نصف فنجان و ضفيه للمرق و دعيه 10د على نار متوسطة حتان يخثار هذا هو المرق بعد ما طاب
ضفيلو عصرة قارص




**لكريات السفيرية و البيري نحتاج : 4 حبات بطاطا مقشرين و منقيين و مقطعين نفوروهم + ربع م ص فلفل أسود+ ملح حسب الذوق+حبة جبن لافاش كيري



-كي طيب البطاطا اسحقيها بالشوكة أو بأداة السحق و ضفي لها باقي المكونات و خلطيها مليح و خليها تبرد باش تتماسك و تقدري تشكليها



(-هذه هي طريقتي كذلك في عمل البيري فقط لا أدعها تبرد و إنما أضيف لها مباشرة 1 م ص زيدة و الحليب وأضعها على النار حتى تصبح بالقوام المطلوب )



-تكوني حضرتي 3 صحونة واحد فيه الفرينة و الثاني بيضة مخفوقة مع شوية ملح و الثالث خبز يابس مرحي رقيق شابلور

-بالإضافة إلى 2 أو 3 حبات جبن لافاش كيري نحشيو بيها البطاطا



-و هكذا تأخذي شوية بطاطا ضعي وسطها الحبن كوريها و شكليها كيما تحبي كرة أو مسطحة أو أسطوانة أو مثلث أو مربع كما تريدين ثم مرريها في الفرينة ثم البيض ثم الخبز اليابس




-كي تكملي كمية البطاطا كاملة أقليها في زيت غزير و حمريها ثم حطيها تقطر فوق ورق مطبخ





-باش تقدميها ضعي الحبات أولا في الصحن ثم اسكبي فوقها المرق باش تتشربها شوية
-تقدري تحطيها كمقبلة شهية







**أما عن المقبلة اللي ولات تحلية هي سلطة القرنون بصلصة الخل
لأنهم يحبوها بزاف خليتهالهم يحليو بيها ههههههههههههه




-غليت 3 حبات قرنون حتان طابو
-عملتلهم لاصوص نتاع الخل معروفة اللي هي عبارة عن 4 م ك زيت +2 م ك خل + ربع م ص سكر باش تكسر لذوعة الخل+1 م ص ملح و الفلفل الأسود إختياري أنا ما درتش لأنو إياد يحب القرنون بزااااااااف






هذا صحن السفيرية


















و هذا صحن البيري لكتكوتتي لينة









تم بحمد الله شكرا لكن على المتابعة و شهية طيبة