الى كل محبي الصابلي......صابلي التاج رووووعة

[ام اماني77]

بسم الله الرحمان الرحيم

السلام عليكم اخواتي في الله

حلوى اليوم معروفة وهي حلوى الصابلي انا شخصيا من الحلويات المفضلة عندي تذوب في الفم وغير مكلفة
الجديد ان راح نعملها في قوالب السيليكون راح نتحصل على صابلي التاج كنوع من التغيير شكلها يجي راااائع
بالنسبة للعجينة ممكن للاخت تستعمل اي عجينة صابلي تكون معتمدتها اذن نبدأ على بركة الله


المقادير:

250غ مرقرين
120غ سكر رطب
2صفار بيض
بيضة كاملة
نصف كاس نشاء
نصف م ص خميرة الحلوى
فاني
فرينة
للتزيين:
معجون
سكر رطب
كاوكاو محمص ومدشش




https://

الطريقة:
بواسطة الخلاط الكهربائي نحرك السكر مع المرقرين جيدا من بعد نضيف البيض ونستمر في الخلط
بعدها نضيف الفاني والخميرة والنشاء ونلم بالفرينة حتى نتحصل على عجينة طرية ومتماسكة في نفس الوقت نجمع العجينة دون عجنها هذا لي يخلي الحلوى تذوب في الفم

ناخذ مول السيليكون نرش بشوية فرينة هذا يسهل نزع الحلوى بسهولة

نشكل كويرات بحجم 20غ ونحطها في المول مالازمش نملأه بالعجينة لان العجينة فيها خميرة والاهم ان راح نلصق زوح حبات مع بعض لذلك مالازمش يكون مرتفع بزاااف
لاحظو الصورة

https://

ندخله للفرن يطيب على 180د حوال 7د الى8د من الاحسن يبقى لونه فاتح مانحمروش

كي نخرجه من الفرن وهو ساخن نقلب راح تهبط الحلوى بكل سهولة.
من جهة نبسط كمية من العجينة ونقطع دوائر بنفس قطر وعدد الحلوى لي عملنا في مول السليكون

https://

هذا شكل الحلوى بعد ما طابت

https://

نضيف شوية ملون احمر للمعجون ونلصق حبات الحلوى وبواسطة بانسو نحط شوية معجون على الاطراف ونرمدها في الكاوكاو او نواد كوكو

https://

نرش عليها سكر رطب ونزيد شوية معجون في المنتصف

https://

نحطها في ليكيسات ونقدمها بالصحة والهناء

https://

https://



https://

عن قرب

https://

https://

ان شاء الله تعجبكم الحلوى ونشوف تطبيقاتكم

...