شحال ندير الفريك في الشربة

[nesrinwarda]

راني جديدة في الطياب كيفاش نعرف الكيل تاع الفريك ، جامي طيبت الشربة إذا تقدرو تقولولي كيفاش نعرف الكيل

[melissa lola]

انا القدرة انتاعي تديرلي 8 صحون نتاع شربة كبار ندير فيها 3 فناجل اتاي انتاع فريك انا اصلا نحب الشربة عاقدة انتي جربي حتى تحكمي عبرك

[nesrinwarda]

شكرا على الرد melissa lola,
شحال ترفد القدرة تاعك الماء

[nesrinwarda]

لي عندها من الأخوات astuce تنفعنا، بارك الله فيها

[~أمة الله~]

السلام عليكم ورحمة الله
والله يا أختي عيني ميزاني ، كي علمتني الوالدة شادة في قدرة وحدة ،
القدرة المتوسطة ندير فيها 3 أرباع الغراف فريك وإذا درت مرمز ممكن نصف الغرّاف لأنّها تعقد بلخف ...
إن شاء الله كاش وحدة تفيدنا بالعبر المضبوط ...

[بصمة قلم]

السلام عليكم ورحمة الله وبركاته

اختي اول حاجة الفريك ارحيه رقيق (هذا اهم سر في الشربة) والبودر لي تجي فيه صفيها وخبيها بجيه

اما العبار ، طنجرة صغيرة تهز 2 غارفيات تع شربة ديري فيها فنجال تع قهوة (الفنجال الصغير تع القهوة الكحلة)

ونعطيك فكرة باش ما تكثريش الماء، كي تقلي البصلة تاعك والحشيش وتزيدي الطاطم المصبرة ، حطي الفريك و زيدي شوية ماء وعلى نار قليلة خليه يتقلى معاهم شوية 2دقيقة ولا 2 فقط ومن بعد مرقيها ، الطنجرة تع 2 غارفيات ماتفوتيش 1 لتر من الماءلانه تقريبا كلش طاب فالتقلية ونقصي عليه الغاز وخليه يطيب براحته حتى تشوفيها عقدت

واذا حبيتي طيبي كثر ضاعفي الكيل ، واذا شفتي الشربة طولت ماعقدتش اجبدي من البودر اللي قتلك عليها وحطي قيس مغرف تع ماكلة ورح تعقد بسرعة

ملاحظة: الكيل هذا للشربة لي مافيها لا قرعة ولا زرودية

[~أمة الله~]

المشاركة الأصلية كتبت بواسطة بصمة قلم

السلام عليكم ورحمة الله وبركاته

اختي اول حاجة الفريك ارحيه رقيق (هذا اهم سر في الشربة) والبودر لي تجي فيه صفيها وخبيها بجيه

اما العبار ، طنجرة صغيرة تهز 2 غارفيات تع شربة ديري فيها فنجال تع قهوة (الفنجال الصغير تع القهوة الكحلة)

ونعطيك فكرة باش ما تكثريش الماء، كي تقلي البصلة تاعك والحشيش وتزيدي الطاطم المصبرة ، حطي الفريك و زيدي شوية ماء وعلى نار قليلة خليه يتقلى معاهم شوية 2دقيقة ولا 2 فقط ومن بعد مرقيها ، الطنجرة تع 2 غارفيات ماتفوتيش 1 لتر من الماءلانه تقريبا كلش طاب فالتقلية ونقصي عليه الغاز وخليه يطيب براحته حتى تشوفيها عقدت

واذا حبيتي طيبي كثر ضاعفي الكيل ، واذا شفتي الشربة طولت ماعقدتش اجبدي من البودر اللي قتلك عليها وحطي قيس مغرف تع ماكلة ورح تعقد بسرعة

ملاحظة: الكيل هذا للشربة لي مافيها لا قرعة ولا زرودية

الله يبارك الله يبارك -ابتسامة-
أنا كليت الشربة ديالك ونشهد أنو بنييينة ماشاء الله، لذلك خذوا برأيها

[TITA TITA]

لازم تجربي حتى تنجحي في العبرة..لأنها تختلف حسب الفريك رقيق ولا خشين...حسب تحبيها عاقدة و لاجارية...ربي يسهلك.

[attia dalila]

نعطبك كيل ماتندميش عليه ويسمحولو اخاتي في المنتدى على هذه العبارة اخواتي في البيت يقولولي كيل معلمة مامعاهاش التبذير كيلي بملعقة الاكل واحدة لكل شخص كبير تعمر صحن فردي للشوربة ((طاس شوربة)) خاصة في رمضان واذاكان البيت فيه اطفال ملعقة لكل طفلين بالتوفيق

[melissa lola]

القدرة انتاعي ترفد حوالي 4 لتر ماء

[nesrinwarda]

شكرا كامل لجاوبوني، بارك االله فيكن

[nesrinwarda]

بارك الله فيك ،على النصيحة

[maiar]

انا طريقتي كيما الاخت دليلة بما انني غير انا و راجلي نكيل غير زوج ملاعق اكل و يكفينا

[nesrinwarda]

baraka laho fikoum