تطبيقاتي لأول مرة ... نحبكم كامل تدخلو و تقيمو ياالله ياالله

[عماني نور]

السلاااااااااااااااام عليكم ......

أول يوم ، و أول مرة رايحة نحط تطبيقاتي ^^ (( هذا واش صورت ،، وواش لقيت فالـ pc أما الي جربتهم فهوما أكثر من هاذو بكثيييييييييييييييييييير شكرا لكل صاحبة وصفة ... شكرا لكل واحدة تعلمت منها اي معلومة كانت صغيرة ولا كبيرة ..... ربي يجازيكم كل خير ان شاء الله ))

ان شاء الله يعجبوكم ..... و نستنى تقييماتكم ، ملاحظاتكم ، إنتقاداتكم

نبداو بسم الله ..... ؟؟

نحطلكم الصور ، أومبعد نحوس على الروابط ؟ ماعليش ؟؟

نبداو بأكثثثثر وصفة درتها و عاودتها بكل الطرق و الأأشكال و الأنواع ..... و في كل مرة كانت تخرج خير من المرة الي قبلها .... ربي يجازي صاحبتها الأكثر من رائعة و الي والله في كل مرة تنجحلي وصفة من وصفاتها ندعيلها ايام و ليالي في السجود ..... ربي يعطيك يا " أم أماني " على قد نيتك و جهدك و ربي يبارك فيك و في ولادك و يفرح قلبك ان شاء الله كيما تفرحينا دااايما بوصفاتك ،،

كيكة الدانيت ^^

نبداو من التجاارب الأووووووولى كامل .... حتى نلحق لأحلى تطبيق

هاذي أول مرة جربتها ... و خرجت بزاااااف بينييينة



و عاودتها أكثر من مرة ..... و هاذي في عيد ميلاد ماما ربي يحفظها و يخليهالنا ياااربي و يحفظك أمهاتكم جميعا





و هنا درتها على شكل مادلان ... تاني خرجت تهبببببببل الله يبارك



و هنا درتها لجارنا " وليدي الصغير ^^ كان يجيني قبل الإمتحانات نراجعلو .... و اول مرة جاب 18 المعدل ^^ الحمد لله ياااربي



و هاذي فالمولد النبوي الشربف ..... الناس تدير فالطمينة و انا لا أستغني عن الشوكولا



و هاذي ماعندهاش بزاااف ...





هادي تاني ...


و هنا أحلى مرة ... و أكثر مرة استمتعت و أنا نخدم فيها لأنها لأحلى و أغلى و أروع طبيب فالدنيا ربي يخليهولي ان شاء الله و يكمللنا بخييير ياااربي
" خطيبي ، حبيبي " ^^ في عيد ميلادو

قسمتها على 2 و درت " كريمة الزبدة نع فلة " صدقووني روووووووعة الله يبارك ^^



و درتلو قطع الباتيسري تع أم رامي تاني رووووووووووعة ماشاء الله .....



و لا استغناء لي عن " الكعكة الإسبانية " ^^ و صدقووووووني الي ماجربهاش ضاع عمرو .... جربتها تاني أكثثر من مرة و في كل مرة تخرج روووووعة ماشاء الله ، و ماكااااااااااااااااااااااش الي ذاقها و ماعجباتوش




جينواز " فلة " بانتلي أحسن وصفة ^^ لأني جربت أكثر من واحدة ..... بصح وصفة فلة هي الي خرجت صح روووووووووعة الله يبارك خصوصا مع كريمة الزبدة تاعها ... " نتيجة و لا أروع " ماشاء الله





و هنا ماتضحكوش ... حلى المرايا " شكلو يبهدل بصح بنتو رووووووعة ^^ ماشاء الله " يعطيها الصحة صاحبة الوصفة " الي على ما اعتقد " أنا أمهم " ولاّ السعيدة بربها سارة صححولي



قاطو الكسكاس ^^ حبيبي ههههههههه ..... بعدا هذا كل يومين تقريبا ساااهل مااااهل و البنة روووووعة ماشاء الله ... صاحبة الوصفة it's me على ما اعتقد ... يعطيك الصحة






البيسكوي رولي .... والله ماعلابالي تاعمن الوصفة ههههه .... المهم ناااجح " أول تجرية "




نوصلو ظوكا للزلابية ^^ أول و آآآخر تجربة جات هاااايلة يعطيها الصحة صاحبة الوصفة ^^ " فالحقيقة انا لقيتها فالفايس بوك و جربتها ، و بعد فترة لقيت الزصفة هنا فالمنتدى و ماعلاباليش شكون هي "





الجلجلانية تاني ... جربتها مرة واحدة و ماعجبتنيش " وصفة تع فلة "



و أخيييرا و ليس آخرا نوصلو للقاطو تع العيد ....



و القاطو الي درتو كي جاو ناسي هاذ المرة .... لأنهم مجاوش بعد العيد مباشرة " خالو كان فالسبيطار " ربي يشفيه و يعافيه ان شاء الله



الشوكولاطة المحشية ^^



هاذي رجعتهالهم كي جاو مع سنيوة القاطو







قاطو العيد .... (( صابلي بالنسلي و النوتيلا ، صابلي التاج ، صابلي البيضة ، كعيكعات بالطلية ، ملفوف بالشوكولا ، قاطو محشي بالنسلي و النوتيلا ، قاطو الجوزة " تع ماما حبيبتي ^^ " ، شكولاطة محشية ))





صابلي النسلي و النوتيلا و صابلي التاج .... تع " أم أماني "



ملفوف الشوكولا لـ " حفيظة 42 " بنت بلادي



قاطو محشي بالنسلي و النوتيلا تع " أم رامي "



كعيكعات بالطلية " العجينة السحرية تع " أم أماني " و الطلية تع الحليب .....



و كي جاو ناسي ... درت ( لي كورني بالشوكولا تع أم أماني ، صابلي التاج تع أم أماني تاني ، صابلي بكريمة الزبدة تع أم أماني ^^ برك انا نقصت السكر فالعجينة و درتو بالطلية بدل ما نرمدو فالكاوكاو ^^ مع إضافة عطر الفراولة ..... صدقوني أرووووووووع من الروعة يذوب فالفم ،، و كااامل عجبهم و طلبو الوصفة ،، الجلجلانيات بالبيمو لأم أماني تاني ^^ ،، قاطو الشوكولا بالكاوكاو و حلوة الترك رووووعة رووووعة رووووعة ماشاء الله تع بروووووووقة نوعمالمو يعطيها الصحة ^^ ،، مقروط القارص الوصفة من المنتدى دارتها وحدة على شكل تشاراك ، أنا درتهم مقروطات .... الوصفة لا يعلى عليها ، مقروط سوريا هاذي الوصفة تعلمتها من معلمة حلويات وصفة ولا اروووووووع الله يبارك كاش نهار نحطهالكم ان شاء الله ))

صابلي بكريمة الزبدة و الطلية



صابلي التاج و الجلجلانية





قاطو الشوكولا بحلوة الترك و الكاوكاو



لي كورني ، مقروط القارص ، مقروط سوريا





طولت عليكم يااخي ؟؟ ^^

كملت الجزء الأول هاذي البداية و مازال مازال

يالله نستنى تقييمكم ^^ انتقاداتكم قبل كل شي ..... و أكيييييييد دعاءكم ^^

حبكم ، حبكم <3

و فهموني شحال لازم نوصل باش ندي وسام ؟؟