الترفاس بطريقتي تفضلوا

[الأمنيات]

اليوم جبت لكم وصفة تاع الترفاس راكم تعرفوه
وصفة ساهلة وبنينة واسمه بالفرنسي les truffes





ديريه في الماء اكثر من ساعه راه فيه الرمله بزاف


قشريه مليح ولا خرطيه كي الجزر وعاودي رجعيه للماء تكوني قطعتيه مربعات





ديريه يفور مع شوي ملح



هاهو بعد ما فار
ما يطولش بلخف يفور طري




في مقلاة ديري الثوم مرحي كثري مع كمون زيت وملعقة زبدة وفلفل احمر حار وملح ان لزم الامر وقليهم شوي





ديري عليهم الترفاس طايب مفور



قلي مليح وهاهو وجد بالصحة عليكم





هذا الصحن لوحده جديدة وعزيزه عليا ام أسماء 2

[أم أولادي*]

مممممم يشهي وانااااا

[ام ملاك.]

هذاك لي انا الاولى اذا ماسبقونيش اممممممممممممممممممممم جاتني الريحة لعندي

[amel_star]

شكرا لك و جزاك الله خيرا
يعطيك الصحة

[الأمنيات]

شكرا على ردكم وتشجيعكم ربي يسعدكم

[majda archi]

نمووووووووووت عليه

[rimora]

نموووووووووووووووووووووووووووووووووووت على الترفاس وبكل الطرق هههههههههه


مشكوووووووووورة يا غالية

[oum ayyoub]

ممممم يشهي عمري ما ذقتو بصح ماما قالت لي بنين الحمد لله مارانيش نتوحم

[عطوفة]

شكرا لك اختي ..راني حابة نذوقو ما نعرفوش ..قوليلي لمن يشبه في ذوقو ..صحيتي .

[أنواار الإيماان]

مشكورة الترفاس لذيذ بكل الطرق ممكن ياأم اسماء2 تقسمي معي الصحن ههههههههههههههههههههه

[زينب81]

انا من مدينة بشاااااااار المعروفة طبعا بالترفااااااااااس اللي ينمو وحدو بقدرة ربي سبحانو هو عبارة عن فطر champion ...ودوقو والله يهببببببل انا مانديرلو والو نغليه غير فالماء والملح وناكلو رووووووووعة..........والله نتاسف انو اهل بلادي ماياكلوهش ...والخليجييين سعوديين واماراتيين دايرين حالة فيه في صحراءنا ونلقاوهم يحوسو عليه ويشروه علينا باغلى الاثمان

[ام إثري]

امممممممممممممممممممممممممممم يعطيك الصحة ابعثيلي شوية ترفاس باه نطبق الطبق تاعك

[amina nourhanne]

mmmmmm chahitini!!!!

[حلم جميل]

يعطيك الصحة امنيات

عمري لا ذقتو حابة نعرف بنتو كيفاه مدايرة

شكراا

[soriaalg]

بارك الله فيك على الفكرة شكرااااااااااااااااااا