لــــــــَـا تـَجْــلــِـــس عِند بـــــــابِ بيتــــِــنا....

imi02i · 2012-04-09, 16:04

السلام عليكم ورحمـة الله وبركـاته

بغض النظـر عن التلـــوُث البيئـي الحـاصـل

أو لفت الإنتبـــاه

إلـى جمــــاليــات البيت والحــــــــيّ

كـــبـّـُ بعض {المازوت} عــــلى قارعـة البيت

لــــيقـــــول هذا الـأخـيرُ

{لا تجـلس عند بـــــــاب بيتنـــــــــا}

وبــدون إطـــالـــــــــة

لكمـ الصـــــــورة

مـــــــا رأيكم في هذا الســــُلوكـ ؟

هل هـو حضـاري أم غـيرُ ذلكـ ؟

ومـاذا لو كـان كـُلُ وآحد منـــــــا يعـبّر عن رأيـــــه بهاته

الطريــقـــــة ؟

كـيف سيكـون حـال الشوارع والبـِيـُوت ؟

pro24 · 2012-04-09, 16:21

شوف اختاه من باب المنطق راه عندو الحق
انا شخصيا مانحبش الاشياء هذه بصح الله غالب
راهي كثرة الايامات هذه بزاف خاصة في فصل الربيع
علاه
لان لم يبقى هناك حياء لا من البنات ولا من الرجال تلقاه قاعد معها قدام الباب ولا مقابل الباب في موضع مخل
تهدر معاه راه يرجل وتضربوا من بعد تولي في اجري وحبس
المهم هناك ضررين بصح الضرر تاع المازوت اخف في نظري
والله اعلم
في الختام اسال الله ان يهدينا الى طريق الحق
سلام

الواثق · 2012-04-09, 16:55

بلاك تقولي انو اسلوب غير حضاري لكن للاسف اصبحت بعض الامور لاتحتمل تجمع شاربي الخمر مع لعب الدومين والكلام البذي وانت تسمعينهم في البيت والله ماتصبري على هذا.............قبل عام كنا نعانو من هذا وكل يوم نعيطو للشرطة مايديرو والو ومرات يجو ويدوهم ويعاودو يرجعو........كاين لي يدير الزيت المحروق باش يبعدهم وكاين لي يكسر ضوء الشارع باش مايتجمعوش ..............انا لم افعل هذا .......نقلك واش درت وانت احكمي .........رحت ليهم بكل ادب انهم ينقصو صوتهم ومايتكلموش كلام البذي برغم انهم كلهم كبار بل اكبر مني........ماقالو والو مجرد اني التفت وواحد خرج كلمة زلزلتني اضطرين اني نضربو وهوما ربعة مليح وصلو اصحابي و اخوتي .........ولينا في حرب شوارع هذيك الفترة اشبعناهم ضربا حتى وصلت الشرطة..........ونذرت للشرطة انو والله لو اجد شخصا هنا نقلب الحي كامل ......من هداك النهار منذ عام او اكثر ماوليتش نشوف واحد لتما .....وجارنا اشتكى للشرطة ان هناك من يهدد اولاد الحي بالقوة وهو لايسكن في الحي هو مايعرفنيش لاني كنت في الجامعة وماتلقيناش ابدا ............الله غالب هكذا يفهمو .....اضربو يعرفك.....الله المستعان

ع.جمال · 2012-04-09, 16:59

وعليكم السلام ورحمة الله وبركاته.
بالمختصر المفيد هي لغة للتعبير عن الرفض غير أنها غير متحضرة ولكن ما جعل الكثير يلجأ إليها هو غياب الأمن وبارك الله فيك.

نهال نهال · 2012-04-09, 17:06

اختاه هذا سلوك غير حضاري في نظري هذا الشارع لي عملت فيه هك راك تسكن فيه تعقب عليه كل يوم تحب انك كل صباح تشم رائحة المزوت باه تعبر على ماذا بدخلك مش تمسخ الشارع لي تعيش فيه انت واخاك المسلم كان جاء هذا هو الحل رانا كامل لجاءنا اليه

HOCINE.HASSAN · 2012-04-09, 17:39

السلام عليكم
شكرا على الموضوع الذي يعكس خلقا ضاع من مجتمعنا و هو الحياء و احترام الآخرين
أما عن التصرف فهو صحيح و سليم اليوم ..............و ما يحس بالجمرة غير اللي كواتوووو............
جزاك الله خيرا.............................................. ...........hocine

thorpe · 2012-04-09, 17:47

السلام عليكم

كثير ما راينا هذا المشهد
حسب رايي ارى ان للدولة يدا فيه

كون وفرت مرافق عمومية و العمل للشباب العاطل عن العمل (( تكون شرطة خاصة بمراقبة من لا يذهب الى العمل ويقعد يقابل البيبان تاع الناس ))
كون ما نشوفو هذا الشي

لكن الجماعة الفوق عاجبتهم هاكض
خليها مالا هاكض وكثر
جوزيت كل خير

مناد بوفلجة · 2012-04-09, 17:59

هو سلوك , حضاري جدا

بل و أكثر من حضاري

الذِكرَى البَيضآء~ · 2012-04-09, 18:02

بالتاكيد سلوك غير حضاري

imi02i · 2012-04-09, 18:34

اقتباس:

المشاركة الأصلية كتبت بواسطة pro24

شوف اختاه من باب المنطق راه عندو الحق
انا شخصيا مانحبش الاشياء هذه بصح الله غالب
راهي كثرة الايامات هذه بزاف خاصة في فصل الربيع
علاه
لان لم يبقى هناك حياء لا من البنات ولا من الرجال تلقاه قاعد معها قدام الباب ولا مقابل الباب في موضع مخل
تهدر معاه راه يرجل وتضربوا من بعد تولي في اجري وحبس
المهم هناك ضررين بصح الضرر تاع المازوت اخف في نظري
والله اعلم
في الختام اسال الله ان يهدينا الى طريق الحق
سلام

بــــصراحـــــــة أنـا لمـ أذكــــر الفئـــــة التي تشتمـل على الإنـاث والذكـور تحت شعار المواعيد الغرامـية
لأننـا لو وصلـنا إلى هذا الحد
فالأفضل أن نكب المـازوت على قارعـة الطريق وعلى رؤوسهم أيـضا
وربي يهدينـا إن شـاء الله
وشكرا جزيلا لك وبارك الله فيكـ

imi02i · 2012-04-09, 18:42

اقتباس:

المشاركة الأصلية كتبت بواسطة الواثق

بلاك تقولي انو اسلوب غير حضاري لكن للاسف اصبحت بعض الامور لاتحتمل تجمع شاربي الخمر مع لعب الدومين والكلام البذي وانت تسمعينهم في البيت والله ماتصبري على هذا.............قبل عام كنا نعانو من هذا وكل يوم نعيطو للشرطة مايديرو والو ومرات يجو ويدوهم ويعاودو يرجعو........كاين لي يدير الزيت المحروق باش يبعدهم وكاين لي يكسر ضوء الشارع باش مايتجمعوش ..............انا لم افعل هذا .......نقلك واش درت وانت احكمي .........رحت ليهم بكل ادب انهم ينقصو صوتهم ومايتكلموش كلام البذي برغم انهم كلهم كبار بل اكبر مني........ماقالو والو مجرد اني التفت وواحد خرج كلمة زلزلتني اضطرين اني نضربو وهوما ربعة مليح وصلو اصحابي و اخوتي .........ولينا في حرب شوارع هذيك الفترة اشبعناهم ضربا حتى وصلت الشرطة..........ونذرت للشرطة انو والله لو اجد شخصا هنا نقلب الحي كامل ......من هداك النهار منذ عام او اكثر ماوليتش نشوف واحد لتما .....وجارنا اشتكى للشرطة ان هناك من يهدد اولاد الحي بالقوة وهو لايسكن في الحي هو مايعرفنيش لاني كنت في الجامعة وماتلقيناش ابدا ............الله غالب هكذا يفهمو .....اضربو يعرفك.....الله المستعان

ملــــيح اللي أن مصـــــالح الشرطـة متبعتكمش قـضـائيـا
لأنو في هذي البلاد يظلموك ويحقروك بصح متدافعش على روحك بالضرب
روح إشكي للشرطـة
والشرطـة بدورها متديهاش فيكـ ...
وربي يجيب الخير إن شـاء الله

imi02i · 2012-04-09, 18:45

اقتباس:

المشاركة الأصلية كتبت بواسطة ع.جمال

وعليكم السلام ورحمة الله وبركاته.
بالمختصر المفيد هي لغة للتعبير عن الرفض غير أنها غير متحضرة ولكن ما جعل الكثير يلجأ إليها هو غياب الأمن وبارك الله فيك.

وفيكـ البركـة عمــــــــي جمـال
شكرا جزيلا لكـ وبارك الله فيكـ

imi02i · 2012-04-09, 18:49

اقتباس:

المشاركة الأصلية كتبت بواسطة نهال نهال

اختاه هذا سلوك غير حضاري في نظري هذا الشارع لي عملت فيه هك راك تسكن فيه تعقب عليه كل يوم تحب انك كل صباح تشم رائحة المزوت باه تعبر على ماذا بدخلك مش تمسخ الشارع لي تعيش فيه انت واخاك المسلم كان جاء هذا هو الحل رانا كامل لجاءنا اليه

هــــــــو غــــــــير حــــــضاري
لكــــــــن يســــتحـــــقـــــه من يعنون بالـأمـر
وعــــلى كـل حـال أولـه وآخـرهـُ يـعود بالصورة السيـئـة على المحيطـ
وربي يجيب الخـير إن شـاء الله
شكرا لكـ وباركـ الله فيكـ

الحوتي التلمساني · 2012-04-09, 18:50

السلام عليكم
كان أولى به أن ينتظرهم حتى يجلسوا و يصبه عليهم صبا حتى لا يوسخ باب بيته و لكن يوسخ من أراد الوسخ ..
كلاونا هذا الغاشي الوقح ..

imi02i · 2012-04-09, 18:54

اقتباس:

المشاركة الأصلية كتبت بواسطة hocine.hassan

السلام عليكم
شكرا على الموضوع الذي يعكس خلقا ضاع من مجتمعنا و هو الحياء و احترام الآخرين
أما عن التصرف فهو صحيح و سليم اليوم ..............و ما يحس بالجمرة غير اللي كواتوووو............
جزاك الله خيرا.............................................. ...........hocine

وعليكم السلام ورحمـة الله
معكـ حق فيمـا خطيتـه بالأحمـر
والدي مـاعيا يدير في المازوت عند عتبـة البـاب
كره من بعض الناس بزاف وهومـا قاعدين ثمـا
لكن وليـنا غيّرنـا هذاك الباب نهائيـا
ومعادوش يقعدوا ثمـا
وشكرا لك وبارك الله فيكـ