مريم تطل ....

مرايا الطلاب · 2012-03-01, 20:32

السلام عليكم ورحمة الله وبركاته

كالعادة أحب مشاركتكم أفكاري وما أشعر به حال فرحي وحال حزني

أنهينا بفضل الله امتحانات الفصل الثاني

لم أبل حسنا مثلما فعلت العام الماضي في الثلاثي الثاني

اذكر ارادتي القوية وقوة عزيمتي بالرغم مما مررت به ولكني كنت قوية جدا وتحديت كل تلك المصاعب

وتألقت وأثبتت لنفسي مدى قوتي وجدارتي وكيف انني احصل على ما أريد بارادتي وبعون الله

ولكني هذا العام ولعدة أسباب لم اتمكن من نفسي ...هذا جعلني محبطة احيانا كثيرة

وبالرغم من ذلك الا انني أستمتع كثيرا بوجودي بين رفاقي نمزح ونتذكر أيامنا التي مضت ونتخيل أنفسنا كيف سنصبح

في الغد ...يا الاهي كم هو جميل عندما نجتمع معا في غياب احد الاساتذة

نتناقش قليلا في الدراسة ثم نفتح مواضيع تخصنا ..تخص ما ضينا وحاضرنا ومستقبلنا

أيام الدراسة تنسيني كل همومي وكل أوجاعي

اااه كم سأشتاق لمقعدي ....ولزملائي اصحاب النكتة الطيبة ..ولصديقاتي اللواتي يساندنني وقت محني

ذكرياتي هذه هي ما ينسيني كل ألامي وتحسراتي على تراجعي في الدراسة

وفي أحيان كثيرة تكون حافزا قويا لي

أكيد بعد اجتياز الباكالوريا سأكتب ذكرياتي في الثانوية من اول عام ألى اخر لحظة

المهم اظن أنه حان الوقت للمراجعة باذن الله سينطلق قطار مريم وهذه المرة دون تراجع

سأشد الرحال الى عالم النجاح ... و سأسمو الى فضاء التألق

رغم ان هذا الاسبوع هو أسبوع التصحيح والنقاط الباهية ...هههههههههههههههههه

المهم أنا أحب أن اضع لكم يا رفاقي من وراء هذه الشاشة الصغيرة خواطري لتشاركوني أراءكم

وفي نفس الوقت لأزيد من عزيمتي

أحييكم بتحية ملئها الحب و السلام مع تمنياتي بالنجاح والتألق

لاتنسوني من الدعاء

دوما أختكم في الله *-* مريم *-*

أم الشهداء · 2012-03-01, 20:37

السلام عليكم ورحمة الله تعالى وبركاته

كآن الله معك غاليتي ’’
نحنُ هنآ نتقاسم الأفرا ح و كذا الأتراح
أما عن النقاط الباهية فكلنا سواسية بانتظار ــ ربي يستر ـــ

بالتوفيق
و السلامــ’ــ

مرايا الطلاب · 2012-03-01, 20:43

اهلا بك أختي

أنا نرد يوم التصحيح يوم ضحك

مللي ندخلو وانا نقول راح ندي 20

ربي يبعد العين

يعني نسي روحي بروحي

♫ وهج الأمـل ♫ · 2012-03-01, 20:45

اطلالتك المتفائلة كما عودتينا أختي ....

أدام الله همتك عاليا فوق كل جبل يعترض طريقك ....

بكل صراحة أختي مريم كلماتك تعبر عني كذلك ...

سبحان الله ... أنا أيضا قد عانيت الأمرين العام الماضي في ذات الفصل ..

لكنني تحديت الجميع و أثبتت لهم من أكون ...

لكن هذا العام ؟؟؟؟؟؟؟؟؟؟؟

لا أدري ماجرى لي

غير أنني مثلك تماما قررت أن أنطلق بدءا من الغد و لن يثني عزيمتي أي شيء يقف في طريقي ...

سأحاول استغلال كل لحظة لأحضر نفسي للباكالوريا ..

و سأحاول الاستمتاع بكل لحظة بين صديقاتي لأنني لن أعيش هذه الأيام من جديد ...

و بإذن الله سأكون و ستكونين وسيكون جميع أعضاء منتدانا الغالي من الأوائل في الشهادة

يا رب وفقنا جميعا ...

مرايا الطلاب · 2012-03-01, 20:50

شكرا على الرد عزيزتي

مرايا الطلاب · 2012-03-02, 14:51

منة الرحمن اهلا بيكي

zizou93 · 2012-03-02, 15:01

السلام عليكم
خذيني معك يا مريم
سبحان الله و الله و الله و الله تقول راكي تهدري عليا انا تاني قررت نبدا هاذ الاسبوع رغم انو اسبوع التصحيحات لكن لوكان مانبداش ذرك ماعاد نبدا مع الارادة هذي اللي جات بعد خيبة امل الامتحانات
مي المشكل تاعي ماشي كيمة نتي انا ماراني فاهمة والو منين بدينا نقرا باسكو ماراجعتش خلاص غير فالامتحانات و مانيش حابة يزيد يفوتني الوقت كثر ملي راح الدروس بزاف والله مالقيت روحي راني محطمة نفسيا و بدنيا
ممكن تلقايلي حل
المهم ربي يجيب اللي فيه الخير

♫ وهج الأمـل ♫ · 2012-03-02, 15:41

اقتباس:

المشاركة الأصلية كتبت بواسطة مرايا الطلاب

منة الرحمن اهلا بيكي

أهلا مريم ...

اسمحيلي كي مارديتش راني كنت مع المواضيع تاع الاختبارات نسكاني فيهم ...

و الله غير يتعبو

كيف أحوالكـ؟؟ قوليلي برك المورال راهو مزال طالع ...

مرايا الطلاب · 2012-03-02, 16:08

والله يا اختي اليوم بالنسبة للبارح الحمد لله

المورال طالع بفضل الله

♫ وهج الأمـل ♫ · 2012-03-02, 16:15

هكذا نحبكـ تكونيـ ديما أختـيـ ، ؟

مرايا الطلاب · 2012-03-02, 16:20

اقتباس:

المشاركة الأصلية كتبت بواسطة zizou93

السلام عليكم
خذيني معك يا مريم
سبحان الله و الله و الله و الله تقول راكي تهدري عليا انا تاني قررت نبدا هاذ الاسبوع رغم انو اسبوع التصحيحات لكن لوكان مانبداش ذرك ماعاد نبدا مع الارادة هذي اللي جات بعد خيبة امل الامتحانات
مي المشكل تاعي ماشي كيمة نتي انا ماراني فاهمة والو منين بدينا نقرا باسكو ماراجعتش خلاص غير فالامتحانات و مانيش حابة يزيد يفوتني الوقت كثر ملي راح الدروس بزاف والله مالقيت روحي راني محطمة نفسيا و بدنيا
ممكن تلقايلي حل
المهم ربي يجيب اللي فيه الخير

شوفي يا أختي في الله

ممكن ماكانش اللي وصل لحالة اليأس قدي وين كنت ووين صبحت

المهم نتي لازمك تكوني قوية ايمان ...من قلبك لازم تعزمي وتوثقي في الله وبارادتك تقدري تحققي المستحيل

أنا جربتها وراح نزيد نجربها وحققت وراح نحقق باذن الله الشي اللي نسعالو

المهم أختي

هاذ الاسبوع راح يكون أسبوع تصحيحات

من هنا تبداي تتداركي أخطاءك وتحاولي تصححيها

وبالنسبة للدروس اللي فاتاتك تقدري تتداركيها مثلا الفيزيا والرياضيات حطي الكراس اقراي الدرس مليح

وروحي حلي التمارين المحلولة

مبعدا ابداي في التمارين الاخرى ممكن تاع الكتاب ولا تاع ليكور ولا تاع الاختبارات

والعلوم افهمي الدروس مليح اقرايها وحدك واذا ما فهمتيش حاجة حاولي تسقسي

الادب والفرونسي ولونجلي مام انا عندي بروبلام مي نتبع دايما لاساتذة ونحل مواضيع

أختي استراتيجيتنا راح تكون بالقوة والعزيمة والايمان .....والدعاء مع قيام الليل ..حاولي تنوضي في اليل ركعتين

برك بخشوع لرب العباد تخليك تحسي بلي راكي خفيفة وكلشي منور قلبك وعقلك وحياتك وحتى علمك يتيسرلك

أختي في الله نتمنى تبداي معانا المشوار ...........أنا ساعات نتفكر بزاف الامور الي تفشلني

مي كي راني نهدر هاكا راني نرفع من معنوياتي

حاولي تكوني هاك واحلمي دايما بلي راكي متألقة ومتميزة

راح توصلي باذن الله

بالتوفيق

zizou93 · 2012-03-02, 16:28

شكرا طلعتيلي المورال
ربي يوفقك نبداو مع بعضانا ok

مرايا الطلاب · 2012-03-02, 16:31

اوكي نبداو باذن الله

وكل مرة نحكيو وش درنا ونعاونو بعضانا

أختي وين تقراي ؟؟

♫ وهج الأمـل ♫ · 2012-03-02, 16:34

بنااااتـ عنديـ اقتراحـ بصحـ لازمـ نراجعـ بعضـ النقاطـ فيه مليح ومنـ بعد نقلكمـ عليه

يتضمنـ أننا يكون عندنا برنامج مراجعة موحد ومنـ بعد كل واحد ولا وحدة تغير فيه على حسبها ...

مرايا الطلاب · 2012-03-02, 16:36

ايه هادي بون ايدي