أرجو المساعدة فيما يخص الغريبية عاجل

[La perle rare]

عملت غريبية باللوز و غريبية بالكاوكاو خرجو شابين بصح المشكلة يابسين و ما يتفتتوش و ماشي مزيتة عملتها بـ Matina و أضن أن هذا هو السبب، وشنو هي في رايكم أحسن مارغرين للغريبية ؟ و هل هناك طريقة بش نصلح بها الغريبية لي منجحتش حبيتها تطرى شوية قلت بالاك نحطها في الفريجيدار ولا داخل علبة تع كارطون باش تتندى. انصحوني من فضلكم.

[La perle rare]

ساعدوني رجاءا

[La perle rare]

جاوبوني من فضلكم

[La perle rare]

هل من مجيب ؟

[La perle rare]

60 مشاهدة و لا رد !

[خضرة ق]

أنا جربتها بلابال وجاتني هايلة

[نور الهدى06]

احسن غريبة تاع لابال حطيها في علب دوك تطرى دوك نعطيك وصفتي اعتمديها راهي روعة وديما نديرها والله تذوب في الفم

[اية الرحمن1988]

السلام عليكم
شوفي أختي أنا جربتها بالزبدة فلوريدا وزدتلها شوي زيت جات تهبل
لكن أحسن طريقة للغريبيبة تخدمها أمي والناس كامل تعجبهم
السمن مدينة تقيسي كيلة اللي تخدمي بيها وتحطيها في الثلاجة نص نهار ولا ليلة بلا ما تذوبيها
ومباعد تجبديها تخدميها مليح وتضيف سكر رطب كيلة ناقصة منها ربع كيلة السمن
لأنو السكر اللي يبس الغريبيبة كي تكثري منو
و أن شاء الله نكون أفدتك

[امال ق]

احسن غريبية هي غريبية السمن
ما تحفضيهاش بكرتون لانو راح يتشرب كل الدهن حطيها بعلبة بلاستك مجكمة الاغلاق راح تطرى ان شاء الله

[نور الهدى06]

اولا نعطيك سر استعمليه في الغريبية والصابلي باه يجي هشوش ويذوب في الفم زيدي الزيت في 250غ زبدة ديري 3 م/ك وفي 500غ زبدة ديري نصف فنجال زيت وفي كيلو لابال ديري فنجال والله هذا سر عريبة تاعي كل يموتو عليها يقولو تاع لحراير والسر الثاني هو انا نكهها بزاف بالفاني تاع الميزان وبرش ليمون واكستري ليمون كرامال ..متفهمي والو بنينة مممممممممم وتذوب قبل متحوطيها في فمك
الطريقة
علبة لابال تاع رطل
نصف فنجال زيت
كاس سكر ارطب
منكهات فاني واكستري او برش ليمون
حفنة نشا
فرينة شكليها في مول المعمول وطيب 10 د تبقى بيضة كتبرد ادهنيها بالناباج ودري الفستق المرحي
مرات نزيدلها 2 فناجن جنجلان او كاس كوكاو

[loudjeine2000]

مساء النور اختي هده الطريقة انتاعي في الغريبية كنت ديما تجيني يابسة و انا نموت عليها كي زوجت علموني فيها ناسي عدت ندير فيها و عينيا مغمضين هههه اولا مثلا نجيب باط سمن المدينة او لابال و من المستحسن السمن خير علبة سمن في نفس العلبة سكر قلاصي مش معبية تخلطيهم مع بعض حتى تصبح كريمة و من بعد تلمي بالفرينة تقدري تحمصي كمشة فرينة و تخلطيها معاهم ام شوي كوكاو ولا شي لي عندك من مكسرات او حتى اللبلابي تجي بنينة اما على الطياب ديري في نار دليلة يعني ناقصة باش ما تلهطش يعني ما تتحرقش و صدقيني روعة فعلا ركزي على الكوشة انتاعك كان خفتي اتركي الباب مفتوح شوي يعني مشقوق راه السر في الطياب تاعها اما على الطابع انا نحب تاع المحقن و شكرا ارجو انني افدتكي

[نبيلة 81]

الحقيقة أنا مانيش شاطرة فالغريبية مي سمعت يقولو أنو المرأة لي يديها سخونين ما تنجحلهاش الغريبية وتهبط وعلى هاذا كي تعود تحك فيها تحاول تبرد يدها في طاس ماء بارد

[أم ريمة*]

انا ثانى مانيش شاطرة فيها بصح يقولو بلى بلى الغريبية من اختصاص اهل باتنة اتمنى تفيدونا