موضوع للترفيه يا حسراه عليك يا دنيا

[DAKIA021]

السلام عليكم
من فضلكم يا اشراف اتركونا نديفوليو شوية وامسحوه من بعد وشكرا
موضوع ترفيهي يمكن يضحكك لما تتفكر ايام صغرك وممكن يبكيك لما تقارن الحال بين الزمن الحلو وهذا الزمن الغريب واقصد به كل الشباب الذين لم يذهبوا ضحية لتغييرات المناهج التي تلاعب بها سفاحوا التعليم وعلى رأسهم كبيرهم
مع الصورة الاولى للكتاب المدرسي نتاع زمان كان عندنا كتاب القراءة + كتاب الرياضيات وفقط

تتذكرون كلكم طبعا موضوع إحذر 1+2+3 ؟ لي عندو ذاكرة قوية يقولنا ماهو الدرس الذي قرأناه بعد هذه السلسلة ؟؟
الجواب عندي
كنت تلميذ مجتهد ونشفى ملييح كان عنوان الدرس التالي
رضا صدمته سيارة
نشفى عليه لأني لما كنا نقراو الموضوع الجماعة كل يشوفو معايا لأني الوحيد فيى القسم اسمه رضا وكنت نحشم كي نوصلو لهذا الدرس
نذهب الى الدرس الثاني

أين السمكة ؟؟
حتى مواضيع الكتاب المدرسي كانت تعتمد على الواقع كثيرا لكنها ميزيرية حنينة جدا وتضحك مشي كيما عقلية ضرك الفوخ والزوخ والعشاء تيقرنينة.
هذا نسيت الجزء الثاني نتاعو نظن القطة لي سرقت سمكة والاولاد يتاهموا في بعض خالد وليلى
يا حسراه عليك يا دنيا قولونا جماعة ليكول نتاع ضرك عندكم مواضيع كيما هاذو في كتاب القراءة نتاعكم ؟
علابالي معندكمش
ان شاء الله يفكركم الموضوع في ايامكم الجميلة التي تتمنون العودة اليها ولن تعودوا الا في الاحلام
اضافة من عند الحباب
طرطور والفلاح العجوز 1+2

[بشير كول]

[DAKIA021]

ياحسراه ياذاك الزمان البنين...كان الواحد يقرا بالرغم من الميزيرية الحلوة والتي تركت فينا أثارها..
الزمن الجميل..
أنا كي كنت نقرا كنت تلميذ مشاغب وتاع بالون برك.. نهار كامل بالساشيات تاع الحليب نخدموهم بالونات ولستاد ديريكت هههههه
الماتش يلعبو فيه 50 واحد.. وماكاش لاربيت ..كان مول البالون هو اللي يحكم خخخخخخخخخخخخخ
والماتش مايخلاصش حتى يطيح الليل هههههه

[أحلام]

الله الله على داك الزمان، نشفى خاصة على الطرطور والفلاح العجوز، وأين السمكة؟؟...

(السمك أكلته القطة كيما قلت)

ما شاء الله على هذيك القراية بنة وحدها، الآن كي نبدا نشوف كتابات المدرسية نعيى،

لا مضمون، لا تثقيف ولا تعليم... غير الهف...

ربي يجيب الخير. والله عندنا الزهر خير من الجيل تاع دورك.

[Dj BoBo]

أيام الزمن الجميل
أيام الصدق و البرأة و النية
أيام الطفولة
يعني احلي ذكريات العمر
مشكوووووووووووووووووور أخي الكريم

[hamido 02]

صحيت خويا صور غير متوقعة


( افتح )

[أمال2008]

لكن كيف طرأ على بالك هذا الموضوع؟

[أحلام سرمدية]

بالله بالله بالله قولي منيين جاتك هاد الفكرة فعلا وحشتيني في كتابي العزيز

[نور نسمة]

ومقتنا وقت النية و الصفا
ماشي كيما الوقت هدا
ربي يلطف بينا ان شاء الله

[أم سهيــر]

يااااااااااااااااااااااااااااااا حسرة عليك يااااااااااااااااااااا الدنيا
دكرتني بأحلى دكريات الطفولة الحلوة
شكراااااااااااااااااااااا

[hibato arahman]

رجعتنا أجمل الذكريات لراحت وما توليش شكرا ربي يحفظك

[tako02012]

شكرااااااااااا

[بنفسج26]

اهئ اهئ اهئ راني نبكي هههه

[tinza]

[ندى 33]

يا حسراه على زمان كنت كي نولو نقراو في النص تقول عايشة معاهم نتخيل فيهم وتاني ذاك النص تاع كي راحو للدار الجديدة ولقاو القطة تاعهم تم وتاع جدهم جا من الحج وهذاك تاع العرس تاع خالة نورة وكبش العيد ومصطفى مريض وتاع الثلج
قراية دركا ولات سامطة ماشي كيما احنا
والله غير توحشت هاذيك ليام ولدرك راهوم عندي الكتب تاع بكري كول مايكون عندي الفراغ نقرا فيهم باش نتفكر ايام زمان
يعطيك الصحة