من فضلكم اريد حلا

[MANASSI]

لدي اببن عمره 'اربع سنوات ونصف
جريت بزاف بش ندخلو لpres scolaire وتم ذلك بعد شهرين من الرجوع المدرسي اي في نوفمبر
المشكل انه لا يستوعب مايقراه في القسم وعند سؤاله يكرر ما تعلمه السنة الماضية في الروضة
سؤالي هو ماالعمل اعيده الي الروضة ام ادعه يكمل فيpres scolaire

من فضلكم اريد حلا

[الواثقْ بالله]

ينقل الى قسم تربية الابناء

[MANASSI]

من فضلكم اريد حلا

[MANASSI]

338 مشاهدة ولا راي او اقتراح !!!!!!!!

[choayb1987]

افضل تركه pres scolaire
والله اعلم

[MANASSI]

شكرا علي الاجابة
كيف يمكنني مساعدته لانه يرفض الكتابة في البيت
همه الوحيد هو الرسم

[saraz09]

السلام عليكم، من الاحسن انك تخليه في المدرسة باش يوالف مع الدراري والمعلمة ويتعلم الانظباط. من جهة اخدم معاه وعلموا . وكي يخلاص العام الدراسي شوف معاه ادا تحسن راح يدخل السنة الاولى sinon عاودلو التحضيري يزيد يتعلم اكثر خاطر مازالو صغير. رايحة نعطيك تطبيقات انا نستعملها مع بنتي نتمنى تساعدك باش تعلمو (هده التطبيقات من كتاب خاص لنشاطات الاطفال وتعليمهم)

التطبيق 1 : رسم خطوط واشكال

احضر 3 اقلام و 3 اوراق وحطهم داخل سلة من جهة. وسلة اخرى فارغة من الجهة الاخرى للطاولة. حط وليدك مقابل فيك وحط قدامك قلم ووقة وخليه ينظر فيك وانت ترسم خط افقي مصدرا صوتا لحركة القلم مثل "زيت"، من بعد حط القلم في يد وليدك وخليه يرسم الخط وما تخليهش يخربش. كي يخلص خليه يرمي الورقة في السلة ويحط القلم في حاملة اقلام. وعاود العملية مع القلم الثاني والثالث في كل مرة قلل المساعدة حتى يولي يخدم وحدو ويفهم واش حابو يدير

وكل مايتعلم حاجة انتقل لشكل اخر خط مائل، خطان متقاطعان

وهكدا رايح ينقص الخربشة ويتعلم حاجات جديدة من بعدها انت حبس فكرة الاقلام والسلة واخدم معاه بطريقة ربط النقاط ببعضها ابدى بالمربع والمثلث (باستثناء الدائرة حتى يتعلم يرسم نصف قوس) في البداية يكونوا النقاط متقاربين من بعد دير مسافة كبيرة بينتهم حتى يرجع المربع باربع نقاط والمثلث بثلاث نقاط

التطبيق 2 : كتابة حروف كبيرة

حضر اوراق العمل برسم نقاط تمثل محيط الحروف، لون نقطة بالماركور باش تبين البداية وارسم سهم باش يعرف الاتجاه واستعمل في البداية الحروف اللي فيها الخطوط المستقيمة او المائلة كيما تعلم في التطبيق الاول مثل حرف أ ، ب ، ت، ث، د.....

ما تحاولش تبدى تطبيق حتى تتاكد بلي وليدك انهى التطبيق اللي قبلو بكفاءة، اليوم التطبيق 1 وغدوا نفس التطبيق وكيتشوفو ولايخدم وحدو دون مساعدة انتقل للتطبيق الموالي ولا تنسى المكافأة

مازال عندي تطبيقات اخرى الا تحتاج قولي نكتبهملك وربي يوفقك وينجحلك وليدك

[MANASSI]

الشكر الجزيل على النصيحة
وجعلها الله في ميزان حسناتكي
سوف اجرب الطريقة

شكرا

[MANASSI]

مرحبا اخي حاولت معاه يكون مركز لمدة قصيرة جدا ثم يرمي كل شى ويرفض المتابعة
هل من نصيحة!!!!