رايكم و تفسيركم بالأخص انتم البنات

[fatih84]

أنا متخرج و عامل و هي 18 سنة و مقبلة على شهادة البكالوريا بعد علاقة 5 سنوات الأن حان الوقت و ارسلت أهلي ليخطيبوها لي . حدث ما لم يكن في الحسبان ابوها لم يوافق و السبب انه قال لاهلي . لدي ثلاث بنات اكبر منها لم يتقدم احد حتى الأن لخطبة اي منهم فكيف . تتزوج الصغرى قبلهم .. . مع العلم لديها ثلاث اخوات اكبر منها -24 سنة -26سنة -31سنة وواحدة اخرى اصغر منها 15 سنة . ثم قال لأهلي ربما إذا تزوجت إحدي إخواتها فلا مشكل
......هل هذا عدل و إنصاف ام جهل ام ماذا و ما العمل ايعقل ان يتحدد مصير زواجي بي من احبها ....بزواج أحد إخواتها ...
و ا إخواني راني 4 سنوات حياتي و الشيء الوحيد اللي نفكر فيه ليل نهار طول هذه المدة هي فرات . و نقول هذا سحر عضيم ....و نفكر مع نفسي و نسأل نفسي و نقول علاه ياربي حياتي كلهامعلقة بهذي الفتاة ...هي فتاة عادية جدا متوسطة الجمال و عمرها الأن تقريبا 18 سنة الناس كلهم تعجبوا و قالو عليا مجنون ...
ياريت نقدر ننساها و نرتاح خايف من المستقبل و خايف تضيع حياتي ...من هم إلى غم ....إستعملت جميع الطرق ..الرقية من طالب لطالب .....لكن دون جدوى ...ما قدرت نبعد ما قدرت ننسى ما قدرت نصبر ....نموت انا او تموت هي ياريت ...جاوبوني هل هذا حب او سحر او ماذا ....راني في عذاب كبير ..حتى صحتي راحت ..من التخمام فيها بزاف و التفكير ....صدوقوني قبل ما نعرفها2006 كنت في الميزان 75 كلغ و الأيام هاذوا الميزان نتاعي 56 كلغ فقط ...حتى الشكل نتاعي تغير حتى لليوم راني مازلت نعاني ....و هي رافضة نخطبها منذ ثلا ث اشهر ما سقساتش عليا ما قدرتش نقنعها تقبل بالخطبة ....حتى اني اصبحت نشك بلي راهي تحب واحد أخر .....و قالتلي انها مازلت صغيرة و ما تفكرش في الزواج و من قبل كانت تقولي اخطبني...كي جيت نخطبها هي رفضت و اهلها رفضو ....بعد علاقة 5 سنوات ترفضني ....و تقولي راني منشغلة بالبكالوريا و مازلت صغيرة ما فهمتش ...ربما يكون واحد اخر تحبو و يحبها و ما حبتش تجرحني ......و دائما نحاول نتصل بيها و نكلمها ترفض ......و الله العضيم ما فهمت منها والو .....الوم عليا او عليها .....جاو بوني .....بارك الله فيكم

[imene english]

السلام عليكم اخي يسرني ان اكون اول من يجيب عل موضوعك واش نقولك يااخي و بلا ماتزعف أنا ضد العلاقات الغير شرعية و زيد الطفلة هذه صغيرة مراهقة بالصح انت كي رحت خطبتها درت حاجة مليحة بزاف لأنك بينت روحك و بانت نيتك مع هذه البنت و هو الزواج و انت عندك كل هذه الأسئلة و الشكوك اذا كان حب او سحر او او او او لماذا تريد الاستمرار و قلبك مش مطمن هل سالت نفسك اذا رح تكون ام مثالية لاولادك اذا كان قلبك مطمن و اجابتك اجابية ماعاليك الا الصبر و لا انسا الصلاة و الدعا صلي صلاة الاستخارة و أنا من تصرفها معاك بانتلي بنت غير جدية حاول تنساها اخي علاه ماتشوفش بنت من نفس مستواك و تكون رزينة و عارفة روحها واش راهي تدير ماشي كيما هذي حباتك يامات و كي لحق وقت الصح بانتلها قرايتها درك تزيد تعييك أنساها اخي و تب ال الله و اخرج من هذه العلاقة بسلام و خلي المكتوب وحده يجي ليك بلا ماتعب نفسك و أفكارك خمس سنين يسمة مشيت معاها م المتوسط هذه مراهقة و تعييك اسألها سؤال نهايي قولها اذا تقبلي و لا لا خليني نشوف حياتي راج راجل و بخدمتك و يقيمتك ماتقعدش تحلل فيها أنا مانحبش هذه العقلية انشاالله بعد عليها أكيد تنساها

[نور اليقين29]

حاول تختار بنت الاصل اخي وكيما يقولو الي باعك بيعو

[Amouna.DZ]

ربي يفرج عليك يــــــــــــــــــــــــــــــارب

[selma 1993]

السلام عليكم
اخي سبق لي وان قرات مواضيعك وانت تتحدث عن هده الفتاة وانطلاقا من كلامك وحديثك عنها اتضح لي انك تحبها حبا جما وافضل ماقمت به هو التقدم لخطبتها لان نيتك الحسنة قد اتضحت لها ولاهلها نت قلت بلي اهلها رافضين لفكرة انها تتزوج قبل خواتاتها الي اكثر منها وماتنساش بلي الاهل عندهم اثر كبير على الطفله وبالاك هي راهي تحس روحها صغيرة صح خاطر انا راني في نفس سنها يعني 18 سنة نحس روحي صغيرة على الزواج ننصحك ضكا انك تنحي فكرة الزواج من بالك هاد العام وتكنفي بالخطبة برك هدا ادا تمت الموافقة خاطر الطفله صغيرة ومانظنهاش قادرة على تحمل مسؤؤولية الزواج وباش تعرفها نيتها معاك قدم لها جميع الحلول قولها نخطبك ولعرس مايكونش السنة ادا قاتلك صغيرة قولها نجي نخبطك بعد عام او اي فترة تحددها نت وقدم ثاني اي حل اخر تشوفو نت مناسب ليك وليها ادا شفت بلي مااقتنعت بحتى حل وماقبلت بحتى حل اعرف بلي الطفله ماهيش شارياتك وهنا مابقالي نقولك غير اجبد روحك وحاول تنساها وخيرها في غيرها وخلاص واللوم راه عليك وعليها
مع تمنياتي ليك نشالله باش يقبل باباها وتسهلك الحاله ونشالله يجمعكم ربي فلحلال باش يرتاح قلبك وتتهنى
دون انسى نوصيك بصلاة الاستخارة استخير ثم استخير ثم استخير فماخاب من استخار

[**مياس تسنيم**]

نصيحة من اخت ....اولا ادعي ربي يفرج عليكم ...ثانيا دير لي تقدر عليه
نقولك هي كي راهي مش تحكي معاك راهم ضاغطين عليها اخواتها ويقنعوا فيها وهي مازلت صغيرة ومتعرفش
اياك ثم اياك تفرط فيها و فهمها بشوي و اهلها اديلهم ناس عقلاء يحكو معاهم او حتى الامام

صدقني اذا تخليت عليها انت ما تنسى و هي اكثر منك
ربي يفرج ان شاء الله

[الواثق]

يا أخي نحن رجال لا تنسى هذا واذا كانت ليست من نصيبك وعلاه التحلال راك طيح بقيمتك .......................ياخويا راهم كاين بالالاف وكامل يتمناو الزواج واذا كنت ماشاء الله عندك عمل وانت متدين ومتخلق فالكل يتمناوك ...................فقط انصحك ابتعد عن المحرمات والعلاقات الغير شرعية ................وكون رجل وعندك كلمة متمرضكش طفلة مانيش عارف واش تكون ...................انا لو كان نعرف طفلة تهبطلي وزني كيلو .................نعاود نفورماتي روحي كامل........................انا صح نخمم ونفكر لكن ماشي نفكر في وحدة وهي مرة تقول ايه ومرة لا لا .............وابوها ماشي موافق اصلا ................................انا نخمم ودائما اطلب من الله ان يرزقني وابحث واجتهد لكن بوسائل شرعية مانهدر معاها ما تهدر معايا .....................اصلا يسموها الهدرة من الهدر ......................وعلى بالك اذا خليت الناس تهدر عليك رايحين يمرضوك اكثر واكثر ......................دير موقف واتكل على الله وجدد التوبة وابتعد عن المناهي وسترى انك تكون سعيد ولو لم تجد من تتزوجها لفترة فلان القادم سيكون امنيتك التي انتضرتها...........................والناس كامل راهي تخطئ وجل من لا يخطء..........................بالتوفيق اخي وحسن الله احوالك وردك اليه ردا جميلا.............................

[mark2000]

خليك راجل و الراجل ما يبكيش و الي باعك بالفول بيعو بقشورو و حكاية عندها خاوتها اكبر من طرف اهلها هذي حجج ورفض بطريقة غير مباشرة واما كلامها انها مازالت صغيرة و انها تحضر للباكالوريا بالرغم انها من قبل كانت تلح على الخطبة!!! انا على يقين انه يوجد من هو افضل منك في حياتها , حتى ولو لايوجد اي شخص في حياتها لكن تترددها و صدها لك يوحي بانها غير مقتنعة بك كزوج و من جهتك انت فانك تشك في انها مرتبطة بغيرك يعني انك غير مطمئن لها فلا تحاول ان تقنع نفسك بغير هذا ,نصيحتي لك يا اخي تنزع فكرة الحب من راسك و كن واقعي و صلي صلاة الاستخارة فان كان فيها خير فيسهل الله لك الامر و اذا كان العكس فيصرفها الله عنك , و كل شيء بالمكتوب

[فتـ حييةـاة]

يا اخي انا اكبر اخواتي وبعدي ثلاثة اخوات اصغرهم تصغرني ب 8سنين خطبها شخص ولم توافق مع انها تحبه ويحبها حتى اخبرتني احدى صديقاتي بانها لو توافق من اجلي لكي لاتجرحني فطبعا انا رحت صارحتها واقنعت اهلي بذلك واكيد هي اختي و راح افرح لفرحها....ومش شرط انا مجانيش مكتوبي نحرم عليها هي انت اكيد تحبها وهي لم توافق لانها محرجة من اخواتها اللي اكبر منها وكاين عائلات جزائرية الله يسامحها عندها قانون يقول الكبرى تتزوج الاولى .انا من راي تبعث وحدة تجسلك النبض تقوللها انو فلان يحبك لماذا لم توافقي فان كانت تحب اخر طبعا انت انسحب وان كانت محرجة من اخواتها فقط اقنعها انكم راح تنخخطبوا فقط والزوااج فيما بعد لما توافق دي معاك جماعة كبيرة كيما نقولبالعامية الجاه وروح خطبها اكيد باباكها راه يحشم ويمدهالكم ان شاء الله......................

[شذا الربيع]

السلام عليكم ورحمة الله وبركاته
أخي الكريم برأيي البنت عليها ضغوطات من طرف أهلها وربما صديقاتها في الثانوية وربما لا تود أن تنشغل بأمرين إثنين في نفس الوقت فلا تنسى أن تفكيرها ينضج ويكبر وكل مرة إلى الأحسن بإذن الله
حاول أن تقنعها أنه ستكون خطبة فقط والزواج بعد سنتين أو بعد مدة تحدداها معا وإلا أجلا الخطبة إلى نهاية امتحان البكالوريا ولوقتها هي تكون قد اجتهدت ونجحت بإذن الله وأنت قدرت على إقناع أهلها
وإلا فاسألها مباشرة ما هدفها من العلاقة إذن وانصحها أخي الكريم ولك أن ترى ما يناسبك وما الذي يريحك
وقبل كل شيء لنا الله ولما أن نستخيره في أمورنا

[fatih84]

fشكرا لردودكم لكن نسيت ان اخبركم ...في علاقتي معها الكثير من المشاكل اخطات في حقها حتى اني خنتها مع اعز صديقة لها ....لحضة ضعف زد على ذالك كيد صديقتها و غيرتها او قعتني في الفخ .....ورغم كل ذالك هي مازلت حت اليوم لا تفارق صديقتها التي خنتها معها ....انا على طبيعتي إنسان شكاك دائما اراقبها دون ان تراني صدقوني مدة 5 سنوات لم اجد دليلا على وجود شخص اخر ....حتى انها لا تملك الهاتف النقال و الله اعلم بالسبب الحقيقي لرفضها ......لغز محير لكن دائما لا اتقبل فكرة انها لا تحبني و دائما في صراع مع نفسي و اقول لن اتركها و لن اسمح فيها و حتى و لو رفضتني سياتي اليوم و تغير راءيها ....و اتمنى من كل قلبي ان لا تنال شهادة البكالوريا هذا العام ربما هذا سيكون سببا في تغيير رايها .....

[m3mar47]

الله يديهه هدا الاب

[fatih84]

fشكرا لردودكم لكن نسيت ان اخبركم ...في علاقتي معها الكثير من المشاكل اخطات في حقها حتى اني خنتها مع اعز صديقة لها ....لحضة ضعف زد على ذالك كيد صديقتها و غيرتها او قعتني في الفخ .....ورغم كل ذالك هي مازلت حت اليوم لا تفارق صديقتها التي خنتها معها ....انا على طبيعتي إنسان شكاك دائما اراقبها دون ان تراني صدقوني مدة 5 سنوات لم اجد دليلا على وجود شخص اخر ....حتى انها لا تملك الهاتف النقال و الله اعلم بالسبب الحقيقي لرفضها ......لغز محير لكن دائما لا اتقبل فكرة انها لا تحبني و دائما في صراع مع نفسي و اقول لن اتركها و لن اسمح فيها و حتى و لو رفضتني سياتي اليوم و تغير راءيها ....و اتمنى من كل قلبي ان لا تنال شهادة البكالوريا هذا العام ربما هذا سيكون سببا في تغيير رايها .....

[fatih84]

أنا متخرج و عامل و هي 18 سنة و مقبلة على شهادة البكالوريا بعد علاقة 5 سنوات الأن حان الوقت و ارسلت أهلي ليخطيبوها لي . حدث ما لم يكن في الحسبان ابوها لم يوافق و السبب انه قال لاهلي . لدي ثلاث بنات اكبر منها لم يتقدم احد حتى الأن لخطبة اي منهم فكيف . تتزوج الصغرى قبلهم .. . مع العلم لديها ثلاث اخوات اكبر منها -24 سنة -26سنة -31سنة وواحدة اخرى اصغر منها 15 سنة . ثم قال لأهلي ربما إذا تزوجت إحدي إخواتها فلا مشكل
......هل هذا عدل و إنصاف ام جهل ام ماذا و ما العمل ايعقل ان يتحدد مصير زواجي بي من احبها ....بزواج أحد إخواتها ...
و ا إخواني راني 4 سنوات حياتي و الشيء الوحيد اللي نفكر فيه ليل نهار طول هذه المدة هي فرات . و نقول هذا سحر عضيم ....و نفكر مع نفسي و نسأل نفسي و نقول علاه ياربي حياتي كلهامعلقة بهذي الفتاة ...هي فتاة عادية جدا متوسطة الجمال و عمرها الأن تقريبا 18 سنة الناس كلهم تعجبوا و قالو عليا مجنون ...
ياريت نقدر ننساها و نرتاح خايف من المستقبل و خايف تضيع حياتي ...من هم إلى غم ....إستعملت جميع الطرق ..الرقية من طالب لطالب .....لكن دون جدوى ...ما قدرت نبعد ما قدرت ننسى ما قدرت نصبر ....نموت انا او تموت هي ياريت ...جاوبوني هل هذا حب او سحر او ماذا ....راني في عذاب كبير ..حتى صحتي راحت ..من التخمام فيها بزاف و التفكير ....صدوقوني قبل ما نعرفها2006 كنت في الميزان 75 كلغ و الأيام هاذوا الميزان نتاعي 56 كلغ فقط ...حتى الشكل نتاعي تغير حتى لليوم راني مازلت نعاني ....و هي رافضة نخطبها منذ ثلا ث اشهر ما سقساتش عليا ما قدرتش نقنعها تقبل بالخطبة ....حتى اني اصبحت نشك بلي راهي تحب واحد أخر .....و قالتلي انها مازلت صغيرة و ما تفكرش في الزواج و من قبل كانت تقولي اخطبني...كي جيت نخطبها هي رفضت و اهلها رفضو ....بعد علاقة 5 سنوات ترفضني ....و تقولي راني منشغلة بالبكالوريا و مازلت صغيرة ما فهمتش ...ربما يكون واحد اخر تحبو و يحبها و ما حبتش تجرحني ......و دائما نحاول نتصل بيها و نكلمها ترفض ......و الله العضيم ما فهمت منها والو .....الوم عليا او عليها .....جاو بوني .....بارك الله فيكم
fشكرا لردودكم لكن نسيت ان اخبركم ...في علاقتي معها الكثير من المشاكل اخطات في حقها حتى اني خنتها مع اعز صديقة لها ....لحضة ضعف زد على ذالك كيد صديقتها و غيرتها او قعتني في الفخ .....ورغم كل ذالك هي مازلت حت اليوم لا تفارق صديقتها التي خنتها معها ....انا على طبيعتي إنسان شكاك دائما اراقبها دون ان تراني صدقوني مدة 5 سنوات لم اجد دليلا على وجود شخص اخر ....حتى انها لا تملك الهاتف النقال و الله اعلم بالسبب الحقيقي لرفضها ......لغز محير لكن دائما لا اتقبل فكرة انها لا تحبني و دائما في صراع مع نفسي و اقول لن اتركها و لن اسمح فيها و حتى و لو رفضتني سياتي اليوم و تغير راءيها ....و اتمنى من كل قلبي ان لا تنال شهادة البكالوريا هذا العام ربما هذا سيكون سببا في تغيير رايها .....

[البنت السوفية]

انا انقلك ربي يفرج عنك وعن جميع المؤمنين بصح الطفلة راهي صغيرة ياسر رررر مزالت في سن المراهقة يعني مش تع مسؤولية والأب عنده حق لازم بنته تكون كاملة وواثقة من تصرفات وذلك حتى تصل سن الزواج الحقيقي لازم تكمل دراستها يا اخي العشق يدوم على الأكثر ثلاث سنوات ويزول تبقى غير تربية الأولاد يعني لازم تكون متفهمة ومتعقلة حتى تكون اسرة صح انت لازم تعطيها فرصة خليها تكمل الباك بلاكش ربي يجيب مكتوب ؟لأخواتها وتتحل منشكلتك