قاطو خفيف بالشكلاطة للعصير

[srour]

هذا القاطو مجربتوا دايما في المناسبات والله ماتندمو يصلح مع العصير وصفة سهلة اقتصادية وبنينة جربو وادعولي سامحوني على الإطالة وأسفة ما عنديش الصورة

المقادير
500 غ زبدة أو مارغرين
9 بيضات.سكربعلبة المارغرين لكن ممعمراش تقريبا فوق النص
2 خميرة نوارة
لفاني كيس
فرينة كيلة ونصف بمقدار علبة الزبدة.شكلاطة.نواد كوكو للتزيين
التحضير
نفصل البياض عن الصفار .في اناء كبير نضرب بياض البيض حتى يصبح كاثلج ونتركه جانبا
ناتي للإناء لي فيه الصفار نضيفلوا السكر +لفاني ونخلط جيد نضيف الزبدة ونخلط حتى يندمج الخليط جيدا نضيف الفرينة تدريجيا + الخميرة نخلي شويا فرينة احتياطي ونضع بياض البيض المخفوق ونحرك بملعقة خشبية برفق حتى نتحصل على جرينة تكون مثل المادلان لكن ناشفة عليها شويا نقسم العجين على 2 ونضع كل وحدة في بلاطوا مدهون بالزبدة ونحطها تطيب وتطلع من بعد نقسمها مستطيلات حجم 4 سم عل 2سم نذوب الشكلاطة مع شويا زبدة وماء الزهر باه تكون جارية شويا ننقع المستطيل في الشكلاطة ثم نمرغها في نواد كوكو حتى تشيح.صدقوني طعمها يهبل وخفيفة
ملاحضة هذا الكمية تعملك تقريا 180 حبة يعني للمناسبات وممكن تعمل نصف الكمية في العيد مثل أنا أستعمل 250غ زبدة وكأس سكر و5 بيضات.جربوا بنصف الكمية أولا .
أرجوا أن تنال اعجابكم

[inasso R]

merci hanouna rah nsayé njarbo

[srour]

شكرا على الرد السريع تمنيت تكون عندي صورة الله غالب

[merieme hassi]

يعطيك الصحة حنونة

[هم كريم]

مشكورة اختي على الوصفة بارك الله فيك

[OU SS AMA]

بارك الله فيك اختي

[remadna]

المشاركة الأصلية كتبت بواسطة srour

شكرا على الرد السريع تمنيت تكون عندي صورة الله غالب

بارك الله فيك
ان شاء الله ينوب عليك ربي بصوارة مليحة و تصوري بها وصفاتك

[ام إثري]

يعطيك الصحة
يبان مليح خاصة راهو يدير كمية كبيرة

[srour]

بارك الله فيكم على الردود نتمنى تفيدوني بوصفة تقدم مع العصير خاطر هذي درتها بزاف حايبة نبدل.وماتنساوش في التزيين تمرغوا الحبة في الشكلاطة حتى تشربها كاملة وتشوفي اللون كامل بني هكذا باه تجي خفيفة بزاف وبنينة السر في الشكلاطة لازم تكتري باه ما يجيش شايح والأفضل تخدمو قبل التقديم بيوم أو يومين فقط يقدم جديد أحسن.

[lina18258]

باين بنين القاطو لي بالشكلاطة كامل الناس يحبوه راني نجربوا ان شاء الله
بارك اللهفيك على الوصفة

[lyna2007]

merci pour cette recette

[mimicha1977]

يعطيك الصحة

[الصوامعية]

شكرا اختي تبان مليحة راني حابة نجرب نصف المقادير شعال ندير فرينة و خمارة. لازم المرغرين نتاع العلبة منقدروش نديرو مرغرين لجي في الكاغط

[srour]

أسفة أختي على الرد المطول كنت مريضة 15 يوم في الفراش والحمد لله المهم كي تحطي نصف الكمية تديري 5 بيضات وربع زبدة انا حبيت نقول الزبدت تاع لباط باه مقادير الفرينة تجيك مضمونة لكن انتي عينك ميزانك ديري 2 كيسان وشوفي المهم ما تكونش عاصية لازم العجينة تجي جارية ناشفة شويا برك على المادلان خاطر كتتغلف تزيد تخفاف بزاف لو تكون خفيفة بزاف كتحطي الشيكولا تتفتت فهمتي عليا جربي ومتخافيش

[BACHIRA2]

بارك الله فيك اختي