طقت ذرعا بهم

[thorpe]

سلام عليكم


اهلا وسهلا اخوتي

صراحة موضوعي لهذا اليوم قد يكون جريئ ومفاجئ للكثير

لكن اعذروني لاني طقت ذرعا والله


طقت ذرعا بهم وبما يفعلون


زملائي وزميلاتي في الدراسة لا يوجد اليوم حاجز واحد يفصل بينهم

الاسابيع الماضية كانت ((( شووووك )) تفاجات والله

لا اعرف كيف ولماذا وماهي الغاية ؟؟



كنت اجلس في اخر القسم معي جهاز ايبود استمع لبعض الموسيقى ريثما يصل وقت الخروج

بينما في الجهة المقابلة كات تجلس مجموعة من الزميلات والزملاء اذ بهم ينفجرون ضاحكيني

وقفت جهاز ((الايبود )) لارى مالذي يضحكهم ؟؟

نظر الي احد الزملاء فابتسمت له وقلت (( واش بيكم هذا واش راه يضحك فيكم ؟؟ ))

فنظروا الي نظرة حيرة ممزوجة ببعض الحسرة حسبما يعتقدون

وانفجرو ضاحكين

توسوست صراحة وبدات اعصابي بالثوران خاصة هاد الحكايات انا ما نحبهمش

اذ باحدى الزميلات قالت (( حسين والله ماهو سامع بالدنيا وراه ما علابالو بوالو ))

زاد شكي وبديت ننوي الشر فيهم (( الحمد لله يعرفني الكل اني ناس ملاح لكن اذا حبيت نكون العكس رايح نكون اشر الناس ))


ربما هي سلبية (( ههه دونها اخي محمد الجديد التبسي ههه في موضوعك ))


وقفت وتوجهت صوب المجمع الجالس لارى مالذي يضحكهم ومالذي جعلها تقول اني ما علابالي بوالو

اذ بي ارى جهاز موبايل بيد احد الزملاء والجماعة كامل ملتفة حوله وكانهم جامي شافو موبايل متطور

فسالته مابكم تضحكون ؟؟ واش راكم تتفجوا ؟؟
فضحك الزميل وقالت بعظهن (( نعتلوا نعتلوا ))

فشغل الجهاز والله تعقد لساني ورجعت بكل هدووء الى مكاني وكاني لم ارى شيئا

والله والله والله لم اجد اي وصف ولا اي شيء استطيع التعبير به عن شعوري


جماعة كلها بنات وذكور تشاهد مقاطع الرذيلة ويتضاحكون وكانه مقطع كوميدي

صراحة ما لقيت وش نقول

قمة الاسى اذا اصبحنا نجاهر بالمعصية لهاته الدرجة

لو ربما رايت شاب وفتاة في الطريق يختليان ببعضهما والله بالاك نعذرهم ونقول الشيطان بينهم وراهم رايحين يسترو رواحهم

لو اني رايت شاب او فتاة تشاهد لوحدها امور هاكذا ربما استطيع ان التمس له العذر

لكن وصل بينا الوقت ولينا نريحو في مجمع مختلط ونعرضو المقاطع ونتراسلها هذا امر لا ولم ولن يتقبله عقلي بعد


صدقوني اخوتي والله العظيم شاهدت مرة فيلم امريكي اجتماعي دخل بعض الشباب على صديقهم في الاقامة فراوه يشاهد امور هاكذا فضحكو منه واعتبروه مريض ووووو

هاذو كفار يا عباد ربي وعرفو بلي راه امر غريب وخارج عن العقل

ونحن في بلد عربي مسلم ومن عائلات مسلمة اصبحنا نجتمع لا مبالين بجنس الحضور ونعرض عليهم هاكذا امور وفوق كل هذا نضحك ونقهقه

حين وصل وقت الخروج توجهت لزميلي
قلت له معليش ننصحك ؟
قال تفضل

قلت له شوف اذا حاب تشوف امور هاكض شوهم بمفردك على الاقل لو كي تدي الاثم تديه وحدك وما تديش اثام كل الجماعة

ضحك وقال هاذو قليل ومن بين هاد المقاطع هناك مقاطع ارسلتهم له احدى الفتيات وهو يتادل المقاطع معها

هنا قلتلو سلام عليكم



ساكتفي لاني طقت ذرعا بهم ومذ ذالك الحين لم يعد يهمني ما يفعلون

رسالتي لهم ولكل انسان فكل انسان يخطئ ويصيب
اذا حبيت تعصي ربي ما تعصيهش جهرا على الاقل طمعا فالمغفرة


جازاكم الله كل خير

اخوكم حسين thorpe

[jonegoma]

هذه الفئة تافهة ولاتستحق حتى النصيحة ولهذا لاتبالي بهم اعطيتهم قيمة اكبر وهم في الاصل لايملكون قيمة في الاساس يظنون انهم في قمة التطورفئة غبية بلفعل اصلا لايعرفون مايدور في الخارج لانهم قوقعة من الغباء وصفتهم بقسوة ربما لانهم لايسمعون النصيحة وبلاضافة يستهزؤون فليذهبوا الى الجحيم مشكور دمت بود

[نظام الفوضى]

وعليكم السلام ورحمة الله

شاهد الفيديو هذا

واذا أكملته


ستعرف الفرق





بوركت

[tarek1987]

كارثة والله كارثة ان تتم المعصية جهرا فتلك كانت عادة اليهود والله بتلك الافعال أرسل عليهم الآفات والعقوبات .... وقد نرجع مرة أخرى إلى موضوع التربية والحياء
ربي يرحمنا ويهدينا
سلام

[محمد جديدي التبسي]

بارك الله فيك أخي حسين وربي يصلح أحوالنا أخي الكريم

أساتذة في الثانويات وجدوا ما يُستحى من ذكره في المحمول بالنسبة للفتيات فما بالك بالذكور

الله المستعان، نسأل الله السلامة وأن لا يؤاخذنا بما فعل السفهاء منا

هدانا الله أجمعين

شكرا على الموضوع أخي

ولا تنسى مواضيعك السابقة فالبعض يعاتبك لأنك لم ترد على مشاركاتهم

الله يجزيك كل خير أخي القسنطيني راني قريت عندكم في جامعة الأمير وتخرجت من هناك منذ سنتين

المرة القادمة اذا جئت لازم نتلاقاو ان شاء الله

وهاذي في خاطرك أخي

السلام عليكم

[اية الرحمن1988]

مستقبل البلاد وين رايح
المستوى الحقيقي لثقافة شبابنا
لا علم ولا تربية
ان شاء الله اللي يقرا موضوعك يدير احتياطو المرة الجاية وتفيد ناس بزاف
بارك الله فيك على الموضوع

[مشكاة الهدى]

اللهم نسالك الستر والعفاف
والثبات على الدين والعقل
ان يبلغ الانحلال هذ ا المستوى في مدارسنا واماكن التعليم على الدنيا السلام
دهشت وانا اقرا الموضوع كنت اتوقع انهم يضحكون عليك او يتنابزون فيما بينهم
ابدا لم يخطر ببالي ما كتبت
ربي يهدي ما خلق
فعلا
ان لم تستحي فافعل ما شئت

[أمآآآآني البنفسج]

لاحول و لاقوة إلا بالله العلي العظيم

ربي يهديهم و يسترنا و يحفظنا من هكذا أمور

أبقى كيم راك راك هايل ماك فاهم والوا خير ما تفهم فهامة خاسرة

و زيد أخي حسين علاش تقول بينك و بين نفسك ماعليش

لأننا لو حللنا هذا الأمر بيننا و بين أنفسنا مع مرور الوقت نتعود عليه و يموت ضميرنا

فيقل حياؤنا و نصبح مثلهم نتفرجها علنا ..

الله لا يوصلنا لهكذا يوم ..

ملاحظة أخرى .. طقت ذرعا أم ضقت ذرعا ؟؟

[jonegoma]

انها فئة تثير الشفقة

[ميرة34]

صراحة أنا راني تشوكيت أطلب من الله ان يسترنا ويحفظناويهديهم

[thorpe]

المشاركة الأصلية كتبت بواسطة jonegoma

هذه الفئة تافهة ولاتستحق حتى النصيحة ولهذا لاتبالي بهم اعطيتهم قيمة اكبر وهم في الاصل لايملكون قيمة في الاساس يظنون انهم في قمة التطورفئة غبية بلفعل اصلا لايعرفون مايدور في الخارج لانهم قوقعة من الغباء وصفتهم بقسوة ربما لانهم لايسمعون النصيحة وبلاضافة يستهزؤون فليذهبوا الى الجحيم مشكور دمت بود

السلام عليكم
اهلا بك اختي جمانة

والله تقول صح راكي معانا
لانو كاين وحد العقلية تدور تاع التطور وغيرو
الناس فاهمة لتطور والرقي بشكل حيرني
وكاين الي شتاقت تكبر وتديشوي حرية
كيداتها ما عرفتلهاش
بارك الله فيك وجازاك كل خير على تواجدك الطيب

[thorpe]

المشاركة الأصلية كتبت بواسطة **فارس**

وعليكم السلام ورحمة الله

شاهد الفيديو هذا

واذا أكملته


ستعرف الفرق





بوركت

سلام عليكم

اهلا بك اخي فارس

صراحة فيديو قمة وهو الي عطلني عليكم سينو راني بديت نرد
لحد الان راه في الوسط راك تعرف حالة النيت

لكن هذا الفيديو يحكي على الفرق بين الاسلام والمسيحية
يا ولدي الشي الي راه معمر قلبي ما لقيتوش حتى فالمسيحيين
ربي يهدينا
جازاك الله كل خير

[thorpe]

المشاركة الأصلية كتبت بواسطة tarek1987

كارثة والله كارثة ان تتم المعصية جهرا فتلك كانت عادة اليهود والله بتلك الافعال أرسل عليهم الآفات والعقوبات .... وقد نرجع مرة أخرى إلى موضوع التربية والحياء
ربي يرحمنا ويهدينا
سلام

سلام عليكم
اهلا بك طارق اخي

ربي يقول فالقران الكريم
ل(( لا يستوي الذين يعلمون والذين لا يعلمون ))
هاذو الناس متعلمين يا خويا وزيد عالمين بلي الجهر بالمعصية امر كبيييييييير
ربما فعلا لا يستوون مع البقية لانهم يا اما الفوووووووووووق فالعلالي كيما راهم يشوو في رواحهم
ولا لتاااااااااااحت في الحضيض واحد ما يشوف فيهم غير هومايشوفو في انفسهم
جازاك الله كل خير

[thorpe]

المشاركة الأصلية كتبت بواسطة محمد جديدي التبسي

بارك الله فيك أخي حسين وربي يصلح أحوالنا أخي الكريم

أساتذة في الثانويات وجدوا ما يُستحى من ذكره في المحمول بالنسبة للفتيات فما بالك بالذكور

الله المستعان، نسأل الله السلامة وأن لا يؤاخذنا بما فعل السفهاء منا

هدانا الله أجمعين

شكرا على الموضوع أخي

ولا تنسى مواضيعك السابقة فالبعض يعاتبك لأنك لم ترد على مشاركاتهم

الله يجزيك كل خير أخي القسنطيني راني قريت عندكم في جامعة الأمير وتخرجت من هناك منذ سنتين

المرة القادمة اذا جئت لازم نتلاقاو ان شاء الله

وهاذي في خاطرك أخي

السلام عليكم

وفيك بارك الله اخي محمد
ربي يجازيك
كل كلامك في محلو
وربي يهديني ويهديك ويهدي كل المؤمنين

بالمناسبة والله غير اثلجت صدري كي سمعت بلي قريت هنا في الجامعة الاسلامية
يا خويا مرحبا بيك في كل وقت
لي الشرف في ملاقاتك
احبك في الله

[thorpe]

المشاركة الأصلية كتبت بواسطة اية الرحمن1988

مستقبل البلاد وين رايح
المستوى الحقيقي لثقافة شبابنا
لا علم ولا تربية
ان شاء الله اللي يقرا موضوعك يدير احتياطو المرة الجاية وتفيد ناس بزاف
بارك الله فيك على الموضوع

سلام عليكم

اهلا بيك اختي اية الرحمن

كلام صواب وعين العقل
نساو ربي قلنا ماعليش ماناش متشديين
نساو العادات والتقاليد قلنا ما عليش هي تخلف
نساو بلي راهم في مكان تاع علم قلنا ماعليش خلي نتنفسو شوي
واش ولينا ننساو ثاني بلي رانا في جماعة ومخلطة بنات وذكور من فوق ؟؟
هذا العما وليس النسيان ولا التناسي
ربي يحفظك