كرهت ..ممكن مساعدة

[سما الايام]

يالبنات حبيت نطلب طلب هي الكوزينة واجبة علينا كيما قال واحد مهما تقراين يامسكينة فمصيرك الكوزينة هههههههههه لاباس بنات ممكن مساعدة يما قاتلي دالتك رمضان هذا السنة عليك الطياب وانا مانعرف والو حاجة باينة نعرف نقلي البطاطا هههههههههه حبيت نفتح هذا الموضوع كاش ماتعلموني طبخات باش مايقولوش هاذي يديها مكسرييييييين ارجوكم ارجو الرد علي

[الأمنيات]

اختي روحي لقسم الطبخ وحطي طلبك
ولا زوري هاد الرابط
https://www.djelfa.info/vb/showthread.php?t=1300930

[maiar]

والله يا اختي ما تنفعك غير خدمة يديك و رمضان هو الوقت المناسب باه تتعلمي بلعقل برك تتعلمي بربي ان شاء الله و تولي تبدعي

[سما الايام]

شكرا خواتاتي راني عارفة غير يدي لي ينفعوني

[ghaza_01]

ههههههههههه الكوزينة هي المصير والله قل مكتوبة علينا في حياتنا انا هذا وين خرجت منها
ديريلهم الماقارون والعدس مي حطيهم في اطباق مليحة هههههههههههههههههههههههههههههههههه
باش يعدموك ههههههه

[moha75]

إعتراف صرييييييييييييييح وراااائع فعلا،
أحيييييييييييك على الشجاعة والصراحة،
من شويا فقط كنت نشوف فيديو للشيخ شمس الدين،
يقول فيه بنات هذا الوقت ما يعرفوش حتى يغلو الحميصة،
ويعرفوا غير ينقوا أضافرهم فقط،
وأحزنني هذا الكلام لأنه حقيقة لا مناص منها،
عندي اختي كانت ما تعرفش بزاف تطبخ،
لأن الوالدة ربي يحفظها تخدم كل شيئ،
لكن في السنوات الأخيرة ومع كبر سن الوالدة،
كان لزاما عليها تعلم الطبخ ،
يعني ضرورة حتمية هههه
والحمد لله صارت طباخة ماهرة ،
وندمت بزااااااااف على السنين اللي فاتت،
كانت دائما تقول منعرفش وصعيبة الكوزينة،
ولما دارت في راسها باش تتعلم،
والله أبدعت وطيابها حللوووووو .
لهذا كل بنت لازمها تتعلم الطبخ،
ومن سن مبكرة أحسن 13 ، 14 سنة.
الكوزينة مش شبح أو إنتحار او موت،
يخافوا منو البنات،
بالعكس رانا شفنا رجال تعلموا الطبخ،
وصاروا أحسن ببعيد من النساء،
ونجد أن أحسن طباخ عالميا أحيانا نصيبوه راجل.
لهذا المرأة وإن تعلمت ومهما كان مركزها،
فالمطبخ لا بد منه طال الوقت أم قصر.
ربي يهدي بناتنا لما في الخير.
امين.

[ghaza_01]

المشاركة الأصلية كتبت بواسطة moha75

إعتراف صرييييييييييييييح وراااائع فعلا،
أحيييييييييييك على الشجاعة والصراحة،
من شويا فقط كنت نشوف فيديو للشيخ شمس الدين،
يقول فيه بنات هذا الوقت ما يعرفوش حتى يغلو الحميصة،
ويعرفوا غير ينقوا أضافرهم فقط،
وأحزنني هذا الكلام لأنه حقيقة لا مناص منها،
عندي اختي كانت ما تعرفش بزاف تطبخ،
لأن الوالدة ربي يحفظها تخدم كل شيئ،
لكن في السنوات الأخيرة ومع كبر سن الوالدة،
كان لزاما عليها تعلم الطبخ ،
يعني ضرورة حتمية هههه
والحمد لله صارت طباخة ماهرة ،
وندمت بزااااااااف على السنين اللي فاتت،
كانت دائما تقول منعرفش وصعيبة الكوزينة،
ولما دارت في راسها باش تتعلم،
والله أبدعت وطيابها حللوووووو .
لهذا كل بنت لازمها تتعلم الطبخ،
ومن سن مبكرة أحسن 13 ، 14 سنة.
الكوزينة مش شبح أو إنتحار او موت،
يخافوا منو البنات،
بالعكس رانا شفنا رجال تعلموا الطبخ،
وصاروا أحسن ببعيد من النساء،
ونجد أن أحسن طباخ عالميا أحيانا نصيبوه راجل.
لهذا المرأة وإن تعلمت ومهما كان مركزها،
فالمطبخ لا بد منه طال الوقت أم قصر.
ربي يهدي بناتنا لما في الخير.
امين.

والله عندك الحق
انا ماكنتش نحب الكوزينة لكن مع الوقت والفت عليها
ودايمن نحب ندخل نخلط كاش حاجة
ماما ماتخلينيش تقلي وقت العطلة تعلمي وكي جات العطلة تقولي انتي شدي القضية وانا الطياب
بصح قعدت في بالي كل ماتخرج ماما نخكم نخلط حاجة حتي حكمت يدي مليح

[moha75]

المشاركة الأصلية كتبت بواسطة ghaza_01

والله عندك الحق
انا ماكنتش نحب الكوزينة لكن مع الوقت والفت عليها
ودايمن نحب ندخل نخلط كاش حاجة
ماما ماتخلينيش تقلي وقت العطلة تعلمي وكي جات العطلة تقولي انتي شدي القضية وانا الطياب
بصح قعدت في بالي كل ماتخرج ماما نخكم نخلط حاجة حتي حكمت يدي مليح

عندك الحق لازمك تتعلمي ومعليش تغلطي في الدوزان مرة ومرتين،
لحد ما تصيري تتحكمي فيه وتعرفي الخلطة مليح،
انا عن نفسي ما نصدق فتاة تقولي الكوزينة صعيبة،
ومنقدرش نتعلم ومنعرفش، ويديا ما فيهمش البنة،
البنت لما تحب تتعلم أكيد راح تصير تعرف تطبخ،
المشكلة بيناتنا في الأمهات ربي يهديهم،
من المفروض البنت لما تبلغ سن 13 و 14 تبدأ أمها تعلمها،
بشويا بشويا تلحق سن العشرين ما شاء الله تصير تعرف كل اسرار الكوزينة.
والله لما سمعت الشيخ شمس الدين يحكي على البنات بسخرية،
غاضني الأمر لأن كلاموا للاسف صحيح،
تروح تخطب طفلة يقولولك شرطها 40 مليون،
والعرس كلو على بعضو يلحق لل 100 مليون،
في وقت الطلفة المسكينة تلقاها الحميصة متعرفش تغليها،
مش منكر هذا ؟؟؟؟؟؟؟؟؟؟؟؟؟
ربي يكون في العون.

[sarah1424]

سلام
انا تاني كنت منعرف ندير والو
الفضل يرجع لله ولقسم الطبخ تما تتعلمي كلش بالصور والمقادير العضوات اكثر من رائعات يعلموك كلش
انا مشكلتي منيش منضمة وكي نطيب نتعب ونحب واحد ينضملي وينضفلي وماما قاتلي هكا متخرجنيش يا ديري كلش وحدك يا مطيبيش
متفاهمناش اما تعلمت وطبقت حوالي 100 تطبيق ناجح انضمي لينا

[FellaD]

يا ختي الحمد الله معنديش. هذا المشكل من بكري نحب الكوزينة و نحب نطيب او نخلط او نسيي كلش حتى وليت ندير وصفات من راسي او يخرجو روعة

ساعات نريح حتى كثر من خمس ساعات ف الكوزينة من عشا او تنظيف او حلوة الا حبيت نديرها

نتي مدامك نوييتي تطيبي تقدري على كلش ادخلي الكوزينة او نتي فرحانة الماكلة ماشي وصفة الماكلة نفس. او قد ماتكوني مريحة او فرحانة قد ماجي ماكلة حلوة

باش تتعلمي الحمد الله كاين ركن المطبخ و الوصفات في المنتدى يساعدوك. بالصور و المقادير الدقيقة او الا. خصك اي شئ راني هنا.

[نجود اكرام]

ما تحيريش راكي بالشوي بالشوي تتعلمي خطرة تصيب خطرة تخيب وتولي طباخة ماهرة

[*اية*]

ان شاء الله تتعلمي ونتعلم انا ثاني بصح انتي هاردتها غير البطاطا على الاقل نعرف نطيب شوي الكسرة

[سما الايام]

مليح راكي تعرفي للكسرة هاذيك هي الفايدة كسرة وماء هههههههههه

[فحلية]

أعطيك نصيحة : الطبخ يحتاج إلى نفس مفتوح ( رغبة في العمل )
يعني أتقني عملك واقتنعي أنك مهمة للآخرين ولولاك سيموتون من الجوع ههه
الطبخ يحتاج لصبر وأخطاء يجب أن ترتكبيها في المقادير ( ملح مسوس .....) والتوقيت ( نيء . طايب بزاف ....)

[سما الايام]

شكرا اختي ربي يهنيك