والله غير قريب ماقتلتها

كنوز المعرفة · 2010-06-14, 10:21

بسم الله الرحمان الرحيم

البارح دخلت لموقع في اولو علبة شات لميتين على الكرة المستديرة وانا نقولكم الصح نموت على الكرة في ناس من كل البلدان العربية في مصر السودان تونس والمغرب خشيت وبديت السلام عليكم ونتعرفوا انا كتبت كنوز مشجعة الخضر نطقت المصرية انتي تشجعي الخضر (بمعنى الخضرة يعني بطاطا) سكت ووفوت وبدينا نسئلوا بعض وش راكم رايحيين تشجعو المغربية والتونسية بكل فخر الجزائر بقات 2 مصريات الاولى نطقت الارجنتين او ممكن البرازيل والاخرى نطقت انا نشجع البرتغال حاولت المغربية ترجعهم الى صفنا قالت نحن كلنا عرب فلنساند جميعا ممثلنا الوحيد في كاس العالم نطقت المصرية اه اه لا لا لا تربطي العروبة بالجزائر انا هنا خلاص تعمرت نطقت وقلت انتي حابة ديري كيما ممثلة مصرية قالت ليه ايه عملت قلت قالت انا اشجع الفريق الامريكي فقالت لها الصحافة لمادا لا تشجعي الفريق العربي الوحيد الجزائر نطقت وقالت انا عندي لايمثلون العرب (نحن اصلا في غنى عنك وعن الي مثلك) دخلت وحدة سودانية وفاهمة بزاف في الكرة الجزائرية قالولها مادا ستشجعين قالت الجزائر نطقت المصريتين في نفس الوقت نحن امريكا ( انا كون لقيتها قدامي كون قتلتها كيفاه هدا يسمى تستفز في) ومن بعد خرجت التونسية والمغربية لانو كان قريب وقت المباراة وانا قلت باي وقبل مانغلق لقيت مصرية كاتبة لازم نشجع سلوفينيا لان الجزائر خسرانة خسرانةاصلا هو فريق احمق هنا طول رديت قلت تتكلمين على الحماقة والجميع يعرف من هو الاحمق اتعرفين المثل الدي يقول دعه يتكلم اتركه يتالم ردت اصلا احنا خليناكم تطلعوا لكاس العالم عشان تتعلمو من الكبار انا هنا صاي خلاص قلتلها نعم كنت قادرين تصدو هدف عنتر يحيى بصح قولتو خلي حتى الحضري النقل الحضري ثار يبكي قالت ونسيتو جدو الي لما تسمعوا اسمو تتهدو قلتلها ونسيتو حاكمكم الغالي على قلوبكم كوفي كوجيا وقلتلها لما انتم فالحين في الكرة لاه ماكمش فالحين في القضية الفلسطينية وانتم غالقين عليهم بالسد ومافتكرتوش الاسرائلية الي رافعين عليها قضية بلي كون تخرج من بلادها تسجن جات ليكم وكرمتوها هنا سكتت وما قدرتش تهدر كتبت القافلة تسير و.........تنبح وقوتلها كمليها خرجت وغلقت وانا كلي فخر ومن بعد المبارة دخلت وعمرتها 123 viva l'algerie لقيتها وطلبت مني السماح انا سامحتها لانو هدا من شيم الجزائريين وانا مع الجزائر خاسرة او رابحة

djemadikhaled · 2010-06-14, 10:38

مشكووووووووووووووووورة غزيتيلهم

كنوز المعرفة · 2010-06-14, 10:40

شكرا على ردك هدا لكل من يحاول ان يستفز الجزائريين

salsabil-djelfa · 2010-06-14, 10:49

استسمحت منك؟؟؟؟؟؟؟؟؟؟؟؟؟؟؟؟؟ والله غريببببببببببببببببببببببببببببببببببببببببببببب
يعطيك الصحة على ردك

adel1444 · 2010-06-14, 11:03

معاك يا سعدان و معاك يا غزال و يا شاوشي و يا كل ابن من ابناء الجزائر حتى و لو خسرتم

كنوز المعرفة · 2010-06-14, 11:30

شكرا على ردودكم شكرا جزيلا

~~قلم ضائع~~ · 2010-06-14, 11:40

اسمعي انا كنت ندخل لرومات تاع ناس فور غير شعراء و ناس فور
و فيهم مصاروة ياو من نهار 12 نوفمبر ...محيت كل شيء فيه ريحة
هاذ لبلاد مع انوا كان هناك من دفع الثمن و هوما جد متربيين و يحترموني
قتلهم مش ناقصة معرفيتكم ...العهد الذي بيننا و بينكم انتهى
و انتي قاعدة مزال تدي و تجيبي معاهم

rayenne · 2010-06-14, 11:57

صحيتي اختي احنا مع فريقنا رابحين او خاسرين

djauida · 2010-06-14, 12:08

نستعرف بيك كيسكتيها جزايرية وفحلة.

كنوز المعرفة · 2010-06-14, 12:15

شكرا جزيلا على ردودكم لكن قلم ضائع الشات ده للكل مش للمصريين وشكرا ريان واحنا دايما مع الخضرة djauida لازن ندافعوا املا نسكتلها انا جزائرية سطايفية فحلة

كنوز المعرفة · 2010-06-14, 13:25

شكرا جزيلا شكرا شكرا

tita_gas · 2010-06-14, 14:12

اصيلة يا اختي .... و يكفينا علمنا الذي رفرف في جنوب افريقيا و نشيدنا الوطني الذي دوى اجواءها و تحيا الجزائر
1.2.3.فيفا لالجيري ...... يحيا الفريق الوطني ربي يوفقهم

كنوز المعرفة · 2010-06-14, 19:55

ربي يوفقهم وباش نعرفوا مازال معنا حظ وانشاء الله نربح ونصعدللدور الثاني يا رب