طلب (اريد قاطو القارص)

[جولنار1000]

السلام عليكم
من فضلكم انا نحب نعمل قاطو القارص لكن مانعرفش المقادير اللي عندها تفيدني وجزاها الله الف خير خاصة اذا كانت طريقة جديدة لكن من فضلكم تكون مجربة

[جولنار1000]

25 مشاهدة ولارد ولا كامل كي حالتي ماتعرفوش هههههههه

[mimicha1977]

اهلا اختي جولنار هذا بعض الحلويات لتتكون من القارص ( الليمون ) نتمنى تنال الاعجاب فقط دعوة خير

*************************


قاطوا مربعات الليمون



رطل زبدة + كاس سكر قلاص + 1 فاني + 1 خميرة +3بيض + كاس نواد كوكو + نصف كاس نشأ +1 عصير ليمون = عجينة تطبعيها بالمول كاري مربع طيبي ثم تضعي حبة على حبة بالمعجون ثم من فوق كريمة نتاع الزبدة = زبدة + سكر قلاص + ليمونعصير + قشور ثم زينها شرائح اللوز و زيني بحب الملوك من فوق .



**********************************


بسم الله الرحمان الرحيم

قاطو خفيف

250غ زبدة مع كاس سكر ناعم+2 ليمون و استعمال العصير والقشورر مرحية مع ثلاث بيض + نصف كاس زيت+ كيس خميرة القاطو نبدا بالزبدة مع البيض نمزج جيدا ثم السكر و القارص فالزيت و الخميرة نضيف الفرينة او ما يعرف بالدقيق قليلا قليلا حتى نتحصل على عجينة طرية و سهلة التشكيل نقوم بفرد العجينة على قليل من الدقيق و نقوم بواسطة قوالب بطبع العجينة على اشكال مختلفة ثم ندهن بالبيض الاشكال المتحصل عليها و نزينها بالجلجلان او حلوى او مكسرات و اخيرا نضعها بالفرن على حرارة هادءة حتى تنضج و بصحة و عافية

*********************

بسو و لاتمسو بالليمون

مقادير:
250 غ مارغرين طرية، كأس سكر ناعم، 3 صفار بيض ، كيس خميرة كيميائية، 200 غ مايزينا، قشور وعصير 3 حبات قارس، فرينة، ملون أصفر، ماء الزهر، سكر ناعم.
التحضير:
في جفنة نضع المارغرين والسكر نمزج ونضيف صفار البيض المايزينا والخميرة ومبشور الليمون ثم نضيف الفرينة حتى نحصل على عجينة ،نصنع من العجينة حرابش فوق طاولة مرشوشة بالفرينة، نقطعها على شكل مقروط نضع الحلوى في صينية وندخلها الفرن مدة 15 دقيقة.عندما تنضج نغطس المقروط في ماء الزهر أو الشربات ونغلفها بالسكر الناعم الملون بالأصفر ونضعها في أكياس ورقية


تحياتيmimicha

[جولنار1000]

بارك الله فيك اختي mimicha
هذا هو القاطو اللي نحوس عليه تعيشي وربي يهنيك
بسو و لاتمسو بالليمون

مقادير:
250 غ مارغرين طرية، كأس سكر ناعم، 3 صفار بيض ، كيس خميرة كيميائية، 200 غ مايزينا، قشور وعصير 3 حبات قارس، فرينة، ملون أصفر، ماء الزهر، سكر ناعم.
التحضير:
في جفنة نضع المارغرين والسكر نمزج ونضيف صفار البيض المايزينا والخميرة ومبشور الليمون ثم نضيف الفرينة حتى نحصل على عجينة ،نصنع من العجينة حرابش فوق طاولة مرشوشة بالفرينة، نقطعها على شكل مقروط نضع الحلوى في صينية وندخلها الفرن مدة 15 دقيقة.عندما تنضج نغطس المقروط في ماء الزهر أو الشربات ونغلفها بالسكر الناعم الملون بالأصفر ونضعها في أكياس ورقية

[mimicha1977]

بصحتك اختي الحمد الله لي لقيتي علاه تحوسي

شكرا