كسكس البلوط بمرق أحمر

[سيرين 5]

جبتلكم وصفة تقليدية صحية مئة بالمئة هههههه الطعــــــــــــــــــــــــام تاع البــــلوط يجي لونه أسود كيما تاع الشعير مليح لليسطومة فيه فوائد بزاااااف حنا يفتلوه في بلادنا (أنا أصلي من جيجل) وبزاااااف بنين

1- في كوكوطة حطي صدر دجاج + بصلة مرحية + ملح (شويا برك) + فلفل أسود + راس الحانوت فلفل دريس + عكري + م ك زيت زيتون و نحطوهم يتقلاو على نار قليلة



2- بعد ما يتقلاو حطي حبتين طماطم رابي + سنينات ثوم + م ك طماطم مصبرة و خليهم يتقلاو



3- بعد ما تتقلى الطماطم هي الأخرى مرقي بماء ساخن و لما تغلي حطي اللفت و الجزر بعد ما كنت نقيتيهم و قطعتيهم + حبة حار(ماشي حارة هههه) للبنة فقط و أغلقي الكوكوطة و خليها تصفر هههه



4- هذا هو طعام تاع البلوط للي ما تعرفوش ؟ صحي و بنين



5- نغسلوه بالماء و نصفيوه بسرعة باش نحيولو أي شوائب فيه و نخليوه يشرب



6- ندهنوه بم ك زيت زيتون



7- نحطوه يفور للمرة المرة الأولى



8- بعد ما يفور نملحوه شويا برك و نشمخوه بالماء و نذوقو إذا مازال يابس ولا طرا ، نشمخوه حتى يولي طري كيما الطعام الأبيض عادي



9- نخليوه يشرب و نزيدو نحطو يفور للمرة الثانية



10 - بعد ما يفور ندهنوه بمغرفة زيت زيتون



11- في هاذ الأثناء المرقة تكون طابت نحلو الكوكوطة و نرمي حفنة حميصة (أنا عندي طايبة و الفريزة) نخليها تغلي غلية خفيفة و نطفي عليها



12- و نقدمها بالصحة و الراحــــــة

[Sembai]

لااله الا الله محمد رسول الله

[maria09]

بارك الله فيك

[أمنية غفران]

بارك الله فيك أختي و يعطيك الصحة
انا اول مرة تذوقته في حياتي عند ناس زوجي و من تماك وليت أنا لي نطيبه ليهم اممممممم

[أم سدرة]

مشكورة اختي