لوجه الله يا عباد الله ساعدوني!!!

[المتفائلة بالغد]

السلام عليكم والرحمة والإكرام،،،

كيف الحال يا إخوان إن شاء الله تكونوا بألف حال؟؟؟

أرجو منكم المساعدة فأنا أدرس سنة 3 ثانوي شعبة علوم تجريبية ومشكلتي هي:

في ثانويتي ثلاث أقسام علوم تجريبية بالتأكيد سنة 3ثانوي ، قسم علوم تجريبية 1 فيه كل التلاميذ الممتازيين

ولهذا السبب الإدارة أعطتهم الأساتذة الممتازيين،أما القسم الذي أدرس فيه فهو 3علوم تجريبية 2 وهو أسوء قسم

من حيث التلاميذ أو الأساتذة أي هناك ظلم في توزيع التلاميذ والأساتذة وعندما طلبنا من الإدارة تغيير القسم أو

تغيير الأساتذة رفضت.

الله يخليكم أخبروني ماذا أفعل والله رايحة أجن ساعدوني!!!

على فكرة التلاميذ النجباء الذين يدرسوا معي في نفس القسم هناك منهم من ذهب إلى قسم ع ت 1 مع أنه مسجل

في قسم ع ت2 وهناك من يرغب في تغير الثانوية بأكملها مع أنه توجد ثانوية واحدة في بلديتنا أي أنهم

ينتقلوا إلى البلديات المجاورة.

[المتفائلة بالغد]

في رأيك يعني هكدا بس والله شيء يخنق القلب !!!!!

الله يهديهم

[abir2022]

وش راحلك فيهم ختي نتي قراي وحدك + ليكور + المنتدى ...بربي انشالله يوفقك ربي ...

[ryna]

انا تاني كيفك بصح انا طحت قسم علوم تجريبية 3
والاساتذه شوية شوية بصح انا نقولك هناك دائما امل والحمد لله راني لاباس عليّ وان شاء الله ننجحوا كامل بمعدلات طالعة بزاف تاني هذا العام قلوا اااااااااااامين

[imanemosta]

الباك مشي اسلاسوا الاساتدة انتي اعتمدي على روحك و مهما كان الاستاد مليح لازم انتي اديري برنامج ليك يومي تقراي فالدار
وحاولي اديري مجموعات مع التلاميد الملاح و اتحلوا التمارين في وقت الفراغ
المهم متخليش دقيقة تفوت بلاما تقراي فيها و ربي ينجحك وتفرحينا في جويلية

[سلمى سلومة]

مادام حطوك في القسم التاني يعني ماراكيش من النجباء علا رايهم
اقراي في القسم تاعك و برهنيلهم العكس
الأساتدة حاولي تركزي معاهم ومن بعد توالفي بيهم و الغاشي خاطيك
ادا ماخرش عليك راي بدلي القسم
سلام و بالتوفيق

[lili2]

ختي غير متقلقيش روحك حبا نسقسيك انت حبا تجيبي باك وتفرحي وتفرحي داركم ولي يحبوك
اكيد تقولي ايه
اول حاجة دريها
تقولي وتعولي تجيبي باك ودري لي عيك ولباقي على ربي وكلشي مكتوب
وتقراي حتى لو كان يدروك في قسم فبه 100 تليمذ او يحطولك اي واحد قريك
يا ختي استاذ لازم يعرف حاجة انت ادي منوا مكيبموا في قسم واتعرفي على تلاميذ قسم لي هدرتي عليه وادا كانت عندك ساعة فارغة اقراي معاهم وتقربي للاساتذ هذا القسم وسقسيهم على اي حاجة مشي راكي فاهمتها
وعندك منتد الجلفة وانا دا حبيتي اي حاجة اسالي حتى ادا كنت منعرفش نسالك الاساتذ
انا مزال لدرك مدخلناش نفراو واخر حاجة نخمم فيها الاساتذ
انا عرفت بلي نجاح يكون اساس تلميذ ادا حب اجتهد
ومتعمريش راسك دروني في ثسم مشي مليح ياك صعيب سنة ساهل ولا صعيب اقراي برك

[josef1889]

و الله كل الثانويات تعاني من هذه المعظلة

هذا ظلم . . . و لكن علينا الدراسة وحدنا و الاعتماد على انفسنا و المصادر الخارجية

اللهم اعنا على الفلاح هذا العام جميعا
يا رب يا رب يا رب

[سلمى سلمى]

يا اختي كوني متاكدة انو القسم الي يتفاتنوا عليه ويقولوا انو مليح وكامل الناس تحب تروح ليه دائما دائما يفشل لانه تكثر عليه الحساوس والهدرة وما تجيش فيه البركة ......................ثم انه التلاميذ هم من يحددون اذا كان القسم جيد ام لا بتصرفاتهم واجتهادهم وليس الا ساتذة .............انا نقرى في قسم 3عت1 واساتذتنا متوسطين في المستوى لكننا اخترنا منذ الاول كاحسن قسم بعكس 3عت2 من لهم افضل واحسن الاساتذة ولكن هم اسوء قسم بشهادة الجميع لانه في البداية الكل حسدهم واراد ان يدرس في قسمهم ...........لكن ان كان وضعكم ماساوي جدا بامكانكم كتابة تقرير للمدير او لمدير التربية لولايتك ..........وفقك الله

[عاشقة الوفاق]

ختي عليك وعلى شطارتك اقراي وحدك الاساتذة ماراحش يعطيوك كلش

ربي يوفقك