الروسوفار ( القابض) لم التأخير والانتظار الطويل

[خالد عنابي2]

السلام عليكم

احب ان افتح في هذا الموضوع موضوعا يمس الكثيرين ويسبب عراكات يومية في الحافلات العمومية

الا وهو الانتظار الطويل للحافلات في المواقف

المفروض ان الحافلة لديها وقت معين في المحطة الرئيسية للتوقف ووقت للمغادرة والوصول ومواقف الحافلات فقط لاصعاد وانزال الناس

ولكن اغلبية الحافلات يبقى بيك 5 الى 10 دقائق حتى في موقف يفترض به ان يتوقف فيه 30 ثانية فقط

السؤال المطروح بشدة هنا هو لماذا ؟

اذا كان الجواب هو لكي يصعد بعض الناس ومايروحش فارغ فهذه الحجة خاطئة تماما

لماذا ؟

لان الحافلات التي تنقل على خط واحد تشكل دورة فيما بينها cycle

فعندما لا يصعد الشخص في حافلتك حتما سيصعد في التي تليها

وانت لن تخسر ذلك الشخص بل سوف تربح الشخص الذي كان سيصعد في الحافلة التي سبقتك

يعني خلاصة القول هو انه مهما كانت سرعة سير السلسلة فعدد الاشخاص المسافرين هوما هوما

فلماذا اذن الانتظار الطويل حتى صار المشي على الاقدام في احيان كثيرة اسرع وصولا من ركوب الحافلة العمومية

[chouchou w]

سلام يا اخي نضام ليقلت عليه انو الحافلة تقعد تستنا 30 ثانية ولازم كل 15 د تفوت حافلة يا اخي معمول بيه هنا في فرنسا نضام رايع مي فلبلاد متصلحش لبوس كلواحد ملاه زي وحوسو علي السوارد ماشي علي خدمت الشعب ربي يهديهم اطمع فزد لبلاد ولي فيها سلام

[ام البنوتة]

و الله الموضوع في وقتو..
اليوم ديت بنتي للطبيب عندي رونديفو على 8.30 و خرجت من الدار 8 غير ربع ركبت في حافلة و الله الذي لا اله الا هو غير 20 او 25 دقيقة و هو حابس في وحد الموقف و الناس نووووورمال واحد ما يهدر ..الصراحة قلبي خرج و عطيت للشوفور كلام ما ينساهش سورتو و انا راكبة موراه و الله ما رد علي بكلمة خاطر علابالو انا على حق و هو على باطل و كملتها قتلو الله لا تربحك ووصلت للطبيب و فات الوقت و بقيت نستنى...زعما رايح ربي يباركلهم في دراهم جايين على حساب اعصاب ووقت و التزامات الركاب !!

[لحن الحياة.]

ايييييييييييييييه هاذوك يستناهم لي فارغ شغل .انا كي نكون مش خدامة وما ورايا والو نطلع فالحافلة
اما الخدمة يدوني الذراري او نروح فالطاكسي نخلصها دراهم و مانحطش بروحي

[abdallah21000]

الحل الوحيد في هاذ البلاد، انك تشري سيارة وتحفظ كرامتك من الامتهان في الحافلة او الطاكسي

[أحمد السقري]

الحل الوحيد في هاذ البلاد، انك تشري سيارة وتحفظ كرامتك من الامتهان في الحافلة او الطاكسي

[غزلانْ]

السلام عليكم

هادي نورمال ولات عادية و الجديدة هي كي تركب و بعد ها يوقف الروسوفار و يقول أيا خوتي أنزلوا الحافلة طاحت أومبان و ماعندك مادير تنزل و تركب مع حافلة يوقفها هو بنفسه

[ighil ighil]

نحن في بلاد تسير بقانون الغاب الفوضى في كل مكان. القانون يداس عليه من الرئيس الى ابسط مواطن.
.

[سوار سارة]

السلام عليكم
أنا لست سطايفية ولكن زرت مدينة سطيف الحافلات فيها لا يتأخرون كثيرا في المواقف هذي تجي وهذي تروح أما في ولايتي المسيلة تنسى وين راك رايح
خاصة أصحاب حافلات النقل الخاص أما العمومي لا يتأخرون كثيرا

[عبد الرؤوف24]

السلام عليكم
المشكل انهم يخمو بعقليتهم هوما ليس بعقليتك انت

[ع.س]

سبحان الله يعني هذ الظاهرة موجودة فقط في العالم الثالث و خاصة الجزائر ... بسبب غياب الرقابة الصارمة ولاو صحاب الكيران دايرين رايهم و يديروا واش يحبوا كأنهم يملكون الطريق و كل شي يعني راك تشعل بقا بيك 5 دقايق برك
الله يهدي ماخلق و خلاص

[الشاهين الصياد]

الكار مهزلة حقيقية تستنى وتستنى باش هالمركبة العجيبة تديك

[Nadiamanal]

صحيح يا اخي و الله هذه الضارة منتشرة و انا اكره انتضار و خاصة كي نكون واقفة شكرًا

[قدور بن عاشور]

الروسوفار ( القابض) لم التأخير والانتظار الطويل؟

ببساطة لأنه يشوف فيك ألفراك.

[yassmena ahmed]

يعطيكم العافية