svp راني حاير

[Help_Me]

..............

[أمينة بوعوينة]

المشاركة الأصلية كتبت بواسطة help_me

سلام عليكم
كيفاش راكُم تحفظوا، نحوّس نحفظ بسرعة و ما ننساش، prcq ما راني حافظ والو.
في الباك تاعي لوّل وما حفظتش، تسمّى راسي ما فيه حتى حاجة في التاريخ والجغرافيا
svp إلّي عنده كاش فكرة يقولي، وهل هذا الوقت مناسب للحفظ؟

سلآلآم

ياخي قتلك دآكنهــآر أبدا -_-

مي معليش مازال الوقت

أحفظ الشخصيات والمصطلحــآت

والدروس حاول تقراهم برك

وكيما الدروس تا الجغرافيا ( نصهم تقافة عامة)


بالتوفييييييق

[أمينة بوعوينة]

المشاركة الأصلية كتبت بواسطة help_me

هههههه، راني غي عاقل ذاك النهار

أبدا من اليوم ... روح واش تسنّى


وين ولّيت فلاريفيزيون ؟؟؟

[أمينة بوعوينة]

المشاركة الأصلية كتبت بواسطة help_me

الفيزياء: كمّلت الأحماض و الأسس.

الرياضيات: بقالي نراجع المتتاليات والدوال الأصلية prcq شوية نسيتهُم والوحدات لوخرين، راني حاس مازالني ناقص فيهُم، مي ما نرجعبلهُمش، نحل التمارين وصاي.

العلوم: بقالي التنفس، هههههههه والدروس لوالا الله يجيب الخير، عندي شحال ما طلّيتش عليهُم مساكين.
المواد الأخرى: لا علاقة أبدًا -_-

على العموم راك بيــآن

بصح لآزمك طّل على المواد الأخرى ... واشلي لا علاقة هادا

لآزم تقرى كلش

أسمع الفرونسي ولانجلي حل لي سيجي تا الباك من 2008---2014 ... والعربية تاني

تبقالك الفلسفة .. لا فاهم شوي مقالات اي مليحة ولاماش فاهم حاول دّير تحليل نص

اى والإسلامية تاني ... آي ساهلة

بالتوفيق نْ شــآ الله

[آلم̝̚عﭠم̝̚ﮃ علے آلله]

سلآم خويآ
اتوكل على ربي واحفظ المصطلحات والشخصيآت والتوآريخ
الدروس أفهم (يعني كي يجيك سؤال تكون فاهم واش صرى مآشي فهآمة سطحية فقط }
المهم كسر رآسك ونظم وقتك 5 أيآم تكيفك تحفظهم كآمل تبقالك غير المرآجعة للبآك
ربي يسهلك ..

[owl city]

المشاركة الأصلية كتبت بواسطة help_me

سلام عليكم
جيت نحفظ وما طقتش، كيفاش راكُم تحفظوا، نحوّس نحفظ بسرعة و ما ننساش، prcq ما راني حافظ والو.
في الباك تاعي لوّل وما حفظتش، تسمّى راسي ما فيه حتى حاجة في التاريخ والجغرافيا
svp إلّي عنده كاش فكرة يقولي، وهل هذا الوقت مناسب للحفظ؟

** و عليكم السلام و رحمة الله **
** اولا الحفظ ليس له وقت معين فكل حسب رغبته و لا تقل ابداا انك لا تستطيع ان تحفظ فقط انت تتذكر الوقت المتبقي لذا توهم نفسك انك لا تستطيع ان تحفظ لكن تخيل نفسك لو انك في جانفي او ديسمبر كم سياخذ منك الحفظ اعتقد انه على الاكثر لو تركت مثلا اسبوعا كاملا للحفظ ستنهي كل شيء دروس و مصطلحات و تواريخ + تحل مواضيع لذا ابعد هذا التفكير السلبي بالاضافة الا انه عندما تبدا مثلا في حفظ درس تاريخ ركز على ذلك الدرس فقط و لا تفكر في الدروس الاخرى و المصطلحات و الجغرافيا.....و بذلك كلما واصلت الحفظ زاد ربحك للوقت و بعد ذك ستحفظ مثلا درسا في ساعة ثم 40 دقيقة ثم 30 و هكذا و ستجد نفسك بمجرد مرور 5 ساعات قد تقدمت اكثر مما تتوقع **
** و اظن ان هناك من يترك نفسه للاسبوع الاخير قبل البكالوريا و يحفظ و يتحصل على علامات كما انك الان لن تضطر لاعادتها مرة اخرى و ستترسخ و قبل البكالوريا مراجعة خفيفة و تتذكر **
** اتمنى انني افدتك و لو بالقليل **

** دعواتك لي بتحقيق المعدل الذي اتمناه و لك ايضا **
** سلام **

[jojo Maria]

والله مام بروبلام معايا ملي نهز كراسة باش نحفظ نشهى في الرياضيات ولاعلوم ولا فيزيا خخخخخخخخ
ربي يجيب الخير وخلاص

[أمينة بوعوينة]

المشاركة الأصلية كتبت بواسطة help_me

إن شاء الله أمينة، مالا les langues غي حل المواضيع يكفي؟

يارررررب

هيه نأكّدلك .. بصح حلّ المواضيع تــآع الصح ( ماش هكاك برك) .. تسمّى حاول تهز أكبر عدد من المعاني تاع الكلمات .. مناه كيمّا الفرنسية 14 نقطة على فهم النص ... مايجيبوش خلآص القواعد

[أمينة بوعوينة]

المشاركة الأصلية كتبت بواسطة jojo Maria

والله مام بروبلام معايا ملي نهز كراسة باش نحفظ نشهى في الرياضيات ولاعلوم ولا فيزيا خخخخخخخخ
ربي يجيب الخير وخلاص

المشاركة الأصلية كتبت بواسطة Help_Me

ههههه، أنا ثاني نبدا نخمّم فيهُم مساكين، prcq المعامل فيهُم كبير ونخاف نضيّعهُم

أمشيوْ تحفظوووووووووووووووووووووووووووآ وتقراااااااااااوْ

[أمينة بوعوينة]

المشاركة الأصلية كتبت بواسطة help_me

هههه، إن شاء الله نحلّ بصحّ مشّي ضروك
نتي ضحال ديتي في الـ fr فل الباك؟

-_- ... نتَ دايمـآ ماش ضروك ... وآكتـآ مّآآلآ -_-

لآه واش قاعد دّير درك ... روح قتلك ماضيّعش الوقت

دّيت 12 ... بورطون كنت أور شوو .. وعــآم كلّ ماقريتهــآ ... الشيخة لآ علاقة -_- ... تجي تتمسخر

كانت حصة الفرنسية ... حصة تحسين الخط -_- .. ملّي ندخلوآ وحنــآ نكتبوآ حتّى نخرجوآ

لآزم عليك تفهم النص وخلآص

[آلم̝̚عﭠم̝̚ﮃ علے آلله]

المشاركة الأصلية كتبت بواسطة help_me

الله يحفظك صديقي، مي 5 أيّام نكمّل زعما؟
نخبرك شا باغي ندير، باغي نبعدهم من الطريق، باش يبقاولي غي تاع الفهامة، prcq هاكا راهُم مجينييني

ايه يآآ خويآآ تقدر زير على قلبك برك
شوف روح المصطلحات تاع محمودي عادل وامحي منهم التوآريخ كامل يعني تاريخ التأسيس و....الخ
كي تكمل الحفظ يومين ولا 3 أضرب عليهم طلة اقرآهم برك على خاطر الحفآظة الأولى تنسى بسرعة
الله يسهلك خويآ ..

[أمينة بوعوينة]

المشاركة الأصلية كتبت بواسطة help_me

المهمّ ميش ضروك، أنا نروح نراجع الفيزيك واقيلا، ونحل شوية تمارين فيهُم، والحفيظ خلّي كاش نهار وصايي هههههههه، والله مرض هذا الحفيظ -_-.

أوكي دبّر راسك .. نتَ اللي تعرف مصلحتك

هيه مليح بالتوفيق ن شا الله

كاش نهار -_- نهار ن شا الله

ما مرض ماوالو ..تفوت وتزدم .. خلآص كلش يجيك ساهل

روح مّـآلآ ... بالتوفيق

[أَحمــد]

تذكـــــــــــــــــــــــــير:الكتابة باللغة العربية الفصحى

[أمينة بوعوينة]

المشاركة الأصلية كتبت بواسطة *الأمين أحمد*

تذكـــــــــــــــــــــــــير:الكتابة باللغة العربية الفصحى

شكرآ على الملآحظة

أعتذر بالنيّــآنة على الكل

[أمينة بوعوينة]

المشاركة الأصلية كتبت بواسطة help_me

ههههه، الله يحفظك

اللهم آمين ... وإيّــآك